زجل بعنوان (مشاكل الشباب) تأليف ( جلال مجاهد)

اخوانى واخواتى أعضاء منتدى روح واحدة الكرام
السلام عليكم ورحمة الله وبركاته
اليكم مقطوعة زجليه بعنوان مشاكل الشباب
تاليف أخوكم دكتور جلال مجاهد
وهى مكونه من 52 بيت
وربما الكثيرون من اصدقائى بالمنتدى يعرفون تلك القصيدة الزجليه
وبعضهم قرأها
وكنت قد ألفتها وانا فى الفرقة الأولى من الكليه وتقريبا فى عام 1999م اى منذ حوالى عشر سنوات

فإليكم أصدقائى الأعزاء
أترككم تستمتعوا
وانتظر ردودكم وآرائكم

هيا بنا نذهب ونستمتع سويا بتلك القصيدة

زجل بعنوان
" مشـــاكل الشـــباب"
تأليف دكتور/جلال مجاهد
أبو سعيد

يلا بينا ندق الباب	٭٭٭٭٭٭	وندوَّر فين الشباب؟؟
نصِ الحاضر والمستقبل	٭٭٭٭٭٭	جَىّ بعده وفيه الأحباب!!
حاضِر الأمَّه وكل أَمَلّهَا	٭٭٭٭٭٭	يكون عَ القِمَّه بالألباب!!
عايش كل حياته لوطنه	٭٭٭٭٭٭	وأهله وبلده وناسه بتساعده!!
بيشوف دايماً قدَّامه مشاكل	٭٭٭٭٭٭	بتعطَّل مشيه للآخر!!
مثلاً هنشوف الكُلِّيَّه	٭٭٭٭٭٭	إذاكمَّل بعد الثانويَّه؟
مشكلة الكتب الجامعيَّه	٭٭٭٭٭٭	عايزه فلوس بالميَّه!!
عايش حياته الدراسيَّه	٭٭٭٭٭٭	عشان شهاده لأهله هديَّه!!
يتعب يِسهَرْ عَ السهريَّه	٭٭٭٭٭٭	عشان يذاكر مِيَّه الميَّه!!
آخرتها شهاده ورقيَّه	٭٭٭٭٭٭	بتكمِّل سِيرته المهدية!!
*٭٭٭٭٭٭٭٭٭٭٭٭٭٭٭٭٭٭*	*٭٭٭٭٭٭٭٭٭*	*٭٭٭٭٭٭٭٭٭٭٭٭٭٭٭٭٭٭*
يلا بينا ندقِّ الباب	٭٭٭٭٭٭	وندوَّر فين الشباب؟؟
بعدها بتنادى الجَهاديَّه	٭٭٭٭٭٭	على الجُموع الشبابيَّه!!
يلا تعالوا هنا ليَّه	٭٭٭٭٭٭	نحمى أمتنا المصريَّه!!
بعد مَ يخرج مِ الجهاديَّه	٭٭٭٭٭٭	يدوَّر فين عقد السعوديه؟؟
وكمان يعمل لها ميزانيَّه	٭٭٭٭٭٭	عشان يدخل فِ حياه اقتصاديَّة!
وبعد مَ يرجع م السعوديه	٭٭٭٭٭٭	أول حاجه يشترى عربيَّه!!
واذا كان محظوظ فِ السفريَّه؟	٭٭٭٭٭٭	ياخد هناك الجنسيَّه!!
كدا بنورَّد عقول علميَّه	٭٭٭٭٭٭	وبنستورد خُبراء روسيَّه!!
لازم أمتنا المصريَّه	٭٭٭٭٭٭	تحفظ جهودها العلميَّه!!
*٭٭٭٭٭٭٭٭٭٭٭٭٭٭٭٭٭٭*	*٭٭٭٭٭٭٭٭٭*	*٭٭٭٭٭٭٭٭٭٭٭٭٭٭٭٭٭٭*

اليكم الجزء الثانى من القصيدة الزجليه بعنوان مشاكل الشباب

يلا بينا ندقِّ الباب	٭٭٭٭٭٭	وندوَّر فِين الشباب؟؟
شباب أمتنا الوطنيَّه	٭٭٭٭٭٭	خلَّص ثانوى وكُلِّيَّه!!
وقِضى بعدها فترة جهاديَّه	٭٭٭٭٭٭	نِفسُه يعيش فِ حياه مثالِيَّه!!
مشكلته الشقه الزوجيَّه	٭٭٭٭٭٭	عليه يدوَّر فين هِيَّه؟؟
علشان كدا بيشوف شغلانه	٭٭٭٭٭٭	إن شالله حتى محل بِقاله!!
وفيه شباب يتعلِّم صَنْعَه	٭٭٭٭٭٭	استُرجى زىِّ الواد لَمعَه!!
سِباكَه وبَنَّا ومَحَاره	٭٭٭٭٭٭	وكمان نحَّات واللا شطاره!!
وشُغل طريحه ومقاوله	٭٭٭٭٭٭	ويُوميَّه كمان فِ عِمَاره!!
شاف الشقَّه الزوجيَّه	٭٭٭٭٭٭	وحطّ فيها اليوميَّه!!
صاحبنا يلا ناوى الجواز	٭٭٭٭٭٭	وفجاه يلا هاتوا الجهاز!!
راح لبنت الحاج سعيد	٭٭٭٭٭٭	المهر غالى مالوش تحديد!!!!!
والزفَّه تيجى من حِتَّه بعيد!!!!	٭٭٭٭٭٭	والفرح لازم يكون يوم عيد!!!!
دا صاحبنا جَىِّ وقَصْدُه شَريف	٭٭٭٭٭٭	ليه بقى نعمل تكليف؟؟؟؟؟
دا شاب مِتْعَلِّم وظريف	٭٭٭٭٭٭	وكمان ضلِّه ودمُّه خفيف!!
ليه نِشِدْ عليه فِ الشَّبْكه؟؟؟؟؟	٭٭٭٭٭٭	دى تقيله عليه وكمان صعبه!!
ساعده بكِلمَه يا حاج سعيد	٭٭٭٭٭٭	دا شاب فِ بداية عمره!!!!
*٭٭٭٭٭٭٭٭٭٭٭٭٭٭٭٭٭٭*	*٭٭٭٭٭٭٭٭٭*	*٭٭٭٭٭٭٭٭٭٭٭٭٭٭٭٭٭٭*
يلا بينا ندقِّ الباب	٭٭٭٭٭٭	وندوَّر فين الشباب؟؟؟؟؟؟
فِ الناحيه التانيه هنشوف	٭٭٭٭٭٭	شباب مِ البيت مخطوف!!!!
قاعد فِ القهوه وعَ الكوبرى	٭٭٭٭٭٭	وفِ الشارع عمَّال بيطوف!!
يِتْسَكَّع هِنا وهناك يجرى	٭٭٭٭٭٭	مالوش صَنعَه ومهوش مكسوف
يعمل كلِّ شئ بِدْماغُه	٭٭٭٭٭٭	مفيش رقابه عليه ولا خوف!!
وصل الأمر بِيه للفَوْضَى	٭٭٭٭٭٭	والمجتمع حواليه مكتوف!!!!
حَصَلْ لُه تَذَبْذُبْ أَيْدُولُوجِى	٭٭٭٭٭٭	وفيه سلبيَّه ولا مبالاه!!!!!!!
شُوفنا فِ عِيلتُه تَفَكُّكْ أُسَرِى	٭٭٭٭٭٭	وبطاله وكمان إدمان!!!!!!!!
كلِّ دَا سَبَبُه إنِّ مَفِيش قُدْوَه	٭٭٭٭٭٭	تاخد بايده وتِدِّيه أمان!!!
لازم أُمِّتْنَا المَصْرِيَّه	٭٭٭٭٭٭	تحافظ عَ القاعده الشبابيَّه!!!
*٭٭٭٭٭٭٭٭٭٭٭٭٭٭٭٭٭٭*	*٭٭٭٭٭٭٭٭٭*	*٭٭٭٭٭٭٭٭٭٭٭٭٭٭٭٭٭٭*
يلا بِينا ندقِّ الباب	٭٭٭٭٭٭	وندوَّر فين الشباب؟؟؟؟؟؟؟؟
وشباب يِسْتَنَّى القُوَّه العامله	٭٭٭٭٭٭	وانتظارها حاجه مش سهله!!
يِسهَر لِغاية الصُبْحِيَّه	٭٭٭٭٭٭	وينام كمان للضُّهريَّه!!!!!!
عايش حياه فوضى وهَمَجِيَّه	٭٭٭٭٭٭	بتهيَّأله حياة بهويَّه!!!!!!!!
حَيِفضَل عَازِب طُول عُمْرُه	٭٭٭٭٭٭	وكمان تِعب وكِبِر سنُّه!!!
مَفِيش فِ حَياتُه اسْتِقْرَار	٭٭٭٭٭٭	ومَ يعرفش لِلِيلُه نَهار!!!
أصل المشكله هىَّ المال	٭٭٭٭٭٭	كل حياته مليانه خيال!!!!
لازم أُمِّتْنَا القَوْمِيَّه	٭٭٭٭٭٭	تحافظ عَ القاعده الشبابيَّه!!!!

مع خالص تحياتى
د/جلال مجاهد
أبو سعيد

[ندعوك للتسجيل في المنتدى أو التعريف بنفسك لمعاينة هذه الصورة]

الله ينور

[ندعوك للتسجيل في المنتدى أو التعريف بنفسك لمعاينة هذه الصورة]
متخصص

أصــــلح الله حال شـــباب وفتيات المسلمين

وهدي الله "الحاج سعيــــــــــــد"

[ندعوك للتسجيل في المنتدى أو التعريف بنفسك لمعاينة هذه الصورة]

بنت النيـــــــل

[ندعوك للتسجيل في المنتدى أو التعريف بنفسك لمعاينة هذه الصورة] ايه الحلاوه دي ياجلجل الله ينور

[ندعوك للتسجيل في المنتدى أو التعريف بنفسك لمعاينة هذه الصورة] اللة عليك يادكتور لما المزاج يكون رايق
جزاك اللة خيرا [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

جميل جدا يا دكتور

شديده يا دكتور
بس الحمد الله ان مذكرتش اسامى الشباب

[ندعوك للتسجيل في المنتدى أو التعريف بنفسك لمعاينة هذه الصورة]

على فكرا يا أستاذ أحمد يا شيخه
فعلا عندما كنت أكتب تلك القصيده كان فى خيالى نموذج من شباب القريه لكل مقطع
سواء فى الخير أو فى الشر
فهى معبرة عن الواقع فعلا فى طريقة عرضها عموما
ولكن لا أحد يعرف أبطال تلك القصيدة بعد الله الا أخوك جلال
لأنه كاتبها
وأكيد انت معايا فى كل بيت من أبيات تلك القصيده
كندما تقرأ بيتا معينا تتخيل فى ذهنك شخصيه معينه؟
مش كده؟ واللا ايه؟؟؟؟؟؟؟؟؟

شكرا لمرورك يا أستاذ أحمد
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

طلع طلع يادكتور انا فاكر دي من سنة2000 لما كنا سكنين سوا عند علاء الخياط ابن شيخ الغفر فاكر وعايزين الحاجات الحلوه تطلع

استمده ياأبويوسف
دى معلقة دى مش قصيدة
وحلوة تذبذب أيدولوجى
الله ينور الشباب الى الطريق الصحيح

انا كنت عايز اقول استمدو والله بس قلت الدكتور جلال هو اللي يقولها بقي

» دعوة لحضور حفل زفاف دكتور جلال مجاهد
» عدنا اليكم من جديد (أخوكم دكتور جلال مجاهد)
» دعوة لحضور مناقشة رسالة الماجستير ( د/جلال مجاهد)
» مقتطفات من فيديو مناقشة رسالة الماجستير دكتور جلال مجاهد
» عشر نصائح لحل مشاكل السرحان فى الصلاة

فعـاليات يوم الوفـــــاء بالجوابــــــر

زجل بعنوان (مشاكل الشباب) تأليف ( جلال مجاهد)