موضوع للمناقشة " مكبرات الصوت فى مساجد قريتنا!! ما بين مؤيد ومعارض"

استخدام مكبرات الصوت فى المساجد فى قرية الجوابر
ما بين مؤيد ومعارض !!!
أسباب التأييد
وأسباب المعارضة

قرارات وزارة الأوقاف !!! إلى أين؟
لصالح من ؟
المحبون للقرية؟
والكارهون لها؟
مثيروا الفتنة والشغب فى القرية؟
لصالح من ؟
التزام امام المسجد والعاملين فيه؟
حرص المسلمين على أهمية المسجد فى ودوره فى حياتهم؟
دور المسجد فى الإسلام؟
أهمية صلاة الجماعة وخطبة الجمعة ؟
هل المسجد دار للعبادة فقط؟

الى غير ذلك من موضوعات وتساؤلات
نتناقش فيها سويا
نسأل الله تعالى أن يجمعنا على كلمة سواء
وأن يوفقنا لما فيه صالح قريتنا الحبيبة الغاليه
رغم حقد الحاقدين
ورغم كيد الخائنين

أنتظر آرائكم ومشاركاتكم
والله المستعان

إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ }هود88

مع خالص تحياتى
وتمنياتى بالسعادة
اخوكم دكتور جلال مجاهد
ابو سعيد

انا اؤيد واشجب واندد وابايع
والله يا دكتور انا مع مكبرات الصوت اثناء الاذان والصلاه فقط وليس قبل الاذان
لو فى خطبه عادى المكبرات شغاله او درس

انا بشكرك يا دكتور والله على طرح المشكلة دى مع انها الطبيعى انها مش مشكلة من الاساس لكن

هنعمل ايه لقرارات الاوقاف

مالناس طول عمرها بتسمع مكبرات الصوت وزى الفل اشمعنى الايام دى لما القرارات نزلت كل واحد طلع براى

وانا التمس العذر للعاملين فى والاوقاف والمامورين بايقاف المكبرات الخارجية

وبلاش نتطرق اكتر من كده

وكل الى انا قدر اقوله

حسبى الله ونعم الوكيل

فى كل شخص غير حريص على دينه

وعلى اعلاء كلمة الله

[ندعوك للتسجيل في المنتدى أو التعريف بنفسك لمعاينة هذه الصورة]

بصراحه يا شيخه أنا مش فاهم رأيك ايه؟
تشجب واللا تندد واللا تبايع واللا تؤيد واللا تدين واللا ايه بالظبط
اللى فهمته ان انت مش موافق على قرآن الفجر فى مكبرات الصوت
بس أنا رأيى موافق لوجود قرآن الفجر فى الميكروفونات عشان هى بتساعد الواحد مننا على أن يستيقظ للصلاه
بعيدا عن المنبهات سواء موبايلات أو غيرها
وغير كده يعنى الحمد لله احنا كلنا مسلمين فى القريه مفيش حد يهودى ولا نصرانى بيقلق من القرآن
وكمان مش خايفين من حدوث فتنه طائفيه
عشان احنا مسلمين والحمد لله
ولكن هناك بعض ضعاف النفوس أصحاب النفوس المريضه هى التى تنفخ فى النار
وتريد اشعال النار والنظر اليها وهى مشتعله

طول عمرنا بنسمع القران والاذان الا فى الجامع عمر ما حد اشتكى من اى حاجه بس كل دى من فتن العصر الا احنا فيه وقران الفجر بيساعد الواحد انه يقوم يصلى وبيعرف لسه قد ايه على الصلاه وكمان وقت الصلاه لو المكبرات شغاله الناس بتعرف هما بيصلو ولا لسه ولا خلصو ولا ايه بالظبط
انا بايد المكبرات بس ياريت مايكونش صوتها عالى قوى لدر جة ان الناس تتاذى

أشكرك دكتور جلال على عرض مثل هذه الموضوعات

ولكن كما تعلم أخى الكريم ان دور المسجد لا يقتصر على الصلاة فحسب
فللمسجد ادواراً أخرى كما كان الصحابة فى عهد رسول الله يمارسونها ويناقشون كل أمور دينهم ودنياهم

اما بالنسبة لإستخدام مكبرات الصوت فى المساجد
فلا أرى ضررا من ذلك خصوصاً ونحن منذ أن حيينا ونحن نستخدمها فى المساجد
فهى ليست مستحدثة

والآذان شُرٍعَ لكى يسمعه الناس
بسم الله الرحم الرحيم

{يَا أَيُّهَا الَّذِينَ آمَنُوا إِذَا نُودِي لِلصَّلَاةِ مِن يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ ذَلِكُمْ خَيْرٌ لَّكُمْ إِن كُنتُمْ تَعْلَمُونَ. فَإِذَا قُضِيَتِ الصَّلَاةُ فَانتَشِرُوا فِي الْأَرْضِ وَابْتَغُوا مِن فَضْلِ اللَّهِ وَاذْكُرُوا اللَّهَ كَثِيراً لَّعَلَّكُمْ تُفْلِحُونَ}

فكيف للمسلمين أن يسمعوا النداء إذا مُنعت مكبرات الصوت وفى عصرنا الحالى لا يوجد شخص يفوق سيدنا بلال بن رباح

وخير دليل على ذلك عندما يون هناك إنقطاع فى الكهرباء فى الكهرباء بأكملها سواء ليلا أو نهاراً هل ترى عددالمصلين فى مثلما تراهم أثناء وجود الكهرباء بل أن بعض الناس لا يعلم مواقيت الصلاة ويعتمد على صوت المكبرات

ويختلف ذلك فى القرى عنه فى المُدن
فالمدن تقتصر فقط على الآذان والصلاة فقط

أما نحن القرى فمنذ صغرنا وقد نشأنا على ذلك

وإذ حسبنا كم تستغرق مدة الخمس صلوات فى اليوم فهى حوالى ما يقرب من ساعتين ألى ساعتين ونصف
فما الضرر من ذلك

فى ظل أنتشار الأفراح التى تكتظ بمكبرات الصوت التى تُسمع الدانى والقاصى ولا يتضرر منها أحد

نداء إلى رجال الدين بالجوابر باختلاف إنتمائاتهم

ان لكم دوراً كبيرا فى نشر الوعى الدينى لدى الشباب والصغار الذين يمثلون نواة المستقبل ومن اجل خلق مجتمع بعيداً عن الفساد والفتن

</FONT></STRONG>
أشكرك مرة ثانية يادكتور
ولى عودة لمتابعة الموضوع

خالص حبى وتقديرى
محمد رفعت

دكتور انا مش موافق على التواشيح قبل الصلاه بس مش اكتر الاذان عادى الصلاه عادى الدرس الخطبه

اراء

الموضوع ياجماعة مش مقتصر ع الاوقاف لكن دا اكبر من كده بكتير مش من الاوقاف وبعدين هى شخصيات معينة فى البلد بتتظاهر بمصلحة البلد وهى فى الاساس سودة اوى من جواها والله

وطول ما الناس فى بلدنا ساكتين وهيتعمل اكتر من كده

دا ابسط المشاكل مابنعرفش نحلها
وبعدين ليه الموضوع دا مظهرش غير الوقتى

(هى بس القلوب المريضة)

حسبى الله ونعم الوكيل

[ندعوك للتسجيل في المنتدى أو التعريف بنفسك لمعاينة هذه الصورة]

ان بعض الظن اثم
اذا كنت عرفت فلما الحوار معهم وانت تعلم جيدا بل الكل أن هذا تخطيط لا بد منه فثق بالله واعلم ان هذا كله لن يضر المؤمن القوى

انا شايف ان الموضوع مش محتاج مناقشه لان الحاجة اللى تعلى كلمة الاسلام مفيش فيها مناقشه كتير من الشباب بيبقوا قاعدين على الكوبرى لعل وعسى لما يسمع الاذان يتكسف ويقوم يصلى وده ممكن اتعرض ليه انا وانتوا واخوتنا مش ممكن صوت الاذان ده يبقى سبب الهداية وبعدين فين احنا الشباب ليه بدل ما احنا مش موفقين فين موقفنا بقى ليه منتظلمش فى الاوقاف وبعدين احنا هنخدع نفسنا ونقول نفوس مريضه بلدنا مفهاش غير مسلمين لعندنا مسيحين ولا يهود والحمد لله
النفس المريضة اللى بتتكلموا عليها دى يبقى حلها الطرد من البلد وعلاج حاجات كتير زى الظواهر اللى بسمع عنها حاليا لن احنا كده بنبعد عن دينا ولما نبعد عن دينا يبقى بننتهى واحدة واحدة
والله الموفق وربنا يهدى كل واحد

بجد والله (حسبي الله ونعم الوكيل )
انا فيه اوقات من الصلاه موش بسمع الاذان
ممكن اسمع الاذان لكن مسمعش الاقامه
والعكس صحيح
حسبى الله ونعم الوكيل [ندعوك للتسجيل في المنتدى أو التعريف بنفسك لمعاينة هذه الصورة]

حتى مسجد السلام كمان بلغوا عنه لانه بيشغل قران الفجر

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لكم جميعا على مناقشاتكم الجيدة
ولكن انتظر منكم المزيد
فالموضوع ما زال يملأ أفكارنا ويشغل عقولنا فى قريتنا
وخصوصا بعد ما حدث نفس الشئ فى مسجد السلام
كما أبلغنا الأستاذ أحمد نجم
أنتظر العديد من المشاركات فى ذلك النقاش
وشكرا لكم جميعا
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

اسف لتاخرى الرد على هذاالموضوع
ولكن الدول العربية المسلمة لاتفعل
زمان لم تكن توجد وسائل مثل الان الموبايل الساعة المنبة
مع العلم انا مع اذاعة القران الكريم لانة يريح ويمتع وينقى القلوب عند سماعة

[ندعوك للتسجيل في المنتدى أو التعريف بنفسك لمعاينة هذه الصورة]

أشكرك على ردك يا أبو زياد
ولكن أنت ترى معى أن معظم الناس اليوم والشباب خصوصا فى غفلة عن طاعة الله
يملأون الكبارى والقهاوى واماكن اللهو باختلاف اسمائها حتى عند سماعهم الأذان
ولكن .... !!
ألست معى أنه عندما يتم تشغيل اذاعة القرآن الكريم قبل الأذان بخمس دقائق تقريبا تساعد على استعداد من يريد الصلاه من حيث الوضوء وغير ذلك ؟
، ألست معى ايضا أنه عندما يسمع أحدنا القرآن او الإبتهالات او حديث من أحاديث الرسول صلى الله عليه وسلم يتذكره ويردده وبهذا تعم الفائده؟

وجزاكم الله خيرا

أبو سعيد

الموضوع ده يا دكتور جلال انا شايف مكبرات الصوت في المساجد ضروريه جدا والموضوع ليس فيه جدل

انت ممكن لا تعرف ما يحدث فى بلدتنا فى هذه الأيام
فمكبرات الصوت قد منعت من المساجد
إلا فى الأذان فقط لا غير

السلام عليكم
الحمد لله ان يتركوه ساعة الاذان
ولكن هناك اقتراح ان يكون هناك اذان بشري
عن طريق الناس
وذكر فان الذكري تنفع المؤمنين [ندعوك للتسجيل في المنتدى أو التعريف بنفسك لمعاينة هذه الصورة]

الفكره دى كويسه يا استاذ ابراهيم
يس الناس بتكسل تصحى بعض
بيقولك ياعم انت فضلت ارن عليك وانت مش صحيت وما عتش يصحيه تانى
مش عارف انه هو بكده هياخد أجر كبير
وجزاك الله خير

كلمه واحده ممكن اعبر بيها والله المستعان (لكى الله يامصر) ربنا يهديهم او يخدهم]

يا ترى يا أخوانى وأصدقائى
كيف حال هذ الموضوع فى مساجد القرية الآن
هل ما زال هناك تعنت أم محيت الظلمة؟

ربنا يستر
على اما اجى انزل ممكن يمنعو الصلاة
او واحد بس يكون من العيلة فى المسجد
وكل مسجد يفتح يوم
اية رايكم
ميت سلسيل قريبة
نقفل المساجد
ونروح نصلى هناك
انا عاوز اعرف بس مين المتضرر
لو مريض
يمكن ربنا يشفيه بدعوة ساعة الاذان
للدرجة دى مش مستحملين الاذان
والا الصلاة
عشان اللى يفوته فرض وماسمعش الاذان يطنش
واحنا نفوسنا ضعيفة
ربنا يستر بجد
هو فية اية
اللهم لا تؤاخذنا بما فعل السفهاء منا
ربنا يهدينا جميعا
والبقاء لله فيك ياضمير

ياجماعة . الموضوع انتهى من فترة ورجع الوضع تانى زى مكان المكبرات شغالة فى الأذان وفى الصلاة كمان ومابقاش فيه مشكلة ولا حاجة

حياكم الله احبتي الكرام علي هذه المناقشة النافعة والرائعة والتي تنم علي ان شباب هذه القرية شباب واعي ومتدين ويفهم الامور والخير معقود به ان شاء الله

أري ان منع الاذان أو تقليص المكبرات علي الاذان والاقامة فقط لهو من عموم البلوي والفتن التي تحل بنا جميعا
ولكن لماذا الدين وشعائره هما الذين يتجرأ عليهم الناس
لما بيكون فيه فرح وبيشغل سماعات عالية جدا محدش بيتكلم
ولما حد بينادي علي شيء في الشارع محدش بيتكلم
ليه الخير الناس بتحاول تمنعه
علي ايام النبي صلي الله عليه وسلم كان هناك أذانان في صلاة الفجر تحديدا واحد للتنبيه وواحد للصلاة هل كان هذا ازعاج
أري يا شباب ان نأخذ بالاسباب ونعترض علي ذلك بالوسائل القانونية والرسمية وذلك من خلال الناس الكبار الافاضل والمحترمين في البلد والذي احسب انهم كثيييييييييييير
وايضا يكون لنا دور في ذلك من خلال تعريف الناس أن ذلك خير لنا كلنا تخيل البلد بدون أذان وبدون قران للفجر وبدون قران رمضان فعلا ملهاش طعم وفقنا الله جميعا لكل خير

أحبتى الكرام

توضيح نهائى

موضوع مكبرات الصوت فى البلد انتهى بشكل نهائى

وعاد الوضع الى سابق عهده

كل المكبرات فى كل المساجد وفى كل الصلوات أصبحت تعمل بشكل ثابت وعادى

لكم جزيل الشكر

» موضوع للمناقشة
» موضوع للمناقشة !!!
» لماذ نكره ***ومن ينبغي ان نكره**موضوع للمناقشة**
» موضوع مكرر و سيتم حذفه موضوع مميز و يستحق التثبيت
» الصلاة فى مساجد فيها قبور

فعـاليات يوم الوفـــــاء بالجوابــــــر

موضوع للمناقشة " مكبرات الصوت فى مساجد قريتنا!! ما بين مؤيد ومعارض"