أعضاء تحت الاضواء ( 1 ) كل سنة وانتو طيبين

كل سنة وانتو طيبين ورمضان كريم علينا وعليكو يارب

ونشوفكوا على خير فى رمضان الجاى ان شاء الله

البرنامج بتاعنا من نوع خاص هنتكلم من القلب للقلب

والكلام كله بالعامية كأننا بنتكلم عالشات مفيش فصحى ولا تكليف ولا كلام كبير وكلنا ان شاء الله نعبر عن اللى جوانا

هنتكلم طول الشهر فى حاجات كتير مفيدة لينا وليكو ان شاء الله

هنتكلم عن رمضان وعن ذكرياتنا فى رمضان

وزيه العيد وذكرياتنا فى العيد

وطبيعى واكيد هنتكلم فى كام حلقة كده عن الثورة وعن الاوضاع الموجودة فى مصر

وهنتجاوز بعض الخطوط الحمرا اللى كانت موجودة قبل الثورة

هنتكلم عن الاخوان وعن الفلول ونؤيد ونعارض وننتقد

لكن سؤال هل انت كنت مع الثورة من اول يوم

كنت فين يوم مبارك ما اتنحى

وبعدين فين الجوابر من الثورة وايه كان رد فعلها بعد الثورة

ماشاء الله كلهم بقوا موجودين عالفيس وده كان اكبر رد فعل

ودينية ولا مدنية

هنتكلم فى حاجة تانية خالص نتكلم عن الاهداف وتحقيقها

وازاى تعيش حلمك وليه لما بتسمع ابراهيم الفقى بتسخن شوية وتروح تجيب ورقة وقلم وتكتب احلامك

وبعدها بكام يوم ابراهيم الفقى مين يا عم ده راجل فاضى

الا صحيح هو مين ابراهيم الفقى ده ؟؟

ونسألك سؤال فى حاجة تانية خالص وهو انت كنت شارى الكمبيوتر بتاعك ليــــــــــــــه

والسؤال الاخطر انك وصلت نت ليــــــــــــــه

ونتكلم عن الاعلام المصرى ودوره

وعن مثقفينا وعلمائنا وهل هما على قدر المسئولية

وعن برامج التوك شو وعن احمد المسلمانى اللى ما يعرفش حد فيك يا مصر غير احمد زويل

وام كلثوم اللى بتيجى فى نهاية الحلقة ومصر التى فى خاطرى

ونتكلم عن الازهر والعام والتعليم فى مصر وانت بتفضل ايه لو انت ولى امر او طالب

ونتكلم عن الغربة والمتغربين

وكل واحد متغرب اخرة غربته ايه يقولك هعمل قرشين حلوين وانزل اعمل اى مصلحة فى مصر يا ترى هتعمل ايه

هنتكلم فى ايه تانى يا عم اسامه

اللهم صلى عالنبى

يلا رضا اوى كده

ده كانت افكار لحلقات البرنامج

والكلام فى اى موضوع ما هو الا اراء وعليه نحترم الرأى والرأى الاخر

بس المهم يكون فيه رأى

نيجى بقى نشوف البرنامج هيمشى ازاى

البرنامج عبارة عن مجموعة من الحلقات

كل حلقة بموضوع

الموضوع مساهمتين

مساهمة خاصة بيا فيها مقدمة عن موضوع الحلقة وبعض الاسئلة للضيف او العضو اللى هو هيكون تحت الاضواء

المساهمة التانية فيها اجابات الضيف عن الاسئلة

والضيف عنده علم بالاسئلة وتم التنسيق معاه قبل نشر الموضوع ب 48 ساعة عالاقل

وعليه يقدر يجاوب عن كل سؤال

ده كله غير تعليقاتكم واسئلتكم للضيف من خلال المساهمات فى نفس الموضوع

مستنى اراءكم وتعليقاتكم

وياريت اللى شايف نفسه كويس فى حاجة معينة من المواضيع اللى ذكرتها

وممكن نعمل معاه حوار فى الموضوع ده او اكتر من موضوع

يراسلنى عالخاص او عالايميل الشخصى

واى عضوين لو عاوزين يعملوا لقاء ليهم مع بعض مفيش اى مانع

وبالنسبة للعضوات الفرصة قدامهم

وممكن ليهم جدا يعملوا لقاءات مع بعض فى اكتر من موضوع

وكل سنة وانتو طيبين

و


[ندعوك للتسجيل في المنتدى أو التعريف بنفسك لمعاينة هذه الصورة]

تمااااااااااااااااااااااااااام أ\ اسامة
ومنتظرين مواضيع ساااااااااااااااااخنة علي منتدانا



[ندعوك للتسجيل في المنتدى أو التعريف بنفسك لمعاينة هذه الصورة]

وانت طيب يا استاذ اسامة ماشاء الله موضوع جميل ومنتظرين الاجمل ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

اسلوووووووووووب رائع

وجذاب

بالتوفيق ان شاء الله


وتعليق بسيط لم تكن هناك خطوط حمرا بالمنتدي بالنسبة للاخوان الا بالضمائر وامن الدولة المزيف فقط


كل الشكر


واهلا وسهلا بكل الموضوعات

هتولع

ولسه

شكرا ليك استاذة بسمة عاوزين نشوف لقاءات للعضوات

[ندعوك للتسجيل في المنتدى أو التعريف بنفسك لمعاينة هذه الصورة]

كل سنة وانتى طيبة يا ام ردينة

وسلام كبير لابو الشباب اللى واحشنى والله وكل سنة وهو طيب

ولمحمد السيد طبعا

وابو ردينة كل سنة وهو طيب وهو مبيدخلش المنتدى اه

لكن المنتدى محتاجه فى تلات اربع حلقات كده

[ندعوك للتسجيل في المنتدى أو التعريف بنفسك لمعاينة هذه الصورة]

كل سنة وانت طيب يا ابو عائشة

عمر الاخوان ما كان ليهم خطوط حمرا على مستواى الشخصى

ولكن ادارة المنتدى كانت تعتبرهم خط احمر هم والفلول واى انتقادات للحكومة واى كلام فى السياسة بصفة عامة

وده كان خوفا من الادارة عالاعضاء والمنتدى من امن الدولة المزيف زى ما حضرتك قلت

[ندعوك للتسجيل في المنتدى أو التعريف بنفسك لمعاينة هذه الصورة]

افضل ولع فيها

لما الولعة هتكبر ومش هنعرف نطفيها فى الاخر يا ابو جمعة
[ندعوك للتسجيل في المنتدى أو التعريف بنفسك لمعاينة هذه الصورة]

جزاك الله خيرااا أسامه على هذه الفكره الرائعه والمتميزه
واتمنى الكل يشارك فيها