ضيف الاسبوع الثالث لكرسى الاعتراف . الاستاذ احمد عرفات

ضيفنا الجديد لكرسى الاعتراف غنى عن التعريف

هو شاب من خيرة الشباب . يتمتع بالاخلاق العالية . صاحب جود وكرم زائدين عن الحد

ليس بغريب على احد . الكل يعرفه بل ويحفظ شخصيته ويكن له كل التقدير والاحترام

يكفينى فخرا أنه سيجلس بعدى على كرسى الاعتراف

كلنا نتشرف بمعرفته عن قرب واتمنى ان نتقرب اليه اكثر من خلال كرسى الاعتراف

صاحب الانامل الذهبية والذكاء الخارق فى صيانة المحمول

لن اتحدث عنه كثيرا . لكن اتركه يتحدث عن نفسه باستفاضة

اترككم معه فى هذا الاسبوع والذى سيبزغ نجمه من خلاله

لنتعرف معا عن حياته الشخصية والخاصة ( ان احب )

معنا فى هذا الاسبوع الاستاذ \\

( احمد عرفات ) عضو المنتدى ومشرف منتدى الجوال

لنقترب منه ويقترب منا . معه الحوار . يتقدم بعرض بطاقته الشخصية

متمنيا له التوفيق والسداد

واتمنى تفاعل جميع الاعضاء

مع تحياتى

احمد نجم

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

أخواتي واخواني أعضاء المنتدى
أسعد الله أوقاتكم بكل خير

[ندعوك للتسجيل في المنتدى أو التعريف بنفسك لمعاينة هذه الصورة]

هانحن هنا اليوم نعود من جديد
لنلتقي على المحبة

[ندعوك للتسجيل في المنتدى أو التعريف بنفسك لمعاينة هذه الصورة]

نفرش الطريق بالورد ونعطر الكلمات بالمسك والعنبر
لنستقبل شخصية جديدة لامعة في منتدانا

هو ضيف مميز
نقي الروح
حضوره راقي
طبعه هادي

لطالما أضائت حروفه سماء المنتدى باجمل الكلام
رحبوا معي بمشرف منتدي الجوال
الاستاذ احمد عرفات

[ندعوك للتسجيل في المنتدى أو التعريف بنفسك لمعاينة هذه الصورة]

تفضل بالجلوس

[ندعوك للتسجيل في المنتدى أو التعريف بنفسك لمعاينة هذه الصورة]

أتمنى لك اقامة سعيدة بيننا
اخوك شريف حسن

بسم الله الرحمن الرحيم
انا بشكر صديقى وحبيبى احمدنجم على المقدمه الجميله دى
وانا ليا الشرف طبعا انى اجلس على الكرسى ده بعديك وبعد أ/حماده
وانشاء الله اكون عند حسن ظن الجميع واجاوب على اسالتكم بصدر رحب وبكل صدق
ووفقنى الله

الى صديقى وزميلى البشمهندس شريف
بشكرك جدا على الترحيب الجميل جدااا ده وانا سعيد بيه جدا
وسعيد بيك جدا انك معانا فى المنتدى ومشركتك ومواضيعك متميزه جدا
ويارب اكون فعلا قد الترحيب ده منك
وبشكرك جدا مره تانيه
شكراا ياشرشر

يتقدم بعرض بطاقته الشخصية
الرد على أ/احمد نجم
الاسم/احمد محمد السيد عرفات حسن عبد الرحمن الجبرى
تاريخ الميلاد/3-5-1985
فى البطاقه/19-9-1985
العنوان/الجوابر -ميت سلسيل- الدقهليه
العمر/24 ونصف
الحاله الاجتماعيه/اعزب واتمنى الزواج
المؤهل/بكالوريوس زراعه جامعة الازهر عام 2006
العمل/موظف بمعهد الجوابر الابتدائى عام 2007
وعضو فى مركزشباب الجوابر عام 2009
وده شرف كبييير ليه ان اتوجد فى المكان ده

مرحبا بك يابطل
تجلس علي كرسي المنتدي
نعرفك اكثر ونتقارب
ربنا يوفقك ويسدد خطاك
احبك في الله
اخوك ابو عائشة [ندعوك للتسجيل في المنتدى أو التعريف بنفسك لمعاينة هذه الصورة]

اهلا عرفات
نورت الكرسى ياسيادة العضو
هُبه هُبه هُبه وعرفات تحت القبة

ربنا يعينك على الاسئلة
بجد شخصية محترمة ومكافحة ومحبوبة
لذلك من وجهة نظرى ستكون الاسئلة كثيرة حبا فيك ياعفرتو
سلام وللحديث بقية

حلوتك يا معلم
التقطيع هيشتغل بجد
ههههههههه
متخفش موش الوقتى
اهلا بيك يا عرفات

طول عمرك كبير والله راجل شجاع مقدام
بس يارب الكرسى ميكونش واسع عليك

الشيخه

مرحبا بك يابطل
تجلس علي كرسي المنتدي
نعرفك اكثر ونتقارب
ربنا يوفقك ويسدد خطاك
احبك في الله

شرفتنى جدا يا استاذى
وسعدت بترحيبك ده جدا
وانا والله بحبك فى الله
وهاكون سعيد جدا وحضرتك بتسالنى
جزاك الله كل خير
وربنا يباركلك فى اولادك
ويجعلهم من حفظة القران الكريم انشاء الله

الرد على مدرس الغه الانجليزيه فى الجوابر

ربنا يعلم والله انا بحبك قد ايه
لان انا واحد من الناس عشرتك
وعارف شخصيتك كويس عن قرب
وعارف قلبك طيب قد ايه ومحترم قد ايه
(وعارف اما بتزعل بتكسر صوابع قد ايه)

وانا مستعد انشاء الله للاسئله

الرد على الزميل محمد جبر

انشاء الله مستعد
لان انا الحمد لله واثق من نفسى
ومش هايهمنى اى حاجه انشاء الله
وكل واحد ليه اسبوع

ماشى ياكبير

اكيد مديرن المنتدى بيفصلو لكل واحد كرسى على قد مقاسه
وانشاء الله مش واسع ولا حاجه
ومستنيك
ياكبير

واثق من نفسك ماشى
ياعم احمد

كفايه تهانى وترحيب بالاستاذ
الاسبوع خلص ولسه ما حدش ساله ولو حتى سؤال

******
يلا بقى ياعرفات اكون اول من بدا بالاسئلة
-- عرفات-- ايه خلاك تدخل وتكون عضو تحت السن فى النادى؟؟
--عرفات -- وانت طالب السفر كان بالنسبة ليك ايه
ودلوقتى السفر بالنسبة ليك ايه ؟؟
--عرفات --احلى ساندوتش كبده اكلته من فين ؟؟ومع مين ؟؟
--عرفات-- اجمل ايام حياتك ؟؟
--عرفات -- شخص انت مفتقده ونفسك تشوفه ؟؟

اكيد للاسئلة بقية
حبيبى ياعرفات والله

اخبارك يا بشمهندس
وحشني جدا

ربنا يبارك فيك ويسعدك ويعطيك اكثر ما تتمني
ممكن نبدا الاسئلة
اكتب رسالة الي :
احمد عرفات
ا/محمود عرفات
مسجد الجوابر
مركز الشباب
كوبري الجوابر
جامعة الازهر
الي صديق عزيز تحب ان تراه يوميا ومن هو
ما هي الصفة التي تتمني ان تكون لديك
والصفة التي لا تكون لديك
نصيحة تحب ان تقولها
سؤال تخشي احد ان يساله لك
شخص لا تحب ان تراه
امنية لم تتحقق
*************
وربنا يحقق لك كل ما تتمني

الرد على اسئلة شتيوى

-- عرفات-- ايه خلاك تدخل وتكون عضو تحت السن فى النادى؟؟
والله يا احمد انا عمرى ما كان فى بالى ان انا اكون عضو بس قبل الانتخابات الاخيره كنا بنختار خمسه مننا يكونو من الشباب يدخلو تحت السن فارشحونى ان انا ادخل فا وفقت ان ادخل
ويارب اكون عند حسن ظنهم
لان انا والله بعمل الا بقدر عليه
لان انا بدل دخلت مكان ذى ده لازم اكون قد المسؤليه
ووفقنى الله
-عرفات -- وانت طالب السفر كان بالنسبة ليك ايه
ودلوقتى السفر بالنسبة ليك ايه ؟؟
انا عمرى مافكرت فى السفروانا فى الكليه وانا والله كان عشمى فى ربنا كبير انى اطلع اشتغل
وفعلا ده الا حصل وبحمد ربنا على ده طبعا
ودلوقتى ساعات بفكر فيه واكون مقتنع بيه بس برجع اقول انا كدا الحمد لله احسن من غيرى كتير
وبرجع تانى اصرف نظر عن السفر
والحمد لله
--عرفات --احلى ساندوتش كبده اكلته من فين ؟؟ومع مين ؟؟

احلى سندوتش كبده ...كان فيه واحد قدام المدينه معاه عربية كبده اسمه هلال ده كان احسن واحد اكلت عنده
ولحد دلوقتى ما اكلتش احسن منه والله .. ونفسى اروح اكل هناك تانى
مع مين كنا بنطلع باليل حوالى الساعه 10/11انا ومجموعه كدا اكيد انت عارفها
كنت اوقات بخرج مع محمد حامد-هو ووليد وعلاء وعبد العزيزبس فى الغالب كان بيبقى معاك انت ونجم ووالله كنت برتاح اكتر اما ببقى
معاك انت ونجم
-عرفات-- اجمل ايام حياتك ؟؟
كا نت ايام الجامعه طبعا
-عرفات -- شخص انت مفتقده ونفسك تشوفه ؟؟
فيه كتير والله يا احمد بس على راسهم اسلام كامل زميل العمر
ياريت كنت طلبت منى اكتر من شخص كنت كتبتهم كلهم
شكرا على اسئلتك يامدرس الغه الانجليزيه
انت الا حبيبى والله ياشتيوى
(عملت ايه فى الامتحان انهرده)

احمد باشا اظن كفايه كده هزار وندخل بقي في الجد

اجب عن جميع الاسئله الاتيه
احلي اسم رجالي ,احلي اسم نسائي؟
ما هي الاكله المفضله؟وما هو مشروبك المفضل؟
ما هي هواياتك المفضله؟
ما هي طموحاتك الشخصيه؟
باقه ورد لمن تهديها؟باقه شوك لمن تهديها؟
اسوا خبر سمعته؟اسعد خبر سمعته؟
شخص لا ترفض له طلبا؟
ما هي التجربه التي تتمني تكرارها؟
ما هو اكثر شيء تخشاه؟
جريمه تتمني ارتكابها؟
من هو توام روحك؟
كم مره اضربت في المدرسه؟(مدرس او مدرسه
شخص وعدك بشيء مهم جدا ثم اخلف وعده ماذا تقول له؟
ما هو شعورك بالحياه؟
صف نفسك بكلمتين؟
من هو الشخص الذي ترتاح له عندما تراه؟
بيت شعر اعجبك؟
حكمه تعجبك؟

اتمني لك التوفيق
للاسئله بقيه

العمر يمضي كنبضات القلب................والحياه تسير وتستمر بمصائبها وروائعها.........

والآمر الذي يجعل الحياه رائعه.........عندما تلتقي بصديق وفّي لك.........مخلص.........يدافع عنك حتى بأتفهه الاسباب وأقلها........

عندما تمر بأزمه يصبح هو الشخص الآول الذي يقف بجانبك ولا ينتظر منك اي مقابل....

عندما تفرح يفرح معك ومن كل اعماق قلبه.........

عندما تحزن تسود بعيينه الدنيا..........

اذا تحدث احد من ورائك يدافع عنك كالآسد الهائج........

يقوم بإطرائك وذكر مميزاتك واخفاء عيوبك عند الآخرين........

يقوم بتغطيه اخطائك..........ثم يقومها لك..........

يفعل المستحيل من اجل رسم الابتسامه على وجهك.........

مهما جرى بينكم سوء تفاهم او اختلاف بوجهات النظر او مشكله لايأخاذها بقلبه بل ينساها لانه يحبك من اعماق قلبه

هذه هي صفات .........

ضيفنا محبوب الجماهير

كبير محبين و فانس منتدى روح واحدة وكبير مشجعى رابطه نادى الزمالك

معانا

[ندعوك للتسجيل في المنتدى أو التعريف بنفسك لمعاينة هذه الصورة]

((( AHMED 3ARAFAT )))

احمد ازيك ...واخبارك....انشاء الله تكون بخير

ويكون الكرسى مريحك انا عارفك مبتحبش القاعدة كتير لكن ده كاس وبيلف عالكل يا كبير

ومعذرة عالتاخير

واسئلتى فى الطريق ان شاء الله

انا هبدأ اسئلتى على طول ويارب تكون خفيفة عليك

وياريت تكون اجاباتك بكل صراحة ووضوح

ايه اكتر صفه بتحبها فى نفسك واكتر شئ بتكره فيك ؟

النقد بيمثل ليك اية؟وهل تتحمله؟

شئ جميل بتحب تفتكره فى حياتك ايه هو ؟

هل ندمتِ فحياتك على شي معيّــن ؟

ايه اكتر اغنية بتحبها

ايه اكتر اغنية شايف انها بتنطبق عليك

فيه اتهام موجه لاحمد عرفات انه اتغير كتير عن الاول ياترى ايه السبب

من من الناس يحتل المساحة الأكبر فى قلبك ؟

ما هى أجمل لحظات حياتك ؟

بيقولوا اقرب طريق لقلب الرجل معدته ايه رايك فى الكلام ده ؟

اكبر مقلب اخدته فى حياتك ايه هو ؟

لو يرجع بيك الزمن للخلف تغير ايه فى حياتك ؟

لو ليك تختار زمن ترجع له تختار اى زمن تعيش فيه؟

شخصى بتندم على انك عرفته مين هو وليه؟

اخر هديه جاتلك من مين ؟ وكانت ايه ؟

واخير وليس اخرا

علقة سخنه اكلتها ولا يمكن تنساها ولو بعد 100 سنه ؟

**********************************

والى كل الاعضاء المشتركين فى الكرسى

و منتظرين مكالمتكم ورسائلكم واسئلتكم الخطيرة الى ضيفينا

و اسيبكم تعملو معاه الواجب الصح

وللحديث بقية انشاء الله

الحمدلله كله تمام فى الامتحان ياجميل
جت لك المحل عشان اقولك خلى بالك من ايه العجمى بس طبعا ما كنتش انت موجود
******
ممكن تحسب دا سؤال سالته ليك قبل كدا
بس انا عدلت فيه بناء على طلبك

--عرفات -- خمس شخصيات مفتقدهم ونفسك تشوفهم ؟؟؟

***************************

--ايام الجامعة احلى خروجة كنت تخرجها كانت فين ؟؟
***********
--ايه رايك وبكل صراحة فى
- الاستاذ محمد فتوح
-محمد حامد قاسم
-وليد محمد فرح
-احمد عرفات
-اسلام كامل
-احمد شتيوى
-احمد نجم
******
- افراد فى قريتنا تراها يستريح قلبك وتحب ان تجلس معها وتناقشها
ياريت تراعى الترتيب ويكفى 5 افراد فقط

******اكيد
انا راجع

اكتب رسالة الي :
احمد عرفات
لاتغضب

ا/محمود عرفات
ربنا يطولنا فى عمرك ويزيدك ويعطيك على قد نيتك
لان هو بيحب يخدم الناس الا بيحبهم

مسجد الجوابر
اولا رسائل العالم كلها لاتكفى لترسل اليه ولكن اقوله
استحملت كتير من البلد وستظل صامدا الى ان تقوم الساعه

مركز الشباب
كنت وجهه مشرفه لبلدنا وستظل انشاء الله
بس محتاج الناس توقف بجوارك فى الايام المقبله بالاخص
اتمنى ذلك

كوبري الجوابر
احنا عارفين انك شئ اساسى فى البلد
بس ياريت الشباب بالاخص يستخدموك الاستخدام الصحيح

جامعة الازهر
ستظلى ملاقات ومجمع الشعوب من كل انحاء العالم للعلم والتعلم
مهما تامرا المتامرون
فتحملى للصمود امام المتامرين

الي صديق عزيز تحب ان تراه يوميا ومن هو
متاسف لو كنت زعلتك فى اى وقت لان انا بحبك قوى والله وبرتاح اما بشوفك جدا
على فكره يا استاذ ابراهيم الكلام ده بجد من قلبى بس مش لشخص واحد لعدة اشخاص واغلبهم معانا على المنتدى
وانا والله بحبهم جدا
وكلهم يعرفو انفسهم

ما هي الصفة التي تتمني ان تكون لديك
الصبر

والصفة التي لا تكون لديك
التعصب

نصيحة تحب ان تقولها
جاء رجل إلى النبي صلى الله عليه وسلم فقال : يا رسول الله علمني عملا أدخل به الجنة ، وأقلل لعلي أعقل ؟ قال : « لا تغضب
»
سؤال تخشي احد ان يساله لك
لى عودة للرد عليه

شخص لا تحب ان تراه
شخص يؤذى الناس

امنية لم تتحقق
انى احج وولدتى معايا

بجد والله سعيد جدا باسئلتك واقسم بالله انى جوبت عليك بكل ما اشعر به
جزاك الله كل خير

ماشى ياشرشر
احلي اسم رجالي يس احلي اسم نسائيم مافيش اسم معين
ما هي الاكله المفضله؟الكوارع وما هو مشروبك المفضل؟الفراوله - والمانجو
ما هي هواياتك المفضله؟
كرة القدم
ما هي طموحاتك الشخصيه؟
اتمنى من الله سبحانه وتعالى ان يمنحنى زوجه صالحه لتكوين اسرة صالحه تقيه
وان يرزقنى الله حلالا طيبا مباركا فيه
باقه ورد لمن تهديها؟الى اسرتىباقه شوك لمن تهديها؟الى كل جحوداسوا خبر سمعته؟وفاة الاستاذ حسن محموداسعد خبر سمعته؟كل مايسعد اصدقائى يسعدنى
شخص لا ترفض له طلبا؟كل اصدقائى بجد والله
ما هي التجربه التي تتمني تكرارها؟
الثانويه علشان هاذاكر
ما هو اكثر شيء تخشاه؟
ان اغضب الله
جريمه تتمني ارتكابها؟
لااتمنى اى جريمه
من هو توام روحك؟
كل اصدقائى المقربين لى
كم مره اضربت في المدرسه؟(مدرس او مدرس
بصراحه كتير بس فى الابتدائى اكثرمدرسين فقط
شخص وعدك بشيء مهم جدا ثم اخلف وعده ماذا تقول له؟
على حسب الشئ وقتها بس انا من النوع الا بلوم اصدقائى
ما هو شعورك بالحياه؟
راضى بما قسمه الله لى
صف نفسك بكلمتين؟
لا اصف نفسى ولكن من حولى يصفونى
من هو الشخص الذي ترتاح له عندما تراه؟
كل من احبهم من اصدقائى(لو عايزنى اقولهم ماشى)
بيت شعر اعجبك؟
لافوضه فوكا ولا فوضت يداك ولكن ذد علا فى علاك
حكمه تعجبك؟
اتقى شر من احسنت اليه(بس مش دايما طبعا)

شكرا على الاسئله ويارب اكون وفقت فى ردى عليك ياعم شرشر

شكرا ياعم سمسم على المقدمه الجميله جدا جدا
وربنا يعلم والله انا بعزك قد ايه
لان انت انسان خلوق جدا وجدع جدا
وفيك مميزات مش موجود دلوقتى كتير
وانشاء الله هاجاوب على اسئلتك بكل صراحه

ايه اكتر صفه بتحبها فى نفسك
ان الا فى قلبى على لسانى مابقدرش اشيل من حد كتير واكتر شئ بتكره فيك ؟ العصبيه
النقد بيمثل ليك اية؟وهل تتحمله؟
ساعات باخده على اساس انه عظا وغالبا مش بحبه وبالاخص اما حد ينقدنى قدام حد (بدايق)
شئ جميل بتحب تفتكره فى حياتك ايه هو ؟
اما كنت يستنى والدى وهوا راجع من الشغل الله يرحمه
هل ندمتِ فحياتك على شي معيّــن ؟
ايون
ايه اكتر اغنية بتحبها
راحل لعمرو دياب
ايه اكتر اغنية شايف انها بتنطبق عليك
مش عارف لان انا مابقتش اسمع اغانى
فيه اتهام موجه لاحمد عرفات انه اتغير كتير عن الاول ياترى ايه السبب
انا حاسس بده يمكن علشان ما بقتش احكى ذى الاول على كل حاجه لاصحابى بس كل واحد ليه عزره
او يمكن فيه حاجات انا مش عارفها
بس ان شاء الله بحاول ارحع ذى الاول واحسن كمان
لان انا من النوع الا بيحاسب نفسه دايما
ولنا بقيه عندما نتقابل
من من الناس يحتل المساحة الأكبر فى قلبك ؟
اصدقائى طبعا لان انا بحبهم قوى
ما هى أجمل لحظات حياتك ؟
ايام الجامعه
بيقولوا اقرب طريق لقلب الرجل معدته ايه رايك فى الكلام ده ؟
انت عارف ان انا مقتنع بده
اكبر مقلب اخدته فى حياتك ايه هو ؟
الحمد لله لحد دلوقتى لسه ربنا يحفظنا
لو يرجع بيك الزمن للخلف تغير ايه فى حياتك ؟
الابتدائى وفى فتره فلى الجامعه بس مش خاصه بالجامعه
لو ليك تختار زمن ترجع له تختار اى زمن تعيش فيه؟
مع الرسول والصحابه
شخصى بتندم على انك عرفته مين هو وليه؟
مقدرش اقول(بس ممكن اقولك انت)
اخر هديه جاتلك من مين ؟ وكانت ايه ؟
كانت ساعه
علقة سخنه اكلتها ولا يمكن تنساها ولو بعد 100 سنه ؟
من ولدى الله يرحمه مش فاكر كان بسب ايه بس وانا صغير وكان ضربنى جامد قوى شكلى كنت عامل عامله وبعديها قفل عليا
بس طبع فتح تانى على طول وخرجنى

شكرا ياسمسم على الاسئله
والله جوبت عليك بكل صدق
ويارب اكون وفقت

السلام عليكم ورحمه الله وبركانه ارحب بالاستاذ احمد عرفات وهو اخي العزيز منذ مرحله الطفوله حتي بعد الجامعه ولكن الغربه هي سبب بعدي عنه ولكن هو اخ غالي عليا وله مكان كبير في قلبي حيث انه من ا عز اصدقائي واتمني من الله له التوقيق في الحياه وان نلتقي علي خير اخوك وليد والسلام عليكم ورحمه الله

» ضيف الاسبوع الرابع لكرسى الاعتراف المهندس / شريف حسن مجاهد
» ضيف الاسبوع الاول لكرسى الاعتراف "محمد رفعت" (مدير المنتدى)
» ضيف الاسبوع الخامس لكرسي الاعتراف الاستاذ ابراهيم حامد(رامبو)
» ضيف الاسبوع السابع لكرسي الاعتراف أ(احمد الشيخه)
» ضيف الاسبوع التاسع لكرسى الإعتراف أ:"رضا عرفات"

فعـاليات يوم الوفـــــاء بالجوابــــــر

ضيف الاسبوع الثالث لكرسى الاعتراف . الاستاذ احمد عرفات