أعضاء تحت الاضواء ( 4 )انا كنت مع الثورة من اول يوم

هنعرض معاكو احداث الثورة بنظام الفلاش باك

بمعنى اننا هنقف عند محاكمة مبارك ونبدأ من اول الثورة خالص

انا كنت مع الثورة من اول يوم مشفتش صورى مع الدبابات عالفيس ولا ايه

بدأت الدعوة للثورة على موقع ( الفيس بوك ) لعب عيال فى الاول وكله كان متابع لكن كان عارف ان العملية مش هتجيب همها ومنزلش يوم 25 غير شوية من بتوع 6 ابريل على كفاية على كام واحد مسالمين ومحدش يخطر على باله ان الموضوع هينجح يعنى شوية

ولكن العدد اللى نزل يوم 25 هو اللى خلى الناس تاخد الموضوع جد وينزلوا يوم 28

ثورة 25 يناير المفروض تكون ثورة 28 يناير يوم جمعة الغضب اللى بعدها الناس بدأت تنزل فعلا فى الميدان

ويوم 25 مكنش فيه طلب بالرحيل او اسقاط النظام

وائل غنيم بيقولوا بطل الثورة وبيقولوا انه ماسونى عميل يكون زى ما يكون وصفحته خالد سعيد وخالد ده بقى كان مدمن كان شمام الله اعلم ربنا اللى هيحاسبه

لكن انا عمرى ما اقتنعت انهم كانوا سبب رئيسى للثورة ونزول الشعب

دى ثورة شعب

والسبب الرئيسى كان

الظلم اللى حاس بيه الشعب اللى كان عايش ومش عايش

الشعب اللى فاض بيه

وكان بيحسبها انه كده كده ميت

تزوير انتخابات واهدار مال عام وفساد بالجملة وحزب لاوطنى

كان فيه كشك فى اول شارع الاوتوبيس الجديد فى المنصورة معمول عليه يافطة كبيرة

نعم لجمال المستقبل

ياما نفسى اشوف الاسم اتغير وبقى مين الوقتى

يلا كفاية كلام كده واسمحولى ارحب بضيفى الاستاذ احمد شتيوى

اللى ليه ذكرى جميلة مع الثورة ويوم 25 يناير بالذات لانه كان متشائم من اليوم ده وكان بيقول يعنى الناس دى مش لاقية غير يوم 25

اعتقد انه الوقتى غير رأيه بعد اللى حصل

واسمحولى اسئله كام سؤال كده عالسريع

كنت فين يوم 25 يناير 2011

وكنت متوقع انه يحصل اللى حصل

ايه رأيك فى وائل غنيم وصفحة كلنا خالد سعيد

ايه رأيك فى الثورة ككل وهل انت كنت مع الثورة من اول يوم

؟؟؟؟؟؟؟؟؟؟؟؟؟؟

ونكمل بكرة ان شاء الله مع ضيف جديد

ههههههههههه ماشى ياسمسم
فعلا انا كنت خايف ان يوم 25 يناير كل المصريين تتشائم منه
لانه يوم ميلادى
لكن الحمد لله ربنا سترها
ادخل ف الموضوع بتاع حلقتنا
اى رايى ف الثورة من بدايتها
وهل كنت مع او لا ؟؟
...........................
ف البداية
انا شايف ان الثورة لسه ف طريقها للنجاح
بمعنى ان الثورة لسه مش نجحت
وبردو الثورة مش فاشلة
بل بالعس ليها مزايا كبيرة على المصريين والمغتربين حسوا بكدا
.................................
المهم انا هابدا من قبل الثورة
انا قبل الثورة كنت اسمع ان فيه مظاهرات وتجمعات من شباب .. وما كنتش اتوقع انها ثورة هتدرس ف كتب التاريخ زى ثورة 23 يوليو .
وكانت صفحة كلنا خالد سعيد موجوده بس زى ما انا متعود انى ما ادخلش على جروبات او صفحات انا مش مهتم بيها
لانى
كنت شايف ان الصفحة دى سياسيه ونقض ومعارضة .. وانا كنت مريح دماغى من
السياسة وبالذات اما سافرت .. وخلاص الواحد قال لنفسه ياعم كبر وانت ف مصر
عملت اى كبر .. لدرجة انى حتى ما كنت بقرا اخبار عن مصر ..
وف يوم 25
يناير طبعا دا يوم عيد ميلادى وعيد ميلاد اتنين من اخواتى .. فكنت مشغول
بالشغل ف اليو دا وكنت لسه بادىء ف شغله جديدة ولازم اثبت الذات والحمد لله
.. فخلصت الشغل ف اليوم دا .. وبدات اتصل على اخواتى واعيد عليهم .
والمنتدى بردوا عمل لى تهنئه وكان موضوع الثورة مش ف بالى . وقلت انها مظاهرة وتخلص ف نفس اليوم
وتانى
يوم انا بدات اتابع من الجزيرة والعربية وبدات اخد بالى وخاصة اما تابعت
الاخبار تانى وعرفت ان تونس خلعت بن على .. قلت ممكن الدور يكون على مبارك
... وبدات اخد بالى جامد من ثالت يوم وموقعة الجمل
وبدات احاول اقرا كل حاجة عن الثورة. واتابع الاخبار الجديدة عن الثورة ..
يوم موقعة الجمل انا كنت اتفرجت على قناة الجزيرة والعصر اما خلصت شغل لقيت جِمال واحصنه ف الميدان ما فهمتش حاجة .
..............................
كنا منتظرين خطاب مبارك عشان نعرف اخر اللى بيحصل اى ؟؟
ولغاية الخطاب اللى خلى الناس تستعطف مبارك .. وكلنا قلنا ان خلاص نسيبه لغاية ما الفترة تخلص وخلاص
بس
اما شوفت اللى ف التحرير اجمعوا ان خلاص مبارك خلاص ... بدات اشوف اراء
النقاض ومحللين السياسة واتكلم مع دا ودا وقلت ف بالى لو الثورة دى خمدت
خلاص كل سنة وانت طيب
الثورة ما كان هدفها خلع مبارك واكيد بردوا ما كان
محاكمة مبارك هوا ورموز الفساد .. لكن ارادة المصريين تخليهم يعملوا اللى
مش كانوا بيحلموا بيه
بدات بالفيس اراء واحلام
بعدها باحلام نزول لميدان التحرير والتظاهر واثبات الذات للحكومة الطاغية
بعدها حلم اسقاط النظام وليس محاكمته
والحمد لله كل حلم كان يوصل للحلم اللى بعده .. لغاية ما ما خلعناه وحاكمناه كمان
..................................................
انا شايف ان صفحة كلنا خالد سعيد هى عود الكبريت
وحرقة الدم والظلم والقهر اللى كان فيه الشعب والتوريث وحاجات استحملها الشعب المصرى على مدار فترة طويلة كل دا البنزين .
والشعب ما صدق سواء كان ليه ف السياسة او ما كان له ف السياسة
..............................................
وائل غنيم زى اى مصرى
يعنى شاب مجال عمله و عرف يستخدم مجاله ف انه يعمل حاجة
ومعلهش
اللى يقول ان وائل غنيم ما عملش حاجة .. لا الراجل ما عملش الا حاجة واحده
طبعا هوا واللى معاه على صفحة كلنا خالد سعيد عملوا اللى ما حدش كان بيفكر
فيه وهوا انه يخلى الشعب كله يثور
دا بس اللى عمله .. ومش قليل
.....................................
ف النهاية هقول ان اكيد ف حاجات كتيرة من احداث الثورة تتقال
بعنى ف مواقف وف احداث حصلت .. واكيد البرانامج هيتعرض لها ف الحلقات الجاية

الحمد لله ولله الحمد اولا علي الثورة

حرية كرامة عدالة اجتماعية

بس يمكن انا عندي احساس الثورة من يوم ما اتولدت

وللاسف لم اكن موجودا بمصر في فترتها

ولكني عاصرتها بكل كياني وسنوات عمري وكتاباتي ولي راي

ان الثورة لها ابطال حقيقيون منسيون

كل كاتب قال كلمة حق

كل عالم قدم مشروع

كل صحفي جرئ واجه الفساد
كل شاعر عبر بوجدانه

كل طالب فكر في مستقبل مصر

كل طبيب ومدرس ومهنس وفني وعامل ما زالت الاخلاقيات تحمه والمبادئ
كل مصري محترم يحترم نفسه ويحترم الاخرين

كل بنت وكل ام تربت وربت نفسها وحافظت علي نفسها ودينها وشرف ابيها

كل مصري غيور علي وطنه ودينه

الكثير الكثييييييييييير

ولكنهم لم يتواجدوا ف الصورة

ولكن بالظبط مثل المبارة بمثال قريب

صاحب الهدف للفوز هو اللي بياكل الجو مع ان هناك الكثير من الجنود المجهولة

ومع ذلك نشكر الله اولا فقد كانت الثورة منحة الهية

ثم نترحم علي الشهداء فبدمائم حياتنا
ثم نشكر كل من شارك وضحي وصبر

والاهم

التالي
بعد الثورة

عايزين مصر تتغير
نحترم بعض
ونخاف علي بعض

ونحب بعض

مصر هي مصر

وتستحق الكثير

» أعضاء تحت الاضواء ( 6 ) روح الثورة فى الجوابر
» أعضاء تحت الاضواء ( 7 ) على فين يا محروسة
» أعضاء تحت الاضواء ( 2 ) ذكرياتنا فى رمضان
» أعضاء تحت الاضواء ( 3 ) رمضان مبارك
» أعضاء تحت الاضواء ( 1 ) كل سنة وانتو طيبين

فعـاليات يوم الوفـــــاء بالجوابــــــر

أعضاء تحت الاضواء ( 4 )انا كنت مع الثورة من اول يوم