أعضاء تحت الاضواء ( 3 ) رمضان مبارك

مبارك عليكم الشهر

وكل عام وانتم بتحرير

رمضان السنة دى مبارك لانه من غير مبارك

الحقيقة كنت عاوز اكمل بحلقات خفيفة فى الاول وكنت عاوز نصبر عالكلام فى الثورة شوية

لكن بعد محاكمة النهاردة

والمنظر الى شوفناه ومكنش حد يتوقعه

كان لازم يكون لينا موقف مع الثورة

ونبدأ من اخر حاجة وهى محاكمة اليوم

ولكن قبل ما نبدأ احب ارحب بضيفى اللى طال انتظاره

ومدخلش المنتدى من تقريبا حوالى خمس شهور واكثر

وحشنا ووحشتنا اراءه وردوده

عضو معارض للنظام السابق من يومه

وانا لما بتفرج على طلعت السادات بفتكره

بغض النظر عن موقف طلعت السادات الاخير بتاع الحزب الوطنى الجديد

لكن العضو ده جرئ وثائر وعاقل وعلى خلق فى الوقت نفسه

ندخل فى الموضوع على طول لان انا عارفه ما بيحبش المجاملات على الرغم من انى مش بجامل

معانا ومعاكو عاشق الليل المهندس / سيد رفعت

اهلا بيك يا بشمهندس ورمضان كريم وكل سنة وانت طيب

طبعا كلنا كنا مع الثورة من اول يوم لكن معاها باختلاف الاراء ووجهات النظر

والمراحل دى هنخوض فيها بالتفصيل فى الايام الجاية ان شاء الله

مهندس سيد فيه اراء كتيرة بتقول مبارك لايحاكم و كفاية عالراجل انه عمل الضربة الجوية وانه مهربش

وان الناس قالتله ارحل ورحل ومخدش الحكاية عند وعمل زى بشار والقذافى

وناس تقول هو رحل غصب عنه

وغير كده ده كبير فى السن ومريض

ورأى تانى بيقول انه لو وصل حكمه لانه يتعدم احنا مش هنستفيد حاجة هو اهم حاجة يرجع فلوس ويعيش الكام يوم اللى فاضلين له

ويرجع اصحاب الرأى الاول انه لازم يتعدم عشان يكون عبرة لغيره ونقضى عالفساد

وناس تانية يا عم فساد ايه بس ما هو كده كده ميت

وفيه ناس قاعدة فى جنب بعيد هناك بتقول القضية مش قضية يتحاكم ولا لا

القضية بقت ان فيه فوضى فى البلد وانا كل واحد ماشى بدماغه حتى لو غلط وناس ملهاش دماغ ماشية وراه

وفيه رأى يقول ان محاكمة مبارك فضيحة لمصر والمصريين حيث انه رمز للدولة

ورأى بيقول ان محاكمته هتخفف من ضغط الشعب عالمجلس العسكرى

وان المحاكمة فى حد ذاتها خطوة لقدام

ياترى المهندس سيد رفعت رأيه ايه

منتظرين رأيك ورأى باقى الاعضاء

ومبارك عليكم الشهر الكريم

السلام عليكم ورحمه الله وبركاته


علي فكرة انا مش ليا اي دعوة بالسياسة خالص

انا بسمع من من هم اكبر مني سنا وعقلا وخبرة سياسية



تعليقي عنه

صحيح كان صاحب الضربة الجوية

وقولنا عليه بطل

بس هو اولا مكنش بطل الا بفضل الله سبحانه وتعالي

ثم

تخطيط السادات للحرب دي

السادات بطل الحرب والسلام ... ولو قدر الله وجوده حاكم لمصر كان ممكن نشوف مصر بصورة افضل من كدا والله اعلم



وهانقول يلا حسن الخاتمة

وبرده هانقول انه كان رئيس دولة ولازم نكرمه

وبرده مش هاننكر انه عمل بعض الانجازات في مصر

بس بالمثل كان علي مصر ديون كتيرة وفرض علي اهل مصر ضرائب اكتر

واخترعوا ضرائب علي الناس عشان ياخدوا فلوس

وكل دا وفي عشوائيات في مصر وناس بتموت من المرض والفقر

وكمان لما نسمع عن مقبرة مبارك و قصور مبارك و ممتلكات عائلة مبارك وعن ثروة زوجة مبارك

وكمان لما نسمع عن وزير ضيع اموال مصر

كان فين مبارك من كل دا

ليه رضي علي شعبة كدا



مش درسوا نهائي سيرة سيدنا محمد

مش قرئوا نهائي عني صفات الخلفاء الراشدين في الحكم

ولا هم مش مسلمين ولا مش فاضيين همهم تجميع الاموال والفلوس والمتعة

الحمدلله انا بحمد ربنا علي كل شيء بس لما بشوف حال غيري والفقر والمرض واللي مش لاقي فلوس حتي للعلاج

والممثلين اللي بيتعالجوا علي حساب الدولة وغيرهم بيموتوا والاطفال المليين المستشفيات ومش لاقين حد يعالجهم


بجد كفايا كدا كلام عليه

لو قولنا انه ليه انجاز واحد فقصاده 1000 مصيبة حصلت في عهده ... وحسبي الله ونعم الوكيل

اسفة جداااااااااااااااااااااااااااااا علي الاطالة بس هو يستاهل اكتر من كدا نفسي يعيش يوم واحد من غير علاج ولا مستشفي ولا خدمة فايف استارز ولا ممرضات ولا دكاترة
ويحس بآلام الناس اللي مش لاقيه علاج

اولا
كل عام وانتم بخير وبصحة جيدة بمناسبة الشهر الفضيل
اعاده علينا بالخير وكسب الحسنات والبعد عن السيئات ونقاء الضمير وحسن التدبير ووالتفكير

نيجى نتكلم بصراحة
لانى مش باعرف الا هيه
اولا ربنا اللر رايد دة يحصل
ومفيش حد لو هو مين كان يحلم ان دة هيحصل
بس هارجع اقول فيه ناس بتبص تحت رجليها
ومش شايفه شبر قدامها
اول حاجة
كا واحد فينا فاكر ان مبارك واولاده ورجالته هما اللى خربوا البلد
مع العلم ان فيه فى كل بلد وقرية وكل مكان نفس التقسيمة بس على صغير
وكله بيضحك على نفسه
وانا بضرب مثل
اننا مش عاجبنا
رئيس وزرا
وفاكرين الموضوع سهل وبسيط
بيفكرونى ان واحد ماشى بعربيته فخبط واحد
فنزل وقاله انت عايز اية
قاله هاخدك اجبس رجللك
قاله وعندى بنت عايزة تتجوز واسه ما دفعتش دروس العيال وامى عايزة تعمل عملية وعايز اروح الحج
كله نسى اللى لازم نعمله وبيتكلم فى الماضى بهمه
وكل تضييع للوقت
انا عارف ان فيه ناس كتير هتعارضنى
بس تعالو نتكلم بعقل
احنا اغلب شعبنا مش بيحترم بعضه
وفاهمين اللى حصل غلط

تانى حاجة
فى ناس مريضة كل همها فى الموضوع تيجى فى التليفزيون والمشكله انهم شكلهم بيعانو من امراض نفسية
لازم كل واحد يقيم نفسه
من يوم اللى حصل عمل لنفسه اية وبلاش لمصر اللى زهقنا من الكلمة دى
معظم الناس دى عايز شو اعلامى
ولو جيت تدرس شخصيتهم وحياتهم هتلاقيهم معقدين
بس مش عاوز حد يروح بباله لبعيد انا من اشد الناس المعارصين للنظام السابق والله يعرفنى عن قرب
يعرف كدة كويس
بس بحب اشوف الامور بموضوعية
طيب لما احنا بنحب مصر
ليه كل واحد بيدور على وجيعته وخلاص
لازم كل واحد يبص ويدور فى نفسه عى عيوبه ويصلحهابجد مش مجرد شعارات وكلام
كل واحد يشوف نفسه عمل اية من يوم اللى حصل
وخايف تكون المحصلة صفر
عاوز نفكر صح
كله بتكلم فى الماضى
ونسينا الاهم الجاااى
عشان مش عارفين هنعمل اية
عشان اللى حصل من عند ربنا مش بيد حد
وبالنسبة لمحاكمة مبارك
فى الفاضى
لا هتودى ولا ها تجيب
كله تضييع للوقت ممكن نستفاد بالوقت دة
ودى فضايح ماهاش داعى
وكفايه عليه حساب ربنا
والعفو عند المقدرة
عشان مش شجاعة منا نبين عضلاتنا عليه
وهو بالمنظر دة
بس انا بلومه ناه ما سافرش وريحنا من وجع الدماغ دة
دة كله بيشغلو بالنا بحاجات مش هنستفيد بيه
والبلد بتغرق
نفسى بقى كل واحد يشتغل بجد
وموضوع المظاهرات اللى زاد عن الحد
دة باخ قوى
ماحدش يزعل انا بقول رأى
الوضع خطير
ونفوق بقى
يعنى هو ضيعنا 30 سنة
واحنا عايزين نضيع بقيت عمرنا وراااااه
وفضايح على الشاشات
والله الناس بتشمت فينا







فيه كااااااااااااااااااااااااااااااااااااااااام مباااااااااااااااااااااااااااااااااارك فى مصر
طيب لو طبقنا الشريعة والحد
فيه كام مواطن هيعرفو يحطه ايدهم فى جيبهم
او لو طبقنا قطع اليد
هنلغى الجيوب من البناطيل
وكتير فينا مش هيعرفو يلبسوا الساعة
وكتير فينا يركبو سماعة بلتووووووووث عاشان مش هيعرفو يمسكو التليففففففففففففون
لازم يكون فيه نتيجة ايجابية وملموسه لمستقبلنا
مش نتكلم فى اللى فااااات
انتم عاجبكم حال البلد
اذا كان فيه بلد لسه
لايفيد البكاااااااااااااااااااااااااااااااااااااااااااااااااااااااااااااااء على اللبن المسكوووووووووووووووووووب

بسم الله الرجمن الرحيم

اولا اشكرك اخ اسامة علي الموضوع

وبالنسبة لمحكمة الرئيس

الحمد لله زاد احترام الناس لينا في كل مكان
وكل الحرامية ف البلد كش ملك

واللهم لا شماته

والموضوع مع احترامنا للاباشمهندس سيد مش فرد عضلات

وهو اللي كان بيعملوه ف البلد وتزوير الانتخابات تسميه ايه
وبيع الغاز لاسرائيل بهذا السعر تسميه ايه

والتعليم بمستواه والاسعار واحترام المصري ف كل مكان


وغرق العبارة ذي ماقال مبارك العبارات اللي بتغرق دي
وعلق علي التزوير ف الانتخابات وقال خليهم يتسلوا

فخليه الان هو اللي بيتسلي
ومين زيه
فين الظلم اللي عليه

9 نجوم مش 5

ويكفيه فخرا ان المحامي بتاعه محامي الجاسوس الاسرائيلي



وانكر كل التهم وفكرني بفيلم محامي خلع اخاف الا اقيم حدود الله


لنترك القضاء يتحرك ونترك الحكومة تعمل ولكن تبقي كلمة

لوفقط عملنا بحديث النبي صلي الله عليه وسلم فيما معناه


كلكم راع وكلكم مسئول عن رعيته فهل طبق اي حرف من هذا الحديث



اخيرا لابد ان نتحد الان ولا وقت لاستعراض العضلات او انصاف الحلول

الحل ان تكون مصر اولا
واخرا


وكل الشكر لكم

نرجع لنفس كلامى
اتكلمنا
وقلنا
حد فينا جاب سيرة المستقبل
هنعمل اية
كل كلامنا فى اللى فات
فلان انسجن
فلان انضرب
لاانتخابات


لازم ننسى اللى فاااااااات
كل واحد مصري بجد انا عارف انظلم من النظاااااااام دة
انا مش بدافع
عنه
وانت عارف انا مش من الناس اللى بريح دماغى
بس نفكر فى مصلحة البلد
وبزبادة خلاص فى اللى فات
يموت يعيش
دة مش هينفعنا
يعدموووووه يشنقوووووه
مش هيزودنا
هو كفاية عليه حساب ربنا
ونتقابل هناك
فى الاخرة وكل واحد ياخد قصاصه منه
وكل واحد ينسى المه الخاص بيه
ونفكر بجد
انا عارف انه يستاهل
بس هو الوقتى مش ينفع نعمل فيه كده
وهوكده وانا بقول ده هيجيب نتيجة عكسية
والله الموضوع هيمووووت
وننسى الاهم



واهى حاجة تسلى صيام الناس
اصل مفيش ماتشات
وكله تخدير

وياريت الحال يتغير
بس احنا اللى اللى هنغير بأمر الله




والله الموضوع اكبر من ان مبارك يتحاكم ويتعدم
كله تضيع للوقت
ونفكر شوية بموضوعية بعيد عن الاهواء والميول الشخصية
وادينا بنتناقش

ولو سمحتم ايها الاعضاء ان تحصو لى الفوائد الى كسبناها وتكون حاجات محسوسة
ودور كل واحد فينا
ولية الجديد فى الموسسات الحكومية كا أدارة
نفكر لامام وكفاية نبص ورا رجلينا مش تحتها

طبعا كلام جميل

مصر اولا
بس يا باشمهندس ما ينفعش نقول ننسي اللي فات
اللي انضرب انضرب واللي مات مات
ودم الشهداء
احنا عايزين نعيش عصر ديمقراطية صح
ولا تفصيل
بمزاج

كل اللي بيحصل دا ممتاز

بس الاهم ان كل واحد يقول رايه بدون خوف او اهانة

وربنا اللي هيحاسب
يعني اللي يسرق يسرق وبلاش محاكمات ولا قضاء

اللي ملوش ماضي
ملوش حاضر او مستقبل


وكل المطلوب
حقوق الشهداء
اللي ماتوا
وانه يكون عبرة لغيره

وكل دا قدام القضاء

ويلا يا شباب
الايد ف الايد

نبني ونعمر مصر

وندعي لكل من ساهم ان مصر نوصل للدرجة دي

حرية وعدالة اجتماعية

عايزين كلام ايجابي ذي م سيد قال
نعم نبص لقدام


بس لازم كل واحد يعرف هو واقف فين


والله اكبر
وتحيا مصر

بصراحة كل كلامكم جميل اوي ومقنع


وهو علي اتجاهين

اولا .. كل من أخطأ ان ينال عقابه

ثانيا والاهم

نبص لمستقبل البلد

...... صحيح حصل فيها بلااااااااااااااااااااوي

مسك في اول الحبل ونعمل نفسنا ماسكين .... لازم نمسك الحبل من البداية للنهاية

عرفنا المخطأ يتحاسب ونشوف البلد

يا جماعة البلد باظت ( وياريت متكنش خربت )

الاسعار في الطالع

الكل ماسك سكينة ومطواي وسنج

الناس بتخاف تمشي في الشارع

الخناقات كل يوم

التجار عندهم جشع ( الا من رحم ربي لو كان في تاجر بيعامل ضميره )

هي دي مصر نشوفها بقي .. ونسيب القضاء يحكم بالعدل



_________________________________


في بنت جزائرية بتكلمني وحسيت من كلامها انها فرحانة اوي ان رئيس مصر المخلوع كان بالشكل دا

وبتقول طبعا مصر ام الدنيا

مصر بلدي

ولازم نخاف عليها


قولتها ... الحمد لله القضاء موجود وهاناخد حقنا من المخطأ... بس دا عادي .... وعلي الاقل مبارك ممكن ياخد عقابة في الدنيا


كنت عايزة اقولها عقبالكم ... بس يلا مش عايزين نخربط ونضيع العلاقات المصرية الجزائرية ...ههههه

والعفو عند المقدرة.....


وبجد انا استفدت كتير من كلامكم كلكم


واسفة لو كان تعليقي طول