حزر فزر فين الحل .....؟ زجل منقول ... حزر معانا ؟؟؟؟

حزَّرْ فزَّرْ .. فين الحل؟

مشاكلنا ما بقاش لها حد .. عايزين همَّة وشغل بجد
ومواردنا أهي فوق العد .. بس علينا نشوف الحل
لو يائس وبعت شكاوي .. وحقوقك وَقَفتها رشاوي
ووسايط وغُلُبْنا نداوي .. بالذمَّة إيه يبقي الحل
ليه الرشوة بقي لها زباين .. والوزارات بقي فيها الخاين
واللي مكدب ييجي يعاين .. طب إيه بقى هيكون الحل
أعمالنا محتاجة ضمير .. والناس زهقت م التزوير
فكَّر بقى وبعقل كبير .. وهتعرف إيه هوَّ الحل
عايزين شورى معاها العدل .. تِظهِر أهل الخير والفضل
وبالتضحية دايمًا والبذل .. نكون قرَّبنا لأحسن حل
عايزين وحدة وعايزين قوة .. ويبقي شبابنا كلُّه فتوة
وتِعلا بلادنا بره وجوه .. وده يضمنه لنا أحسن حل
لو عاوزين نفلح في زراعة .. أو عاوزين نسبق في صناعة
ما نقصنا غير ثقة وشجاعة .. وإدارة تعرف إيه الحل
لو عاوزين البركة تزيد .. يلَّلا نحط الإيد ف الإيد
هِمَّة قوية وعزم حديد .. رأيك إيه بقى يبقي الحل
لو عاوزين مسئول مهتم .. يفدي بلاده بالروح والدم
يلَّلا معايا وقولِّي يا عم .. شايف إيه بقى يبقي الحل
راح نصبر وطريقنا طويل .. شعبنا صابر ماله مثيل
مش هنخاف ولا فينا ذليل .. ده إحنا معانا أحسن حل
لو بصيت ف تاريخ أجدادنا .. وطالعت ف أسباب أمجادنا
وحبيت تنقل ده لأولادنا .. ما في غيره هتختاره كحل
لو ضعف الأخلاق غيَّرنا .. لو ظلم ونفاق أخَّرنا
يلَّلا بسرعة قوام دبَّرنا .. إيه ممكن هيكون الحل
خنقتنا حياتنا المادية .. وهاجمتنا تقاليع غربية
نرجع بقى للأصل شوية .. طيب إيه بقى يبقي الحل
وشبابنا محتاج له هوية .. محتاج عزم ونفس أبية
يِرجَّع لينا مصر فتية .. شايفين طيب فين الحل
وشبابنا عايز الحرية .. يِبدع، يِثبت همة قوية
كفاياه قاسى من العبودية .. شايفين إيه بقي هو الحل
أعمالنا عايزة الإتقان .. علم وصنعة مع الإحسان
ومصر تسبق زي زمان .. إيه ممكن بقى شايفه الحل
ليه بنبيع للغرب بلادنا .. ليه نفرط في حقوق أولادنا
كرامتنا زادنا وزُوَّادنا .. وده طبعًا مذكور في الحلل
وعاوزين قيادات مسئولة .. مش عايزين خصخصة وعمولة
دي بقت حاجة مهيش معقولة .. طب بقي إيه هيكون الحل
وبلادنا خيراتها وفيرة .. وشبابها وسواعدها كثيرة
ما ناقصها إلا إدارة خبيرة .. تِخْلِص وتدور ع الحل
حكم الفرد تعبنا كثير .. والاستبداد ده أمره خطير
عايزين بقى شورى وتدبير .. طيِّب ليه تايهين ع الحل
شوارعنا محتاجة أمان .. ترجع حلوة زي زمان
فيها الرحمة والاطمئنان .. رأيك إيه بقى هو الحل
فين الروح الحلوة زمان .. كات تجمع كل الخلان
تشوف البسمة مع اطمئنان .. قولي بقي إيه هو الحل
قبطي ومسلم همَّا كمان .. بر وقسط مع الإحسان
وجدوا الوحدة في خير وأمان وبيظللهم أحسن حل
لو فيه صحفي بيكتب كلمة .. وبيكتبها بحكمة وذمة
ينوي بها الإخلاص للأمة .. يبقى أكيد ده عرف الحل
لو فيه حد رجل أعمال .. كون قرشه بسكة حلال
يبني يعمَّر للأجيال .. يبقى أكيد ده عرف الحل
لو فيه حد مِ الحكام .. يرعى في شعبه الصالح العام
عدل وشورى وكله تمام .. ما هوَّ ده قصدنا بالحل
لو تلقى موظف مسئول .. ينجز شغله كده على طول
أكثر من حقه ما بينول .. يلقى الخير قدامه في الحل
لو قاضي بيفصل في قضية .. ويقول حكمه بأصدق نية
لا يخاف من راعي ولا رعية .. ما هوَّه ده مضمون الحل
يا مصري يلَّلا ارفع راسك .. صلَّح بلدك وانصر ناسك
وبصوتك اثبت إخلاصك .. وبكده تبقى عرفت الحل
متقولشي دا الحلم بعيد .. والظلم ده عاتي وعنيد
حاول هايجيك التأييد .. وهتسعد لو تلقى الحل
مين هيصون العهد الغالي .. ومين هيقول دايمًا وأنا مالي
يللا سوا نخطط للعالي .. ده إحنا معانا أحسن حل
مش عايز أطول وكفاية .. يلَّلا نضحي لأحسن غاية
ونتمسك وأديكو معايا سوا مع بعض عرفنا الحل

----------

* أشرف عبد السميع

يا ترى فيه حد عرف فين الحل ؟؟؟؟؟؟؟؟؟؟؟؟

هى الدنيا دى حالها بجد
مترح ماتروح تلاقى سد
ولازم ايدك فى جيبك وتبدأ العد
يا كدة يا حلم يروح ويتهد
احنا اللى عملنا كدة فى نفسنا وشوية وهيبدأ المد
وبعدها ناقص بس اللطم على الخد
وابقى قابلنى لو حاجة اتغيرت
وليك حق الرد
يااما على اللى بالى بالك تتشد
وعجبى

لو تلقى موظف مسئول .. ينجز شغله كده على طول
أكثر من حقه ما بينول .. يلقى الخير قدامه في الحل

ربنا يحل وسطهم جميعا

اللهم امين

اللى عارفين الحل ومبيعملوش بيه

من اول الموظفين لغاية ال.............

*******************

تسلم يا دكتور على موضوعك اللى ملوش حل ده

[ندعوك للتسجيل في المنتدى أو التعريف بنفسك لمعاينة هذه الصورة]

لو فيه حد مِ الحكام .. يرعى في شعبه الصالح العام
عدل وشورى وكله تمام .. ما هوَّ ده قصدنا بالحل

وطالما مفيش حد

يبقى مفيش حل

لو ضعف الأخلاق غيَّرنا .. لو ظلم ونفاق أخَّرنا
يلَّلا بسرعة قوام دبَّرنا .. إيه ممكن هيكون الحل

ابقوا قابلونى بقى لو عرفتوا الحل

ايه يا جماعه لغة التشاؤم دى بس
الكل ليه متشائم ؟
والله أكيد فيه حل بس الواجب ان احنا ندور عليه؟
يلا ندور كمان وكمان
وربنا يوفقنا فى البحث عن الحل
حزر فزر فين الحل ؟
اقرأ الأبيات كويس وأكيد هتلاقى الحل ان شاء الله
ابحثوا معى عن الحل .............

كل الشكر لك يا عاشق الليل
وسعدت بقرائتك لموضوعى يا سمسم
وأسعدنى تواجدكما يا نجمين
[ندعوك للتسجيل في المنتدى أو التعريف بنفسك لمعاينة هذه الصورة]
وفرحت بردودكم المضحكة

[ندعوك للتسجيل في المنتدى أو التعريف بنفسك لمعاينة هذه الصورة]

يا مصري يلَّلا ارفع راسك .. صلَّح بلدك وانصر
ناسك
وبصوتك اثبت إخلاصك .. وبكده تبقى عرفت الحل
متقولشي دا الحلم
بعيد .. والظلم ده عاتي وعنيد
حاول هايجيك التأييد .. وهتسعد لو تلقى
الحل
مين هيصون العهد الغالي .. ومين هيقول دايمًا وأنا مالي
يللا
سوا نخطط للعالي .. ده إحنا معانا أحسن حل

؟؟وبعدين هي الحكومة
دي حكومة ؟؟يالا حسبنا الله ونعم الوكيل في كل فئة لان ربنا فعلا هو اللي
قصادهم وربنا يهديهم ويتقو الله في الشعب الغلبان

الحل عند الله سبحانة وتعالي بس احنا كلام في الفاضي يعني قول بلا فعل ولاعمل لما تروح الامبالاه من بين الناس اكيد هيكون في حل لازم الاصلاح يبدء من
داخل كل شخص الحل اكيد هنلاقيه بسهولة جداااا

شكرا يادكتور علي موضوعك اللي بنتمني نلاقي فيه الحل

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لك أبو رودى على مرورك الكريم
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
تقريبا بدأنا نلاقى أطراف الحل
يلا نبحث مره تانيه ويا ريت الكل يبحث معانا
وخصوصا أبو عائشه
نفسى يشاركنى فى الموضوع ده
عشان نلاقى الحل مع بعضنا ان شاء الله

فيه حد تانى قرب معانا يلاقى الحل؟

على فكره يا جماعه أنا تقريبا لقيت الحل
يا ترى فيه حد شايف معايا نفس الحل؟
أنا شايف ان
الإسلام هو الحل.........
دعوة الى الرجوع لدين الله بتعاليمه وسلوكياته
التى لو تعاملنا بها كانت لنا نورا يهدى طريقنا

ما رأيكم؟

وبمناسبة أننا وجدنا الحل
لابد من نقل هذا الموضوع

الإسلام هو الحل

شعرالدكتور جابر قميحة

هذىِ الحشــــودُ تعالىَ اللهُ جمَّعهـــــا
على شِعـــارٍ غَـدَا للنصـــــرِ عنوانــــــــا

نادَوْا " هو الديـــــنُ حَلٌّ لا مثيلَ لــه
فزلزلوا مِن بناءِ البغــــىِ أركانـــــــــــــا

الحلُّ فى الدينِ لا فــــىِ غَيرهِ أبــــدا
شَرعٌ تجلَّى لنــــــا رَوْحـــــا وريحانــــــا

من سنّةِ المصطفى كانتْ مناهِلُـــــــهُ
وكانَ دستــــورُهُ نـــــــوراً وقُرآنـــــــــــا

بَنَى الحضاراتِ صرحا شامخا أبـــدا
عِلْما وعَـــــدلا وإِنصافــــــا وعِرفانــــــا

شتَّان بين شعارِ صُنْـــعِ خَالِقنـــــــــا
وبين ما ابتدعـــوا شتــــــانَ شتــانـــــــــا

فالحكـــمُ لله حـــقٌّ ليس يُنكــــــــــرهُ
إلا جَهولٌ مَضَى فــــىِ الإثمِ خَسرانـــــــا

مِن عُصبةٍ حُكِّمُوا فينا بِظُلمِهُمُـــــــو
والظلمُ صيَّــرهم صُمَّاً .. وعُمْيــانـــــــــا

قد ضَلَّ سَعْيهمو ، وازدادَ بَغْيهمــــو
واستمرءُوا النهبَ حيتانـــــا وغيلانـــــــا

من نِصفِ قَرنٍ وهذا الشعبُ فى محـنٍ
ولا سميــــعَ لما قاسى ومـــا عانــــــــــى

ذاقتْ به مِصرُ ذُلا ضاريـــاً نَهِمــــا
ومنْ صِنوفِ الأسى والهــــمِ ألوانـــــــــا

كأنما مِصــــرُ إرْثٌ من جُدودِهِمُـــو
أفْضَى لحكامنــــا نَهْبـــــــــا وعدوانــــــا

وقــد يئـــولُ إلى الأبنـــاءِ بَعدهمـــو
وبعدهــــم لحفيـــــدٍ غُيـــــــِّب الآنـــــــــا

لَهفىِ على مِصْرَ كانت قِمةً فغــدتْ
فىِ ظِـــــل حُكمهموُ تحتـــــلّ قِيعانـــــــا

لَهفىِ علــى مِصْرَ كانتْ جنة فغدتْ
من المظالـــــــمِ أشواكــــــا ونيرانــــــــا

لَهفىِ على مِصْـــرَ والتطبيعُ يخنقها
فأصبحَ الحكــــمُ للتفريـــــط عنوانـــــــــا

للعَم " باما " علينـــا سطوةٌ غلبتْ
إنْ شـــاءَ يأمُرنــــا أو شـــاءَ ينهانـــــــــا

لَهفىِ على مِصْرَ نامتْ عن ثَعالبهـا
وقد شبعْن وصـــار الشعب جوعانـــــــــا

جوعٌ وفقرٌ وتشريـــــدٌ ومَضيعــــة
وبالطوارئِ حــــق الشعبِ قـــد هَانـــــــا

من أجل هــذا رفعنا رايـــــةً هَتفتْ
الحلُّ فىِ الديــــنِ كىْ نرقــــَى بِدُنْيانــــــا

ما غيرُ إسلامِنـــــا عزٌّ لحاضرنـــا
نفديـــــــه بالدمِّ شريــانــــــا فشريانـــــــا

ما غيــــرُ إسلامنـــا نبنىِ به غَدَنــا
حــتـى يعــيـش بـــه الإنـســـــان إنـسـانـًا

مش هنخاف ولا فينا ذليل .. ده إحنا معانا أحسن حل
لو بصيت ف تاريخ أجدادنا .. وطالعت ف أسباب أمجادنا
وحبيت تنقل ده لأولادنا .. ما في غيره هتختاره كحل

» فكر معانا مين ممكن يسجل معانا !!
» ايديكم معانا لو سمحتم .....!!!
» التمر الممدود(معانا في مطبخنا)
» مين هيصوم معانا؟؟بكرة وبعده
» قصيدة القدس *منقول

فعـاليات يوم الوفـــــاء بالجوابــــــر

حزر فزر فين الحل .....؟ زجل منقول ... حزر معانا ؟؟؟؟