ضيف الاسبوع الثامن لكرسي الاعتراف أ(محمد يوسف علوان)

ضيفنا لهذا الأسبوع

غني عن الثنــــاء غنــي عن التعــــريف

بعتبره اخويا وغنى عن التعريف لانه مشهور بطريقه فظيعه
اخلاقه رفيعه
مدرس بمعهد الجوابر الابتدائي
عضو تحت السن في مجلس ادارة مركز شباب الجوابر
امين شباب الحزب الوطني بالوحده الحزبيه2 بالجوابر
لعب في كل حته في الملعب حارس مرمي باك يمين وراس حربه
ليه في كل حاجه الدش الكمبيوتر ودماغه شغاله
اظن عرفتوه هو اللي واقف للفساد من بين شباب الجوابر وهو اللي قادر يقول للفاسد انت فاسد ومبينفقش حد
وصاحب يعتمد عليه
الكبير
محمد يوسف علي حسن علوان

شكرا ياشيخه علي المقدمه دي وانت والله زي اخوايا ومن اعز اصحابي اللي هما قليلين اوي واللي بعزهم اوي ويارب اكون عند حسن ظن الجميع ان شاء الله

]b]السلام عليكم ورحمه الله وبركاته اهلا بيك يا استاذنا علي كرسي الاعتراف

اليك بعض الاسئله الخفيفه_:-

* اذكر بعض مما يعجبك ومالا يعجبك فى الاشخاص الاتية مع احترام الالقاب:-

محمد نجم

محمد رفعت

حسن احمد محمود

احمد على

محمد هلال

احمد عرفات

احمد الشيخة

رضا نزيه

شتيوى

سمسم

محمد جبر

احمد جمال[/b]

وعليكم السلام ورحمة الله وبركاته
ازيك يااحمد ياجمال
ايه السؤال الصعب ده ناوي توقعني في الناس يااحمد ولا ايه
كلهم بحترمهم جدا ومن غير مجامله ولو لاقي حاجه مش عجباني في حد فيهم اكيد هقوله
محمد نجم_ من الناس اللي انا بحترمهم جدا وشخصيه بحبها
محمد رفعت_ راجل زي العسل متعرفوش انت يااحمد خفة دم محصلتش
حسن ابو تريكه_ طيب جدا بس عصبي جدا في الملعب
احمد علي _دمه شربات
محمد هلال_ بيحب يقول كلمة الحق في وش اي حد
احمد عرفات_ شعلة نشاط وهو الوحيد اللي شغال في كل الاعضاء اللي موجودين في النادي بالرغم من محاولات البعض اطفاء هذه الشعله ببعض الافعال
احمد الشيخه_بيحترم اللي بيحترمه وبيحب اللي بيحبه وانا بموت فيه
رضا نزيه _مقولكش بقي كل الناس اللي دمها خفيف في جمب ورضا ده في جمب تاني حتة سكره
شتيوي_ مخه شغال وراجل جد
سمسم _عبقري بس مداري
محمد جبر_ كفايا انه ابن المعلم
احمد جمال_ بقي انا عن نفسي بحبك اوي يااحمد بس ناقص ان انت تكون اهلاوي

السلام عليكم ورحمة الله وبركاته

اخي الحبيب ا/ محمد يوسف

تحية حب وتقدير غالية من اعماق القلب عالية مدوية ف الافق
بارك الله فيك وجعلك زخرا لدينك ووطنك

بداية اسمح لي ان نتعرف عليك بما تحب ان تخبرنا انت به

ماذا تعرف عن محمد يوسف

[ندعوك للتسجيل في المنتدى أو التعريف بنفسك لمعاينة هذه الصورة]

ازيك ياابو يوسف اخبارك ايه اتمني اسمع عنك كل خير

بدايه عندي شويه اسئله خفيفه عايز اسئلها لك

اهدافك فى الحياه؟

حلم حلمته واتنفذ؟

اهدافك فى منتدي روح واحده؟

كلمنا عن نفسك شويه؟

عيوب ومميزات المنتدى؟

اعضاء فى ذاكرتك من المنتدي تكلم عنهم فى بعض الكلمات ( لا يقل عن 5 اعضاء)

ايه اللى ناقص عن المنتدى او ايه اللى محتاجه المنتدى؟

موقف محرج اتعرضت ليه ؟

كلمه عايز تقولها لاى شخص ايه هى والسبب

واخيرا لك مني كل الحب والاحترام

شكرا لحضرتك يااستاذ ابراهيم

بداية اسمح لي ان نتعرف عليك بما تحب ان تخبرنا انت به

ماذا تعرف عن محمد يوسف
الا سم/ محمد يوسف علي حسن محمد علوان
تاريخ الميلاد/19/9/1982
المؤهل الدراسي الحاصل عليه/ليسانس اداب وتربيه: قسم مكتبات ومعلومات وتكنولوجيا التعليم: جامعة الازهر
محل الاقامه/ الجوابر ميت سلسيل دقهليه
الوظيفه/ امين مكتبة معهد الجوابر الابتدائي
الشغل الاضافي / تركيب دش وسوفت وير للرسيفرات وبادئ صيانه ان شاالله

شكرا ياخال وان شاء الله اسمع عنك كل خير انا كمان باذن الله

اهدافك فى الحياه؟

حلم حلمته واتنفذ؟

اهدافك فى منتدي روح واحده؟

كلمنا عن نفسك شويه؟

عيوب ومميزات المنتدى؟

اعضاء فى ذاكرتك من المنتدي تكلم عنهم فى بعض الكلمات ( لا يقل عن 5 اعضاء)

ايه اللى ناقص عن المنتدى او ايه اللى محتاجه المنتدى؟

موقف محرج اتعرضت ليه ؟

كلمه عايز تقولها لاى شخص ايه هى والسبب

اهدافك فى الحياه؟
اهدافي في الحياه/انا
إن الإنسان لابد أن تكون له مجموعة من الأهداف يسعى إلى تحقيقها في
الحياة، والإنسان الناجح هو الذي يعرف ماذا يريد أن يحقق في حياته ويسعى
إليه.
وتنقسم الأهداف من حيث زمن إرادة تحقيقها إلى نوعين : أهداف قريبة و أهداف
مستقبلية، أما من حيث النوعية فهي تنقسم إلى عدة أقسام يصعب حصرها، فهناك
أهداف أسرية وأهداف اجتماعية وأهداف شخصية وأهداف تخص العمل...، إلا أن
القاسم المشترك الذي يجب أن يجمع بينها هو اتجاهها نحو إرضاء الله سبحانه
وتعالى و صبها في الهدف الأكبر والأسمى من الوجود وهو السعي نحو تحقيق
السعادة في الدنيا والآخرة
وانا لي اهداف كثيره ولكن اجعل لكل مرحله هدفها وفي هذه المرحله اتمني ان يوفقني الله عز وجل في ان اجد الزوجه الصالحه وبعد ذللك اتمني العيشه الكريمه في الحلال ومن عرقي ومجهودي
.حلم حلمته واتنفذ؟
اني احصل علي شهادتي الجامعيه واشتغل والحمد لله
اهدافك فى منتدي روح واحده؟

اتمني اشوف اعضاء المنتدي ايد واحده مفيش حد يفرق او يوقع مابينا واتمني ان الناس اللي بتحاول تدمر في المنتدي وبيحبطو اعضاء المنتدي ان يبتعدو عنا وان شاء الله احنا شباب المستقبل ورجال الغد ومحدش هيقدر يوقف القطر بتعنا لان دي سنة الحياه
وبقول للناس دي احنا اعضاء منتدي روح واحده رجاله مش عيال بس

كلمنا عن نفسك شويه؟

تكلمت عن نفسي في مشاركة الاستاذ ابراهيم رفعت
عيوب ومميزات المنتدى؟

اولا العيوب / ممكن نلاقي ناس يدخلو يتسلوا او يضيعو وقت ممكن يكون ده جانب من جوانب الدخول علي شبكة الانترنت ولكن لابد من وجود مشاركات تفيد الاعضاء في الحياه العمليه والعلميه وليس مجرد ان يصبح المنتدي منتدي مناقشات فقد فالمناقشه مطلوبه ولكن مش كل الاوقات
مايفعله البعض من قص الموضوعات من منتديات اخري دون قرائتها قرائه جيده او رد بعض الاعضاء ايضا علي بعض المشاركات دون قرائتها قراءه جيده لكي يصبح اعلي شخص من حيث عدد المساهمات والمشاركات
اما المميزات فهي ان شاء الله كثيره ومن اهمها هي ان الموضوع جديد علينا وكيفة تواصل بعض الاشخاص الموجودين في خارج البلاد مع اصدقائهم واقربائهم
ومعرفة اخبار الجوابر اول باول والاعلان لاهالي الجوابر عن جيل من الشباب قادم وبقوه للابداع والتقدم والابداء برائيه في كافة المجالات دون الخوف من احد او مواراة احد وايضا بكل الاحترام لمن يحترمنا
اعضاء فى ذاكرتك من المنتدي تكلم عنهم فى بعض الكلمات ( لا يقل عن 5 اعضاء)
الاستاذ علي شوقي/ان شاء الله يكون في دعم متبادل بين منتدي شباب الجوابر والجمعيه الخيريه
الاستاذ احمد سالم/متزعلش ياستاذ احمد وانت اكبر من ناس كتير حتي لو هما اكبر سنا
الاستاذ ابراهيم رفعت/وحشنا ويارب تكون بخير
الدكتور جلال/زواج مبارك ان شاء الله
رضا عرفات / بصراحه انا بحترمك جدا ومع اني مكنتش اعرفك كويس حتي وانت في البلد بس والله ومش مجامله لاني مبعرفش انافق او اجامل والله بحبك اوي ياعم رضا
احمد عرفات / للي مش عارفه والله العظيم ومش مجامله مجهوده ماشاء الله عليه وشغال في مركز الشباب شغل لاشفت حد بيشتغله ولا هشوف حد
احمد الشيخه/اتظلم من اهل الجوابر وربنا بيرد له الظلم في اللي ظلموه
السيد موسي/هنتثبت ولا نفضها ياسيد
ايه اللى ناقص عن المنتدى او ايه اللى محتاجه المنتدى؟

فيه ناس كتير شباب الجوابر مش عارفين عنهم حاجه ومش عارفين ايه اللي عملوه الناس دي للبلد ونفسي الناس دي تبقي موجوده في وسطنا في المنتدي لان وجودهم هيخلي بعض الناس اللي بيحبه يزيفه الحقائق يتخرسو وميتكلموش
المنتدي محتاج كل ابناء الجوابر في الخارج سواء المسافرين خارج البلاد او المقيمين في داخل مصر خارج قريتنا وذللك من اجل التواصل ومعرفت الكثير عن اهل بلدهم وان شاء الله ده هيجي مع مرور الوقت باذن الله
موقف محرج اتعرضت ليه ؟

كنت جاي من الكليه وانا في ميت غمر ركبت عربيه فلما التباع قال الاجره ياجماعه حطيت ايدي في جيبي بدور علي الفلوس مش لاقي دورت في كل جيويبي ملقتش الفلوس وشي احمر واتحرجت اوي بس بصيت في العربيه من قدام لقيت زميل ليه كتبتله في ورقه الفلوس وقعت مني وبعتها مع الناس اللي قاعدين قدامي فلما قراها دفعلي الاجره والحمد لله وعديت من الاحراج اللي كنت فيه
كلمه عايز تقولها لاى شخص ايه هى والسبب
سيدنا عمر ابن الخطاب
اقوله كان نفسي اكون موجود في فترة الخلافه بتاعتك
السبب هو معاملة من اسء للاسلام والمسلمين بقوه وليس هناك رحمه ولا رئفه بهم وده اللي المفروض يبقي موجود الوقتي لكن للاسف نحن اضعف الضعفاء
فكيف لشباب غير قادر علي مواجهة مشاكله الداخليه ان يواجه عدو ينتظركم
فليعلم الجميع ان الحياه واحده / فاجعلها حياه بكرامه
وان الموته واحده/ فاجعلها موتة بكرامه

الله يصلح حالك ويوفقك الي ماتحب

اخي الحبيب
ممكن ترسل رسالة
الي

مخترع الدش والريسيفر
كوبري الجوابر
مكتبه الجوابر
المنتدي
مئذنة الجوابر
شباب الجوابر
رغيف الخبز
محمد يوسف

افضل كتاب قراته وبا تنصحنا ان نقرا
حكمة تفضلها
مثل تؤمن به
شخصية اسلامية ت

الله يصلح حالك ويوفقك الي ماتحب

اخي الحبيب
ممكن ترسل رسالة
الي

مخترع الدش والريسيفر
كوبري الجوابر
مكتبه الجوابر
المنتدي
مئذنة الجوابر
شباب الجوابر
رغيف الخبز
محمد يوسف

افضل كتاب قراته وبا تنصحنا ان نقرا
حكمة تفضلها
مثل تؤمن به
شخصية اسلامية ت
شكرا لحضرتك يااستاذ ابراهيم
اولا رساله لكلا مما ياتي
مخترع الدش والرسيفر /قدمت للبشريه سلاح ذو حدين كباقي الاجهزه الحديثه كالكمبيوتر والمحمول
كوبري الجوابر/عارف انه اشتكي من الشباب وكل يوم بيستضيف دفعات جديده من خريجي الجامعات
مكتبة الجوابر/مبني شامخ والناس مش واخدين بالهم
المنتدي /ستعبر عن شخصية ابناء الجوابر
مأذنة الجوابر/ستظلي عاليه
شباب الجوابر لاتخافو في الحق لومة لائم ولا تنتظرو الوظيفه او السفر وعلي كل شاب ان يبحث في داخله عن شي اعطاه الله له دون غيره فكل فرد اعطاه الله صفه لاتوجد في غيره فمن الممكن ان ينميها ويجعلها مصر رزقا له ومادام العمل من حلال فلا تتركه
وهناك مشاريع صغيره يمكن ان تبداء بها
رغيف العيش/ مره تكبر ومره تصغر ومره تطلع معجن ومره تبقي ميه ميه ارسي ياعم علي حال علشان نعرف ناكل
محمد يوسف /خليك زي امبارح والنهارده هكون مبسوط منك وربنا اكيد هيرضي عنك
افضل كتاب/ القران الكريم
حكمه نفضلها / لاتترك عمل اليوم الي الغد
مثل اؤمن بيه/بين الفرج والديقه قد الدقيقه

شخصيه اسلاميه احبها / طبعا سيدنا عمر بموت فيه

بداية اود ارحب بشخصية هذا الاسبوع

شخصية غريبة

[ندعوك للتسجيل في المنتدى أو التعريف بنفسك لمعاينة هذه الصورة]

ولكنهاااااااااااااا جميله ......................

شخصية مستقلة في افكارها

شخصية صعبة المنال

شخصية صعبة التغير

شخصية فذة قوية بارعة

شخصية مرحة من غير تبذل.

شخصية لاتتغير مبادئها بسهولة

شخصية ثابتة لا تتلون ولا تتلبس بالأقنعة واضحة غير غامضة

شخصية لاتعرف إلا الاقتناع برأيها في الرضا والغضب

شخصية لا تعرف الجبن ولكن دائما شجاعة لا تعرف الاهانة

شخصية لا تخون ثقة الآخرين فيها ولو بلغ غضبها منهم مبلغه

شخصية مميزة ليست إمعة ولا تافهة

شخصية تضحي كثيرا لأجل الآخرين

شبح غرف الدردشة وعالم الايميلات

خبرة فى الدش وعالم الستالايت

[ندعوك للتسجيل في المنتدى أو التعريف بنفسك لمعاينة هذه الصورة]

الحمد الله متمكن جدا من الإشارة

وكعبه فيرتيكال لكل الكرات العرضية

ارحب بمشرف القسم الفضائى

حبيب الملايين

الاستاذ / محمد يوسف علوان

واليك بعض اسئلتى اتمنى ان تكون خفيفة

ماهي رسالتك في هذه الحياة ولمن توجهها ؟

ما التجربه التي تتمنى تكرارها ؟

امتى اخر مرة اتنازلت عن مبادئك ؟

ايه اسلوبك في مواجهة مشاكلك ؟

بتحب شغلك ؟ وهو ده اللي كنت بتتمني تشتغله ؟

هل انت راضي عن نفسك وعن ماحققت وانجزت ؟ ولو مش راضي طب ليه؟

راضي عن علاقتك مع ربنا ؟

ماهي احلامك اللي بتتمني انها تتحقق في 2010.؟

ماهي اكبر عيوبك في نظرك واحسن مزاياك؟

ما أجمل حدث في حياتك الى الان؟

ومااسواء حدث في حيااتك حتى الان؟

ماهو الشي الذي ندمت عليه في حياتك؟

المكان اللي ترتاح فيه وتحب تجلس فيه دائما؟

مواقعك المفضلة؟

قنواتك المفضلة ؟

من العضو الذي ترتاح له لله في لله؟

عضو تقرا له دائما ؟

عضو مميز؟

عضو تعجبك مواضيعه؟

عضو تعجبك ردوده؟

سلبيات المنتدى بكل صراحة ووضوح وطرق علاجها ان امكن ؟

ايه رايك فى تجربة كرسى الاعتراف ؟

اتمنى ان تكون اسئلتى نالت اعجابك

ولك منى خالص حبى واحترامى وتقديرى

اولا شكرا ياعم اسامه علي المقدمه الجامده دي
كل دي اسئله انا تعبت من القرايه فما باللك بقي لما اجاوب عليها
ماهي رسالتك في هذه الحياة ولمن توجهها ؟

لابد وان نكون علي قناعه بان الحياه هي عباره عن تناقل للخبرات من الكبار الي الصغار وكل اسره لها اب وام علموا اولادهم ماتعلموه في دينهم ودنياهم ولكن مع بعض الاختلاف في شخصبة الابناء عن الاباء ومن هنا ياتي اكتساب خبرات يتععلمها الانسان وينشاء في ظل هذا الايطار وعلي اساسه يمكن له بعد ذللك ان يختار الزوجه التي تتفق معه علي هذه المبادي ومن هذا المنطلق نقل الخبرات التي اكتسبوها معا الي الاولاد
فانا اتمني ان اعلم اولادي ماكان والداي يحاولون تعليمه لي حتي لو لم اتعلمه فانا قادر علي التفرقه بين ما هو جميل وقبيح فالاهم عندي ان ان يتعلمو عدم الخوف من المخلوق والخوف كل الخوف من الخالق
ما التجربه التي تتمنى تكرارها ؟
مرحلة الجامعه لاني كنت مستهتر جدا وقتها فاتمني ترجع تاني علشان اكون جد اكتر من الاول ولكن الحمدلله
امتى اخر مرة اتنازلت عن مبادئك ؟
الحمدلله لسي محصلش
ايه اسلوبك في مواجهة مشاكلك ؟
يمكن يكون فيه بعض من العصبيه ولكن هذه هي تركيبتي و ليست عصبيه لكونها عصبيه ولكن في الاونه الاخيره تعودت علي الصمت قليلا والتفكير قبل اتخاذ قرااري تجاه المشكله
بتحب شغلك ؟ وهو ده اللي كنت بتتمني تشتغله ؟
كنت اتمني اكون مدرس جغرافيا لاني بحب الجغرافيا اوي بالرغم اني دخلت تربيه قسم جغرافيا وفضلت فيها سنه ومحصلش نصيب لاني كنت مستهتر لكن الحمد لله
هل انت راضي عن نفسك وعن ماحققت وانجزت ؟ ولو مش راضي طب ليه؟

مش راضي عن نفسي لاني حاسس اني بدات متاخر والوقت مش بيقف لحد ودي نصيحه لكل الشباب لابد ان يفكر الجميع فيما يمكن ان يشغل به وقته وان نشاء الله النجاح قادم

راضي عن علاقتك مع ربنا ؟
يمكن من اسبوع مكنتش راضي عن نفسي ابدا: بس الوقتي ربنا يتقبل مني ويرحمني ويغفر ليا امين يارب العالمين
ماهي احلامك اللي بتتمني انها تتحقق في 2010.؟
اني اخلص الشقه واظبطها ان شاء الله
ماهي اكبر عيوبك في نظرك واحسن مزاياك؟
اكبر عيوبي الصراحه بتاعتي اللي مودياني في داهيه
وهي ايضا ميزه للقليل من الناس لمن يحب الصراحه
ما أجمل حدث في حياتك الى الان؟
يوم نجاحي في الثانويه الازهريه
ومااسواء حدث في حيااتك حتى الان؟
حدث كان صعب اوي عليا لكن مش هقدر اقوله بس الحمدلله عديت المحنه دي

ماهو الشي الذي ندمت عليه في حياتك؟

اني مكنتش بفكر في مستقبلي وانا لسي في الجامعه
المكان اللي ترتاح فيه وتحب تجلس فيه دائما؟
الوقتي بحب اقعد في البيت وبستريح فيه
مواقعك المفضلة؟
مصراوي سات
والمهندسين العرب
ويلا كوره
ومنتدي روح واحده
قنواتك المفضلة ؟

الرياضيه والدينيه والاخباريه
من العضو الذي ترتاح له لله في لله؟
بصراحه رضا عرفات

عضو تقرا له دائما ؟
الاستاذ احمد سالم
عضو مميز؟
احمد جمال
عضو تعجبك مواضيعه؟
الاستاذ احمد سالم
عضو تعجبك ردوده؟
بردو عمنا رضا عرفات
سلبيات المنتدى بكل صراحة ووضوح وطرق علاجها ان امكن ؟
بلاش نقول سلبيات بس فيه بعض القصور وانا واثق ان شاء الله ان هيكون فيه تدارك لهذه القصور وهذه القصور من بعض الاعضاء ويمكن ان تكوت هذه القصور لقلة الخبره يعني باذن الله احنا مع بعض هنحل اي مشاكل وهنطور المنتدي
ايه رايك فى تجربة كرسى الاعتراف ؟
مبسوط جدا بيها لان فيه اعضاء مش من الجوابر واكيد يحبو يتعرفو علي اعضاء المنتدي واحنا بردو اكيد هنحب نعرف عنهم كل حاجه في ايطار المحافظه علي الخصوصيه
شكرا ياعم اسامه علي الاسئله اللي قطمت وسطي دي
وربنا يوفقك انت وجميع مشرفي واعضا روح واحده لاظهار وحل مشاكل بلدنا ولتعاون افضل من اجل بلد افضل ان شاء الله
تحياتي للك يااستاذ اسامه

[ندعوك للتسجيل في المنتدى أو التعريف بنفسك لمعاينة هذه الصورة]

مَسَائُك

/ صَباحُك ..
بـِ رُوحَ الحُبْ / الْعَطاء
.. والوِدْ .: ..!
يَتَجَدَدُ بِنَا الْفَرَحْ
والْبَسْمَه .. والْحُبْ ..
بـِ عَطَاءٍ فَاقَ عَنَانَ الْسَمَاءْ
لـِ يُصَافِحَ اَكُفَ الْغَيمْ ..!
بـِ قَطَراتِ الندي تَروِي
الْقُلُوبَ والاَرْواح ..!
ومع شخصيه ليست كاي شخصيه..!
شخصيه لامعه في منتدي روح واحدة
روح مرحه ... وظل خفيف
وعضومعااصر.. ولهـ رونق دائما بالمنتدى
الاستاذ المحترم مهندس الدش والريسيفر
محمد يوسف علوان
ازيك يااستاذ محمد اسمحلي انت اول واحد اسالة في كرسي الاعتراف كنت اتمنى اسال كل الاعضاء اللي فاتو بس قدر وانشاء الله هتتعوض
تسمحلي اسالك الكام سؤال دول ويارب اكون خفيف الدم عليك انا واسالتي
مستعد؟؟؟؟؟؟
اتفضل سيادتك استريح
علي الكرسي المريح دة
وخليك ريلاكس
يالا نبدء

توكلنا علي الله

[ندعوك للتسجيل في المنتدى أو التعريف بنفسك لمعاينة هذه الصورة]

باقة ورد لمن تهديها...؟؟
شخص لاترفض لة طلبا..؟؟
من هو توئم روحك..؟؟
ما الشئ الذي يسبب لك حرج في حياتك..؟؟
حمامة زاجله استقرت علي نافذتك تحمل رسالة من مجهول فممن تتمنى ان يكون هذا المجهول..؟؟
من هو العضو اللي يستحق انك تقول عنة محبوب بين الاعضاء..؟؟
مين بنظرك بيعمل بجهد في المنتدي..؟؟
معك ثلاث رصاصات لمن تهديهم..؟؟انسان تعتز بة وترجع لة وتستشيرة في الشئ اللي يخصك
شخصية تحب ان تكون مثلها..؟؟
.!!هل انت مزاجي، قيادي
عاطفي ، عصبي ،
إنطوااائي
حيوي، خيالي
او غير ذلك !!
اية رايك في قناه (اسبيستون)ههههههههه[ندعوك للتسجيل في المنتدى أو التعريف بنفسك لمعاينة هذه الصورة]
رأيك ايه في الاختلاط الذي بدء ينتشر في مجتمعنا
واخص بالسؤال
الاختلاط في الجامعات ؟
ما هو طموحك في المستقبل..؟؟
شئ حصلك في الماضي غير مجري حياتك سواء للافضل او للاسوء او حتي اثر فيك..؟؟
عادة فيك دايما بتعملها وبتتمنى انك تسيبها وتبعد عنها هية اية..؟؟

واخيرا وليس باخر يارب تكون ارتحت معايا في الاسئلة ومكنش رخمت وطولت عليك
اتفضل جاوب
وبعدها اقلب المحطة
مع عضو جديد

[ندعوك للتسجيل في المنتدى أو التعريف بنفسك لمعاينة هذه الصورة]

شكرا ياستاذ رضا علي المقدمه دي وانا ليا الشرف ان حضرتك تسالني واني اكون اول واحد تساله

باقة ورد لمن تهديها...؟؟
لكل اعضاء المنتدي
شخص لاترفض لة طلبا..؟؟
اكيد هو عارف نفسه مع انه مش موجود في المنتدي ومش هقدر اقول اسمه بس لو دخل المنتدي وقرا الموضوع ده هيعرف نفسه
من هو توئم روحك..؟؟
الشيخه
ما الشئ الذي يسبب لك حرج في حياتك..؟؟
عدم المجامله وعدم الابتسامه في وجه اي شخص مش مرتاح ليه
حمامة زاجله استقرت علي نافذتك تحمل رسالة من مجهول فممن تتمنى ان يكون هذا المجهول..؟؟
هو نفس الشخص اللي مقدرش ارفض له طلب
من هو العضو اللي يستحق انك تقول عنة محبوب بين الاعضاء..؟؟
الاستاذ احمد سالم
مين بنظرك بيعمل بجهد في المنتدي..؟؟
حضرتك ياعم رضا انت والاستاذ احمد سالم واحدمد جمال واكيد احمد نجم
معك ثلاث رصاصات لمن تهديهم..؟؟
شارون/ بوش/نتن ياهو
انسان تعتز بة وترجع لة وتستشيرة في الشئ اللي يخصك
انا بعتز باصدقاء كتير واستشير كل الناس سواء صديق او غير صديق ولكن عند اتخاذ القرار يكون قراري وبعقلي وتفكيري
شخصية تحب ان تكون مثلها..؟؟
عمي الدكتور طاهر علوان وكيل كلية التربيه جامعة الاسكندريه له قصة كفاح كبيره جدا وانا بجد فخور بيه وطبعا صعب اني اكون زيه بس احب اكافح كفاحه في الدنيا
.!!هل انت مزاجي، قيادي

نعم
عاطفي ، عصبي ،
نعم
إنطوااائي
لا
حيوي، خيالي
نعم
اية رايك في قناه (اسبيستون)ههههههههه
قناة زي العسل ولو شوفتها وكان عليه تووموجيري بتفرج عليها
رأيك ايه في الاختلاط الذي بدء ينتشر في مجتمعنا
واخص بالسؤال
الاختلاط في الجامعات ؟
بداية العلاقات الغير مشروعه هو الاختلاط وليس الاختلاط في الجامعات وحسب بل الاختلات في كل الاماكن وانا ارفض الاختلاط
ما هو طموحك في المستقبل..؟؟
تكون اسره قويه مبنيه علي الحب والاحترام المتبادل
شئ حصلك في الماضي غير مجري حياتك سواء للافضل او للاسوء او حتي اثر فيك..؟؟
لما تكون حاسس ان فيه حاجه بتاعتك ومره واحده تحس ان الحاجه دي راحت منك وتفوق من النوم وتتاكد ان الحاجه دي مكنتش بتاعتك خالص ولا عمرها هتكون بتاعتك حصلي حاجه زي كدي واتاكدت ان اللي ربنا كتبهولي هشوفه ومحدش يقدر ياخد رزقي ولا انا اقدر اخد اكتر من رزقي وعلشان كدي بقول توكلت علي الله
عادة فيك دايما بتعملها وبتتمنى انك تسيبها وتبعد عنها هية اية..؟؟

اني ممكن ادافع عن ناس عندهم لا مبالاه والناس دي تيجي قدامك بكلام ووقت الجد تلاقيهم بكلام مختلف وده اللي يخليني اندم :بس مش اسيب القضيه وابعد عنها لان انا عنيد جدا وازداد صلابه بمرور المحن والعثرات

واخيرا وليس باخر يارب تكون ارتحت معايا في الاسئلة ومكنش رخمت وطولت عليك
اتفضل جاوب
وبعدها اقلب المحطة
مع عضو جديد

احلي محطه واجمد مقدم برامج شكرا ياعم رضا وربنا اعلم باللي جوايا ليك ويارب تبقي دايما بخير ومبسوط ان شاء الله وسلملي علي ابو الحاج والمطيع
تحياتي للك ياستاذ رضا ياعرفات
محمد يوسف علوان

ماهو حلم حياتك ؟

من احب الناس لقلبك ؟

ما الصفات التى تحبها والصفات التى تكرهها؟

هل وجودك فى المنتدى يشعرك بشىء خاص؟

و هل تجد هذا المنتدى فيه إختلاف عن غيره؟

إن عادت بك الإيام ما الشىء الذى قلت فيه نعم والأن

تستبدلها ب لا و العكس؟

لو اعتبرنا حياتك كتاب فما هى الصفحة التى تريد ان تقطعها منه من حياتك ولماذا؟

صــف نفســـك بكلمتيـــن فقـــط..!

مــاهــو الشــئ الذي ندمــت علــي عمـلــــه؟!؟

كـلمـــة تمنيـــــت ان تسـتطيـــع سحـبهــــا؟!؟

-آخـــر شخـــص تتـــذكــــره قبـــل أن تنـــــام؟!؟

-جــريمــة تتمنـــي لـــو تستطيـــع ارتكابهــــا؟!؟

حمـامة زاجـــل حاملـــة رســالة لـك,,,من من تتمنـى ان تكــون؟!؟

-دمـعـــه انـذرفــــت رغـمــاً عنـــك؟!؟

-مـوقـــف صــدمــك ولــن تنســــاه؟!؟

-شـخــص تتمنــي الإنتقــام منـــه؟!؟

-شخص لا تستطيــع مســامحته؟!؟

-شــئ او شخــص غيــّر مجــري حياتـــك؟!؟

-حلم لا تستطيـــع تحقيقه؟!؟

-كلمة تود سماعها كل يوم؟!؟

-القمر-الشمس-النجوم...........ايهم تفضل والسبب؟

اختار خمس أشخاص من المنتدى ثم اوصف كل واحد منهم بكلمتين

ماهو حلم حياتك ؟
اقامة دولة فلسطين كامله بكامل حدودها البريه والبحريه وعاصمتها القدس
من احب الناس لقلبك ؟
كل محترم صادق
ما الصفات التى تحبها والصفات التى تكرهها؟
التي احبها الشجاعه
والتي اكرهها الجبن والنفاق وخيانة الامانه والامبالاه
هل وجودك فى المنتدى يشعرك بشىء خاص؟
وجودي في المنتدي يذكرني بالمستقبل
و هل تجد هذا المنتدى فيه إختلاف عن غيره؟
اكثر شئ يختلف بين هذا المنتدي وباقي المنتديات هو اننا كلنا نعرف الكثير عن بعضنا ونعرف مشاكلنا
إن عادت بك الإيام ما الشىء الذى قلت فيه نعم والأن

تستبدلها ب لا و العكس؟
شئ مش هقدر اقوله بردو بس لو عادت الايام تاني هقف برقبتي علشان امنع الموقف ده
لو اعتبرنا حياتك كتاب فما هى الصفحة التى تريد ان تقطعها منه من حياتك ولماذا؟
هي نفس الصفحه اللي فيها الموقف اللي انا هرفضه لو رجعت بنا الايام تاني
صــف نفســـك بكلمتيـــن فقـــط..!
صامد صابر
مــاهــو الشــئ الذي ندمــت علــي عمـلــــه؟!؟
ضياع وقتي بشكل كبير في السنين الماضيه
كـلمـــة تمنيـــــت ان تسـتطيـــع سحـبهــــا؟!؟
كل كلمه جرحت انسان بدون قصد واكرر بدون قصد
-آخـــر شخـــص تتـــذكــــره قبـــل أن تنـــــام؟
مفيش
-جــريمــة تتمنـــي لـــو تستطيـــع ارتكابهــــا؟!؟
قطع لسان الكذابين وقطع يد السارقين الذين ائتمنهم الناس علي اموالهم وليسو اهلا للامانه
حمـامة زاجـــل حاملـــة رســالة لـك,,,من من تتمنـى ان تكــون؟!؟
اعز شخص عندي واقرب شخص لقلبي بس مش هقدر اقول اسمه
-دمـعـــه انـذرفــــت رغـمــاً عنـــك؟!؟
بعد وفاة سامح شهيد والاستاذ جمعه
-مـوقـــف صــدمــك ولــن تنســــاه؟!؟
هناك اشخاص كنت احترمهم جدا بل كان منهم اشخاص اعتبرهم المثل الاعلي لي ولكن بعد بعض الافعال التي قامو بها فاسمحو لي ان اقول اني لايشرفني ان احترمهم واذا كانوا لايعرفون الحقيقه فمن العيب ان يحكموا ويتخذو قراراتهم بناء علي وجهة نظر طرف واحد ومن الضروري ان يعرفو ما لدي الطرف الاخر من اسباب فلربما يندمون علي فعلتهم وعلي قراراتهم الظالمه لسمعتهم وللناس
-شـخــص تتمنــي الإنتقــام منـــه؟!؟
اي شخص حرامي فاسد كذاب بيسرق فلوس الناس وبيعتبرها فلوسه
-شخص لا تستطيــع مســامحته؟!؟
[ندعوك للتسجيل في المنتدى أو التعريف بنفسك لمعاينة هذه الصورة]
تم حجب الرد من قبل الإدارة لخروجه عن آداب الحوار وقوانين المنتدى

-شــئ او شخــص غيــّر مجــري حياتـــك؟!؟
انا حاسس اني اتغيرت فعلا بس ليه ومين وازاي بجد مش عارف وربنا هو بس اللي عارف وادعيلي يانجم
-حلم لا تستطيـــع تحقيقه؟!؟
اني اكون علي راس جيش من الجيوش اللي هتحرر فلسطين
كلمة تود سماعها كل يوم؟!؟
ومن يتقي الله يجعل له مخرجا ويرزقه من حيث لايحتسب) صدق الله العظيم
-القمر-الشمس-النجوم...........ايهم تفضل والسبب؟
يمكن اوقات بحب الليل بكل اللي فيه قمر ونجوم
واوقات تانيه احب النهار بكل مافيه بس الافضليه بتكون للوقت اللي فيه ناس بحبهم وبيحبوني سواء ده باليل او النهار
اختار خمس أشخاص من المنتدى ثم اوصف كل واحد منهم بكلمتين
الاستاذ احمد سالم طيب القلب: وبقوله متزعلش دول اشخاص ربنا ينتقم منهم يارب وانت اعلم بالظالم والله بدعي بجد وربنا عارف من الظالم ومين المظلوم وانت يارب عارف مين اللي علي حق ومين اللي علي باطل فيارب قوني وزدني اسرارا علي مكافحة الفساد والظلم
محمد نجم رمز الدبابه هتدوس وهتفرم
شتيوي رمز المسدس في دماغ الفاسد
محمد جبر بلاش المزنوقه يابوحميد
رضا نزيه سكر نبات

» ضيف الاسبوع السابع لكرسي الاعتراف أ(احمد الشيخه)
» ضيف الاسبوع العاشر لكرسي الاعتراف(المهندس السيد رفعت)
» ضيف الاسبوع الخامس لكرسي الاعتراف الاستاذ ابراهيم حامد(رامبو)
» ضيف الاسبوع الاول لكرسى الاعتراف "محمد رفعت" (مدير المنتدى)
» ضيف الاسبوع الثالث لكرسى الاعتراف . الاستاذ احمد عرفات

فعـاليات يوم الوفـــــاء بالجوابــــــر

ضيف الاسبوع الثامن لكرسي الاعتراف أ(محمد يوسف علوان)