أعضاء تحت الاضواء ( 5 )مش واحد مننا خالص

خطابات مبارك

الخطاب الاول

بتعيين احمد شفيق وتعيين عمر سليمان نائب رئيس

الراجل اللى كان اتعمله يفط فى شوارع مصر انه رئيس المستقبل وانه مرشح محتمل للرئاسة

ناس كتير فرحت لما عرفت ان عمر سليمان بقى نائب رئيس

والله انا نفسى واحد اتصل عليا قاللى مبروك يا اس عمر سليمان بقى نائب رئيس

قلتله مين عمر سليمان ده قاللى رئيس المخابرات المصرية قلتله عارف

يعنى كويس ولا وحش قاللى عشرة على عشرة قلت خير

ومن يوم 28 ليوم 1 الخطاب التانى الوضع كما هو عليه ومفيش جديد البلد فى حالة فوضى ومفيش شرطة

وناس عمالة تطلع فى التلفزيون ويقولوا اللى فى التحرير دول فاضيين مفيش وراهم حاجة وناس تانية تقول لا

لغاية لما الخطاب التانى ذاعوه

ويوم الخطاب ده كنت انا والمهندس سيد رفعت والمهندس شريف حسن والمهندس رضا نزيه كنا بنتكلم مكالمة جماعية عالسكاى بى

وعمالين نقول اللى فى التحرير دول مبيزهقوش ما يروحوا بيوتهم بقى يا عم

هكدب عليكوا يعنى ده اللى حصل

ونرد على بعض يا عم ويروحوا ليه قاعدين واكلين شاربين نايمين

وساعة ما الخطاب جيه قلنا نشوف الخطاب ونكمل بعدها

انا عن نفسى كنت بتفرج عالقناة الاولى المصرية

وكان خطاب مالوش حل

الراجل هيكمل فترته وهيخلع ولا هيترشح لا هو ولا ابنه

وتعديل المادة 76 و77

وغير ده كله

إن حسني مبارك الذي يتحدث إليكم اليوم

يعتز بما قضاه من سنين طويله في خدمة مصر وشعبها

إن هذا الوطن العزيز هو وطني

مثلما هو وطن كل مصري ومصريه

فيه عشت وحاربت من أجله

ودافعت عن أرضه وسيادته ومصالحه

وعلى أرضه أموت

وسيحكم التاريخ علي وعلى غيري

بما لنا أو علينا

إن الوطن باق والأشخاص زائلون

ومصر العريقة هي الخالدة أبدا

تنتقل رايتها وأمانتها بين سواعد أبنائها

وعلينا أن نضمن تحقيق ذلك بعزة ورفعة وكرامه

جيلا بعد جيل

حفظ الله هذا الوطن وشعبه

والسلام عليكم ورحمة الله وبركاته

وخدو بالكو من الحتة الجاية دى

اغنية عمرو دياب اللي ضحى لاجل وطنه ولاجل مايعود النهار


القناة الاولى بقى

بجد انا يومها جسمى قشعر والراجل ده اثر فيا بجد

ومش انا لوحدى خلينا صرحا ناس كتير زيى واكتر من اللى نزلوا التحرير نفسهم

ناس كتير قالت ان اللى عمله هو الصح وانه مينفعش يسيب البلد وان البلد اهم من كل حاجة وان هو كده قلبه على البلد وخايف عليها وان مش هيرحل ولا هيسيبها وانه هيموت فيها وانه خلاص هيكمل فترته ويمشى ومش هيترشح لا هو ولا ابنه ولا كان حد يخطر على باله انه هيتنحى ابدا مهما حصل

وكله مشى ورا نظرية المؤامرة والعناصر المندسة والايادى الخفية وان الموجودين فى التحرير هما اللى هيخربوا البلد

والمشكلة كنت انا لما احب اشوف الرأى التانى كنت بجيب قناة الجزيرة وكانت مولعة الدنيا خالص

اقول ارجع يا عم الحياة زبادى فى الخلاط عالقناة الاولى هما القطريين هيعرفوا اخبار مصر اكتر مننا

طبعا وضع طبيعى الخطاب اثر فى ناس وناس كتير دمعت وانت ممكن تكون واحد منهم ايوة انت يالى بتقرا وكتير قالو ان الراجل ده كده حافظ على البلد وانه ويكفى انه مهربش وقال انه مش هيترشح لا هو ولا اولاده وقال انه يعتز باللى قدمه لمصر وهيموت فيها وناس كتير قالت انه كبر فى نظرهم

يبقى احنا نكدب على نفسنا ليه مش هى دى الحقيقة وده المفروض اللى يتقال اننا

اتخدعـــــــــــــــــــــــــــــــنا

مش نقول اننا كنا مع الثورة من اول يوم

مش كله طبعا

وان ده من الفلول لا ده من المتحولون وده دخل قايمة سودا هو عشان واحد قال رأيه انه يكمل فترته حتى لو كان رأيه غلط ومش فاهم فى الوقت ده يبقى متحول وضدد الثورة

الكلام الصح اننا كنا معاها وكنا ضدد الفساد وضدد البطالة وعاوزين عدالة اجتماعية الخ من المطالب المحفوظة لكن مش مع التخريب ولا مع انهيار مصر واننا ربطنا رحيل الرئيس بانهيار مصر

ومن ناحية تانية مش كل اللى كانو فى التحرير هما اللى هيعدلوا المايل يعنى انا لما كنت بشوف واحد زى عمرو واكد ولا خالد ابو النجا

كنت ولا بلاش

ولما يجيبوا واحد زى علاء الاسوانى قدام احمد شفيق

مين علاء الاسوانى ده ولا طلع امتى

الناس دى مش مقياس للوطنية والانتماء وفيه ناس بقوا ضدد الثورة وبقوا من الفلول واتحطوا فى قوايم سودا واللى اتقال عليهم متحولون مع انهم مش كده خالص

او اللى انا اقصده انه مش كلهم

ومش كل اللى نزل التحرير كان قلبه عالبلد واللى منزلش واتأثر بخطاب الرئيس وكان عاوزه يكمل فترته يبقى مش وطنى وضدد الثورة

وعلى فكرة دول اغلبية الشعب المصرى اللى بيقول عليهم محمد صبحى دايما الكتلة الصامتة

اسمحولى ارحب بالعضو اللى مقصر معانا جدا فى رمضان ده لكن انا عارف ظروفه وربنا يعينه

ونتمنى نشوفه معانا باستمرار

المهندس شريف حسن

اهلا بيك معانا يا بشمهندس ورمضان كريم وكل سنة وانت طيب

ندخل فى الموضوع على طول

وبنسألك كام سؤال كده عالسريع وننتظر رأيك معانا

مهندس شريف هل انت كنت مع الثورة من اول يوم

كنت مع ان مبارك يكمل فترته

وايه كان رد فعلك لما سمعت عمرو دياب اللى ضحى لاجل وطنه

هل انت سياسى او متابع للحياة السياسية من قبل الثورة

ايه رأيك فى عمرو سليمان وايه رأيك فى احمد شفيق

مصر ايه غير الاصاله.. والقلوب الطيبين
مصر ايد تبني لولدنا.. حلم بكره والسنين


واللّي يرفع اسمها
يبقى اغّلى عندنا..من حياتنا نفسها

يبقى واحد مننا
ايوه واحد مننا

مش شرط مبارك اى واحد تانى يعنى نبوظ الاغنية عشان المرحوم

مستنى ارائكم وياريت يكون فيه اراء صريحة مع نفسنا ثم مع المنتدى

واجابات لكل الاسئلة