لماذ نكره *ومن ينبغي ان نكرهموضوع للمناقشة**

منذ قدمت الي قريتنا الجميلة وكان الجميع اشبه بخلية النحل

**الجميع متحابون *متزاورون *متعاونون

فماذا حدث

ارجو المشاركة لتعم الفائدة ونتخلص من هذه الامراض القلبية ان شاء الله

عرضت هذا الموضوع للمناقشة لنستفيد ونذكر الاسبابا التي ادت الي انشغال الناس وزيادة الجفاء بينهم
نريد ان نحدد اسابا هذا الجفاء
مثلا اللهث وراء لقمة العيش
قلة البركة
الخ
اتمني المشاركة للجميع
[ندعوك للتسجيل في المنتدى أو التعريف بنفسك لمعاينة هذه الصورة]

دعنا نتكلم بصراحة
معظم الناس تتعامل للشهرة او الظهور الاعلامى
يعنى فى شكلة فى حريقة
ومعظمهم بيتظاهر بالوطنية
والناس دى تيجى تشوفها من الداخل فهى بعيدة عن الله
ممكن اسأل سؤال
اتفضل
مين من الاباء بيقول لابنه انت صليت النهاردة
فرض بفرضه والا لا مين ساعة الاكل بيقول لاولاده يسمو قبل الاكل
مين بيذكراولاد ه بالقرأن
كام واحد
اعتقد مش كتير
الناس بعدو عن ربنا
فبعدو عن الاولاد وبعدت البركة عنا فالاساسيات للحياة السليمة زالت فماذا يبقى
الوالدين فى وادى والاولاد فى وادى تانى
وكله مشغول
وكله هيتحاسب
ومين بيخرج زكاته وزكاة الزروع
مين
ومنين تيجى البركة
واحنا بعدنا عن ربنا مش كتير اما نبعد عن بعضنا
الناس اللى يبعدو عن ربنا سهل قوى يبعدو عن بعض
والله المستعان
والله التربية والله التربية والله التربية

كان زمان فيه احترام مشفناش واحد بيئزي جاره: ولا شفنا حد بيغلط في واحد اكبر منه: ولا شفنا اب بيولع السيجاره لابنه: ولا شفنا حد بيشتكي حد من قريته للنائب العام: ولا شفنا حد بيعمل فرح وفي واحد من البلد متوفي:
الوقتي بنشوف قلة الادب
والناس بتئزي بعضها
والشكاوي بالهبل
والفرح جمب المأتم
والاب بيولع السيجاره لابنه
مبقاش فيه خوف علي مشاعر حد
ومبقاش للبلد كبير زي زمان لان مشكله المسلمين عموما والعرب ان مفيش ليهم كبير ياريت يبقي فيه للعرب والمسلمين عموما حد الكل يسمع كلامه بس يكون فعلا عاقل مش متهور لو بقينا كدي حتي لو احنا ممعناش سلاح ومفيش اكل حتي ولا شرب وفيه كلمه واحده الكل هيعمل لنا الف حساب ويخاف اننا نزعل منه لان عارف لو اتفقنا علي اننا مش هنشرب ولا ناكل منتجات امريكيه مثلا يبقي كدي خراب بيت ليهم
ولو اتفقنا علي اننا كلنا كعرب ومسلمين هنروح نصلي في الاقصي يبقي مفيش اسرائيل ولا هيبقي فيه يهودي واحد موجود علي الارض من نهر الاردن حتي البحر المتوسط
دي المشكله كل يوم يخرج حزب جديد وتخرج فئه جديده وعمر الانقاسم ما بيجمع الناس تاني فين بلاد الشام بقت لبنان دوله وسوريا دوله وفلسطين دولتين غزه والضفه الغربيه وفلسطين المحتله والاردن دوله والعراق دوله :فين شبه الجزيره العربيه اليمن دوله والسعوديه دوله:فين المغرب العربي موريتانيا دوله والمغرب مملكه والجزاير دوله وتونس دوله فين مصر والسودان مصر دوله متماسكه بااذن الله وربنا يسطر في الايام اللي جايه والسودان دوله ستقسم الي ثلاث دول دارفور والجنوب والشمال اللي هي السودان ومقر الحكومه فياريت كلنا مسلمين موحدين يالله بنقول لا اله الا الله نرجع للاصل الدين دين الاسلام والرسول سيدنا وسيد الخلق محمد ابن عبد الله مجردين من اي شئ اخرهدفنا النمو والارتقاء بديننا وحده واحده وكتله واحده تجمعنا افراحنا واحزاننا
معلش انا طولت بس قلت اللي عندي واللي جوايا فانا مع من يجمعنا كعرب ومسلمين وضد من يفرقنا كعرب او كمسلمين
تحياتي لحضرتك يااستاذ ابراهيم

كلام جميل اوي ياسيد انت والاستاذ محمد يوسف بس في حاجة عايز اضيفها يا جماعه بجد البلد بينا هتكون حلوة وبينا بردو هتكون وحشة البلد اتغيرت زي كل بلد وزي كل مكان وزي كل انسان ما بيتغير لان التغيير دة وارد ودة الطبيعي جدا لان فعلا البركة راحة بركة زمان انعدمت الخير راح والناس مبتشكرش ربنا علي النعم اللي عندها الصحة والابناء ونسيو ربنا ونسيو اننا نقدر نرجع الخير دة تاني بنفسنا بالتقرب من الله واصلاح نفسنا الاول والتربية يا استاذ سيد اللي فعلا زي ما قلت هي الاساس والاس لكل شئ في الحياه الجيل لو انشاءة صح اكيد كل حاجة هتتغير للاحسن والترابط وصله الرحم وحب الناس والخير وعدم الكره والغيرة وكل شئ غلط هيتصلح وزي ماقلت ياسيد فعلاالناس اللي يبعدو عن ربنا سهل اوي يبعدو عن بعض وكل الكلام اللي قلته دة مينكرش اني واحد من الناس اتغيرت فعلا اتغيرت كتير جدا بس بقربي من ربنا وتربيتي لبنتي تربية اتمني من الله ان يعيننا عليها ان شاء الله لتكون تربيتي لابنائي تربية سليمة ونحاول اننا نرجع زرة من ايام زمان

جزاك الله خير يا ابو عائشة واتمني من الله ان نفتخر ببلدنا الجوابر زي زمان في حفظ القران والتماسك والترابط وحب الناس لبعضهم والقرب من الله ونتقي الله في الجار والصاحب وصلة الرحم وتربيتنا لابنائنا

مفيش شك كل جيل بيكون مختلف عن الجيل اللى قبله
دى ظاهرة أجتماعية
أوكى

بس طبعا ربنا خلق الخير وخلق الشر
والخير والشر دائما مايكونوا متعادلين فى النسبة والمقدار اى لا تطغى نسبة الخير على الشر بين بنى البشر
إذن نسبة الخير والشر موجودة منذ خلق الله لآدم
كلنا نعرف قصة قابيل وهابيل

المقصد هو مثلما يوجد خير حتما وبالضرورة سيتواجد الشر
وكلما زادت نسبة الخير بين بنى البشر كلما عادلتها نسبة الشر بين البشر

ولكن عندما نتحدث عن طبيعة قرية بأكملها لا يجب أن نبخس أصحاب الشخصيات الطيبة والمتميزة

ولكن طغى الكره على قريتنا بصورة شبه ملحوظة

وكلها من أمراض القلوب
( الحقد - والكره - والرياء - والضغينة - والغيبة والنميمة ..... )

وكلها أمراض خطيرة جدا إذا وجدت به فى مجتمع هوت به إلى القـــــــــــــــــــــاع

وهذه الأمراض السابقة توجد فى أمجتمع
ولكن مايظهرها بشكل كبير فى قريتنا هو صغر حجم القرية من حيث المساحة والسكان

وقبل وضع اى علاج لهذه الأزمة يجب ان نضع أيدينا على الجرح نفسه

وهو ان نحصر هذه الامراض ونعرف سببها ثم بعد ذلك نستطيع وبكل سهولة وضع روشتة للعلاج

ادعو الله أن يشفينا جميعا من هذه الامراض

وأن يُصلح حال قرية الجوابر ويدفع بها إلى أعلى المراتب بفضل شبابها ورجالها المخلصين

************************

اتمنى مشاركة الجميع فى هذا الحوار الهادف

ولى
عودة
لمتابعة
الموضوع

موضوع جميل جدا

بس انا ليه وجهة نظر فى الموضوع ده وخاصة البشر
ذو الامراض مثل الحقد والحس والبغضاء والكراهيه

فى بعض الناس لايمكن ان يشفو من هذه الامراض

لانها مورثه او مكتسبه فصعب تتغير

مهما قلت نبدا بنفسنا او منبداش
هايفضلو ذى ماهما
اهم حاجه اننا نتقرب من ربنا
وندعى ان ربنا يحفظنا منهم وخلاص

وجزاكم الله خيرا

الحمد لله انا سعيد جدا بالتفاعل الايجابي
ولكن اين باقي الاعضاء
وعايزين ننظر للموضوع ايجابيا
ونبحث ظاهرة ظاهرة ونحاول ايجاد حلول
وان شاء الله الخير قادم
ان اريد الا الاصلاح ما استطعت وما توفيقي الا بالله
[ندعوك للتسجيل في المنتدى أو التعريف بنفسك لمعاينة هذه الصورة]

لا تعليق

» لماذا نكره اصواتنا عند سماعها عبر الفيديو او الجوال مثلا؟
» موضوع للمناقشة
» قوائم خدمات **منكم واليكم **روح واحدة ****للمناقشة
» موضوع للمناقشة " مكبرات الصوت فى مساجد قريتنا!! ما بين مؤيد ومعارض"
» موضوع مكرر و سيتم حذفه موضوع مميز و يستحق التثبيت

فعـاليات يوم الوفـــــاء بالجوابــــــر

لماذ نكره ***ومن ينبغي ان نكره**موضوع للمناقشة**

لماذ نكره *ومن ينبغي ان نكرهموضوع للمناقشة**