ضيف الأسبوع الثانى لكرسى الأعتراف" أحمد نجم"-albraa

اشكرك استاذ محمد رفعت على مشاركتك

واليك الردود على الاسئلة

* أحب أعرف الدافع اللى دفعك تسجل فى هذا المنتدى ؟
بصراحة بينى وبين نفسى كنت معترض على التسجيل لكن فكرت جديا واقتنعت بفكرة المنتدى وبالروح الواحدة وسجلت

وإيه شعورك أول ماسجلت ؟ وإيه شعورك بعد ظهور المنتدى بهذا المستوى

وماذا تتوقع للمنتدى ؟

اول ماسجلت حسيت ببناء اسرة جديدة تختلف عن اسرة البيت
اسرة متكاملة فى كل شىء اصحاب واحباب واخوة

الحمد لله فكرة المنتدى نجحت الى حد كبير وانا الان اشعر بالسعادة البالغة التى تغمرنى لما اراه من نجاح
والى الامام دائما

اتوقع بزوغ نجم المنتدى الى درجة كبيرة وكبيرة جدا لان المنتدى يضم اعضاء مميزين فى مختلف المجالات
ولكن ارجو بذل المزيد من الجهد

اعانكم الله

* لو ربنا أكرمك وصعدت لمنبر المسجد الكبير بالجوابر ... ماهو عنوان الموضوع الذى ستخطب به فى الناس؟

اولا صعود منبر المسجد الكبير ليس بالامر الهين بل يحتاج الى تدريب قوى قبل الصعود (ارجو التوفيق من الله)

ثانيا_الموضوع الذس ساتكلم فيه هو
( التكالب على الامة او وما تقدموا لانفسكم من خير تجدوه عند الله )

* من وجهة نظرك ما الذى يحتاجه شباب الجوابر ؟

شباب الجوابر منهم الصالحون ومنهم الطالحون
لذلك الدور الاكبر على الصالحون منهم وان كان فيهم بعض التقصير ايضا يؤخذ عليهم

لابد من احتواء الباقى وبذل الجهد الاكبر فى ذلك مهما كانت المشقة
لان الشباب المامول فيهم مسؤلون عنهم امام الله

والتوعية امر مهم لهم

شباب الجوابر ككل يحتاج الى وقفة من الجميع والاخذ بايديهم الى بر الامان

اشكرك شكرا جزيلا

[ندعوك للتسجيل في المنتدى أو التعريف بنفسك لمعاينة هذه الصورة]

( بصدق والله )

اخى الاكبر _ محمد هلال

اشكرك على مساهمتك وارجوا ان اوفق فى الرد

س1 : متى ستصعد على منبر الجامع الكبير وهل لديك الثقه أو الرغبه فى ذلك ؟

والله اتمنى ان يكون الصعود عن قريب وانا لدى كل الثقة فى ذلك والرغبة ايضا

ولكن ليس من اول مرة بل احتاج الى عدد كافى من الصعود على منابر اخرى قبل المسجد الكبير

س2 :لماذا لاتواجه المشاكل بجديه ولماذا تهرب منها فى بعض الامور ؟

لم تحدث مشكلة بمعنى كلمة مشكلة حتى ولو صغيرة فانا اتعامل مع كل مشكلة على قدر حجمها

انا مش شايف انى اتهلابت من مشكلة قبل كده

وممكن يكون التهرب هو الحل الامثل

س3 : من هو مثلك الاعلى من قريتنا ،وما سبب اختيارك له ؟

والله صعب هذا السؤال ياهلال

بس والله اعيد النظر فيه واقولك فى موضوع خاص على المنتدى

س3 :ما السبب فى تأخيرك فى قراءة القران فى اى اذاعه على الرغم من انك انت المقصر فى ذلك ؟

والله التقصير مش منى لان هذا الموضوع يحتاج الى سيولة ليست بالقليلة

والقليل من يواصل فى هذا الموضوع على الرغم من ثقته الزائدة فى نفسه

وياريت كان الموضوع فى يدى كنت بقيت مشارى

س4 : لو عينت منصبا للجمعيه الخيريه مكان والدك فما الذى ستحاول تغييره وما هى طموحاتك لنجاحها ؟

على الرغم من عدم وجود الخبرة فى هذه الاشياء لكن كنت سارتقى بالجمعية الى اعلى المستويات كما كانت فى الاول لكن الان لا ادرى ماذا حدث
هل هى اخطاء اشخاص ام سوء تنظيم وتوفيق لا ادرى

س5 : ماهى مواصفات فتاة أحلامك ؟

احلم ان يكون فيها بعض صفات امهات المؤمنين ولو قليلا على امل الارتقاء بها بعد ذلك
ناهيك عن الجمال والنسب

ولكن ( فاظفر بذات الدين تربت يداك )

[ندعوك للتسجيل في المنتدى أو التعريف بنفسك لمعاينة هذه الصورة]

ارجوا ان اكون قد وفقت ولو فيه حاجة ابقى قوللى بس بصراحة والله

اخوك الاصغر

احمد نجم

أحِنُّ إلَيْكِ

أحِنُّ إليكِ
فأنتِ الحَنانُ
وأنتِ الأمانُ
ووَاحةُ قلبي إذا ما تَعِبْ
أحِنُّ إليكِ حنينَ الصحاري
لِوجهِ الشتاءِ ،
وفَيضِ السُّحُبْ
أحِنُّ إليكِ حَنينَ الليالي
لضوءِ الشموسِ
لِضوءِ الشُّهُبْ
قَرأنا عنِ العشقِ كُتْبًا وكُتْبًا
وعِشقُكِ غيرُ الذي في الكُتُبْ
لأنَّكِ أجملُ عِشقٍ بِعُمري
إذا ما ابتَعدْنا
إذا نَقتَربْ
وعيناكِ
إنِّي أخافُ العُيونَ ـ ـ
شِباكٌ لقلبي بها تُنتَصَبْ
سِهامٌ تُطيحُ بقلبي وعَقلي
إذا ما أصابَتْ
إذا لَم تُصِبْ
فإنْ مِتُّ شَوقًا أموتُ شَهيدًا
وإنْ مِتُّ عِشقًا ..
فأنتِ السَّببْ

حبيبى بطل لف ودوران فى الاجابه

[ندعوك للتسجيل في المنتدى أو التعريف بنفسك لمعاينة هذه الصورة]

حبيب قلبى نجم الكبير
شكرا بلاجاباتك الصريحة على اسئلة زملائى
واليك اسئلتى
--شخص له التاثير اب اصبحت احمد نجم
--تغيير حصلك من بعد فترة الكلية
--شخصين نفسك انهم يسجلو فى المنتدى
غير حسن احمد وابو على
--ليه ما فكرتش تسجل للاستاذ ابراهيم فى المنتدى بعد تسجيل الاساتذة الافاضل الكبار
-- تعتقد تسجيل الاستاذ ابراهيم يكون ليه تاثير على المنتدى
-- نصيحة لاخوك شتيوى؟؟

اتمنى ان تكون لى عودة

شرفتنى ياشتيوى والله

واليك الرد

--شخص له التاثير اب اصبحت احمد نجم

والله اكتر الاشخاص اللى كان ليهم التاثير الاكبر كانو خلال فترة الجامعة

كانو معايا اكتر من 6 ساعات يوميا

وفى البلد الشخصيات مش مؤثرة اوى لدرجة الذكر لكن

( الاستاذ صلاح كان دايما موالينى بالنصايح ) ربنا يوفقه بقى

--تغيير حصلك من بعد فترة الكلية

كنت اتمنى تغييرا كليا على جميع المستويات

لكن الواحد حس انه بقى اكتر راحة شوية والتحمل للمسؤلية زاد اكتر واكترخاصة ان الواحد مطالب انه ما يستناش دوره لازم يتحرك بسرعة وف نفس الوقت بخطوات محسوبة

--شخصين نفسك انهم يسجلو فى المنتدى
غير حسن احمد وابو على

الاستاذ محمود عرفات
الاستاذ السيد فتوح
ولو الاستاذ صلاح موجود كنت ذكرته

--ليه ما فكرتش تسجل للاستاذ ابراهيم فى المنتدى بعد تسجيل الاساتذة الافاضل الكبار

والله فكرت ومتاكد انه هيرحب اوى وبرده متاكد انه مش هايداوم

لو انت متاكد انه هايداوم اسجله

-- تعتقد تسجيل الاستاذ ابراهيم يكون ليه تاثير على المنتدى

اكيد يابنى طبعا هيكون ليه تاثير جامد

وهطالب المديرين اعمل منتدى للزراعة وعرفات يفرح بقى ويزقظظ

بس ابويا يبقى المشرف

-- نصيحة لاخوك شتيوى؟؟

طبعا انت حبيبى وصاحبى وجارى

بس نصيحة اعمل كشف النظر

وتعالى صلى الفجر بدرى

اشكرك ياعم احمد

[ندعوك للتسجيل في المنتدى أو التعريف بنفسك لمعاينة هذه الصورة]

قَرأنا عنِ العشقِ كُتْبًا وكُتْبًا
وعِشقُكِ غيرُ الذي في الكُتُبْ
لأنَّكِ أجملُ عِشقٍ بِعُمري

قشطة ياهلال

اشمعنا أنى مكتبش شعر

[ندعوك للتسجيل في المنتدى أو التعريف بنفسك لمعاينة هذه الصورة] بحبك

أبو هلال + احمد نجم

اخبارك يا نجم اتمنى تكون بخير

معلش انا اتاخرت عليك فى الاسئلة

يارب اسئلتى تكون خفيفة عليك

اتفضل يا سيدى

* لماذا سجلت اسمك بالبراء

* اذكر بعض مما يعجبك ومالا يعجبك فى الاشخاص الاتية

محمد نجم

محمد رفعت

حسن احمد محمود

احمد على

محمد هلال

احمد عرفات

الشيخة

رضا نزيه

شتيوى

سمسم

محمد جبر

* انت خريج كلية
دعوة
هل ده كان حلمك قبل ماتدخلها ولا الظروف اللى حكمت بكده

* اذكر لنا اربع مواقف فى حياتك

موقف طريف

موقف محرج

موقف سئ

موقف حسيت فيه بالظلم

* ما هى نقطة ضعف احمد نجم

* تحب تعيش فين غير الجوابر

* ما السبب الذى جعلك تشجع فريق الريال

* مين اكتر لاعب محلى عجبك اسلوب لعبه وكذلك دولى

واخيرا

وليس اخرا

تخيل نفسك مش موجود على كرسى الاعتراف وان البراء ده شخص تانى غيرك هتساله تقوله ايه

وياريت الاسئلة فى مساهمة

والاجابة فى مساهمة بعدها

والبقية تاتى ان شاء الله

معلش ياابوحميد انا كترت عليك فى الاسئلة بس ده بعشمى معاك

يلا بقى ربنا يوفقك وتقوم من عالكرسى بخير ان شاء الله

كتير ياسمسم والله

نبدا على طول

* لماذا سجلت اسمك بالبراء

البراء اسم عجبنى اوى بس معناه عايز موال لان فيه حاجة اسمها عقيدة الولاء والبراء ومحتاجة شرح
وكان فيه واحد صاحبى كويس جدا واسمه البراء
بس والله مانش الاسم فى بالى خالص غير لما قلتلك اعمل ايميل ياسمسم

* انت خريج كلية
دعوة
هل ده كان حلمك قبل ماتدخلها ولا الظروف اللى حكمت بكده

مش الظروف بس برده ما كنتش اعرف حاجة عنها غير قبلها بفترة صغيرة
ومن الكلام عنها حبيتها من قبل ما ادخلها نظرا لاهتمامها الكلى بالقران
فهى الكلية الوحيدة التى يدرس فيها القران وتجويده كمادة اساسية
ويوجد قبل الدخول فى الكلية امتحان قبول فى القران الكريم

محمد نجم

طيب بس بيضايقنى اوى
ربنا يوفقه فى الامتحان

محمد رفعت

والله عرفت عنه كل حاجة حلوة خاصة فى عين شمس
وما شفتش منه حاجة مش ولابد والله

حسن احمد

جدع اوى بس محتاجنا كلنا جانبه
ومحتاج يقرب شوية من ربنا

احمد على

عمره مايبخل عليك بحاجة مهما كانت
بس كتير اوى بيطنش وممكن اى حد

محمد هلال

اوفى صاحب _ قلبه كبير _ صياد ماهر
بس يحتاج وقفة مع النفس

عرفات

الادب والذوق والرقة

بس لسانه بيسبق عقله عند العصبية والانفعال

الشيخة

محترم جدا وخجول
بس عصبى وبيتنرفذ وزعله وحش خالص

رضا نزيه

زى العسل ومبتسم

بس يبطل يلعب (........ ) فى النادى

يتخلص من شوية حاجات فى دماغه سريعا

شتيوى

صاحب العمر وجار الهنا
راجل جدا واسال مجرب هههههه
بس بيهتز احيانا فى بعض المواقف

( ان شاء الله هياخد تاجيل )

سمسم

محترم _ خفيف الظل
بس دماغة ناشفة

محمد جبر

والله انسان كويس واحسن حاجة فيه هى الصلاة

بس يراعى سنه فى الملعب ويبطل كلمة ياله

نقطة ضعفى

بعض الايات فى القران
بعض اصحابى

* تحب تعيش فين غير الجوابر

ايطاليا

* ما السبب الذى جعلك تشجع فريق الريال

الريال دايما صاحب النجوم وبحب طريقة لعبه بيعرف يكسب
وبحب برشلونة والله بس بيعتمد على اشخاص معينين ومن غيرهم مايبقاش برشلونة

لاعب محلى عجبنى اسلوب لعبه

بعيدا عن ابو تريكة
عماد النحاس

لاعب دولى

فابريجاس

موقف طريف
يوم ما كنا فى المنزلة فى العربية الرومانى والعيال وقعوا بالشبكة

موقف محرج

كنت رايح لواح صاحبى ونسيت الشقة ولفيت على 4 شقق ومالقيتوش فى اى واحدة فيهم وبعدين لقيته فى اخر دور بعد ما اتحرجت فى اربع شقق

موقف سىء

والله المواقف السيئة مش كتير بس اسواهم لما كنت فى المدينة ولابس ومسافر (جاى البلد) وواحد من البلكونة بيرمى مية وانا استحميت بيها بس الراجل طلع محترم ونزل اعتذرلى بكل ادب

اى موقف الواحد بيتعرض له فى الملعب بيخرج الواحد عن شعوره لانى غالبا مابخرجش عن شعورى غير فى الملعب

موقف حسيت فيه بالظلم

بجد والله الحمد لله مواقف الظلم لا تذكر
طالما انى لا اظلم احد

ربنا يسامحك

[ندعوك للتسجيل في المنتدى أو التعريف بنفسك لمعاينة هذه الصورة]

لى عودة للباقى ان شاء الله

؟ ماهو اعظم شئ فى الاسلام

لو كنت مرشدا سياحيا فى صحراء الربع الخالى من ستصطحب معك وتضيعه هناك، ولماذا؟

متى يقسو قلبك ؟ هل حدث أن انتصرت على نفسك يوما وأحصيت عيوبك ؟
ضمن من تصنف نفسك سلبي ام ايجابي ؟
-من هو العضو الى مزهقك فى المنتدى؟
اكثر شئ تستعمل فيه ضميرك؟
هل حققت هدفك بالحياه حتى الان؟
الكلمات التالية ماذا تعني لك:

البحر :

السما ء:

الكعبه :

الحب:

الصديق:

الاسئله خاصه بالقريه
قل أنبه رجل
اذكى شاب
اهدى طفل
احسن شخصيه
افضل مكان

ما رأيك فى الجوابر / حارة الجمعيه / مطعم فهيد /مركز شباب الجوابر /بيت المال /محل عرفات وابو الجميل

أجب عن الشخصيه بكلمة واحده

أ / السيد فهمى أ/ محمود عرفات أ /احمد سالم أ/ /ابراهيم رفعت أ /السيد فتوح

اقترح مشروع يزود النظر لقريتنا من جديد

صديق تتمنى ان يكون جارك وأخر ابنك

وأخيرا كيف أقف مع نفسى وما الداعى لذكرك هذا السبب

بس متفهمننيش غلط

روحى أحمد نجم =محمد هلال

شرفتنى والله

بدون مقدمات

اليك الاجابة

ماهو اعظم شئ فى الاسلام

بالنسبة لى ( رسول الاسلام وكتاب رسول الاسلام )
والامر بالمعروف والنهى عن المنكر

لو كنت مرشدا سياحيا فى صحراء الربع الخالى من ستصطحب معك وتضيعه هناك، ولماذا؟

شارون وجورج بوش

هاستحمل رزالتهم واخدهم وان شاء الله مش هيرجعو تانى

كده هبقى ريحت الناس منهم لانهم كانو مبهدلين فلسطين والعراق اوى

متى يقسو قلبك ؟

ربنا يبعد عننا قسوة القلب

يقسو القلب عندما يبتعد عن ذكر الله
وهذا امر طبيعى

هل حدث أن انتصرت على نفسك يوما وأحصيت عيوبك ؟

اكيد
بس مش معنى ان انا احصى عيوبى ان اتخلص منها فى يوم وليلة

لازم تاخد وقتها حتى تزول

ضمن من تصنف نفسك سلبي ام ايجابي ؟

ان شاء الله ايجابى ياعم احمد

-من هو العضو الى مزهقك فى المنتدى؟

بصراحة الناس كلها زى العسل بجد ومحدش مزهقنى

ممكن انت

اكثر شئ تستعمل فيه ضميرك؟

وانا بحفظ العيال القران
الضمير اولا واخرا

هل حققت هدفك بالحياه حتى الان؟

لسه ويارب ( ................ )

الكلمات التالية ماذا تعني لك:

البحر :

السما ء:

الكعبه :

الحب:

الصديق:

البحر جزء من الكون _
التفكر فيه ياخذ الانسان الى ابعد الحدود
تكفى كيفية سير الامواج

بس انا بخاف منه جدا

السماء هى كون الله المفتوح
ليلا وفى الخلوة مع ايمان كامل وصدق نية ويقين تام

كانك تناجى ربك عن قرب

الكعبة هى رمز وعزة الاسلام

الحب معنى سامى ليته يسود الدنيا

فتمتلأ سعادة

الصديق هو الباقى للانسان فى الحياة

بدون الصديق لا وجود لك

جزاك الله خيرا ياعم احمد

[ندعوك للتسجيل في المنتدى أو التعريف بنفسك لمعاينة هذه الصورة]

احمد نجم
اهديك سؤال وحيد
-- ايه رايك فى احمد نجم
ومش عشان هوا قريبك تقولى كويس وابن حلال
لااااا انا عايزك تقولى نيذه عنه او عن شخصيته -- بعض عيوبه -- نصائح تتمنى ان يعرفها ويعمل بها

تقريبا مفيش غيرك

بس هجاوب وامرى الى الله

الاسئله خاصه بالقريه
قل أنبه رجل
اذكى شاب
اهدى طفل
احسن شخصيه
افضل مكان

انبه رجل
حسين على ابو النور

اذكى شاب
والله مش لاقى
انا شايف البعض ذكى لكن متفاوتون فى ذكائهم
ولم يصل اى منهم لاذكى شاب

اهدى طفل
طه محمد طه

احسن شخصية
الاستاذ _ عصام

افضل مكان
الجامع الكبير

ما رأيك فى الجوابر / حارة الجمعيه / مطعم فهيد /مركز شباب الجوابر /بيت المال /محل عرفات وابو الجميل

الجوابر ناسها طيبين بس الاسوأ بيكتر مش بيقل وهذا مؤشر خطير جدا

حارة الجمعية هى حارة الهدوء والمعالم السياحية

مطعم فهيد هو المنقذ من الخنقة وقطع النور

مركز السباب كان عمليا ثم انطفا نوره واتمنى حاليا ان يعود الى الاحسن

بيت المال اتمنى ان يعود كما كان

محل عرفات وابو الجميل
واحد للكلام والتحليل وواحد للاكل والحاجة الساقعة

أجب عن الشخصيه بكلمة واحده

أ / السيد فهمى أ/ محمود عرفات أ /احمد سالم أ/ /ابراهيم رفعت أ /السيد فتوح

أ/ السيد فهمى
المتحدث

أ/ محمود عرفات
الاخ

أ/ احمد سالم
الادب

أ/ ابراهيم رفعت
الجرىء

أ/ السيد فتوح
الطيبة

اقترح مشروع يزود النظر لقريتنا من جديد

الخلاطة

صديق تتمنى ان يكون جارك وأخر ابنك

صديق جارى هو واحد من الشرقية اسمه ( محمود امام ) شتيوى يعرفه

صديق ابنى ( محمد هلال )

والله جد مش هزار

وأخيرا كيف أقف مع نفسى وما الداعى لذكرك هذا السبب

كل منا فى امس الحاجة الى الوقوف مع نفسه حتى ولو لم يحدث اخطاء

وانا ما قلتش السبب ده الا من قبيل النصيحة فلا تاخذه على انه عيب فيك

ومن باب الاخوة والحب بينى وبينك شخصيا قلت ذلك لا اكثر ولا اقل

والله يشهد على ذلك

حبيبى ياابو هلال

[ندعوك للتسجيل في المنتدى أو التعريف بنفسك لمعاينة هذه الصورة]

الغالي
اسمح لي ببعض الاسئلة

ا-ماهو هدفك ف الحياه
2-مثلك الاعلي علي كل المستويات
3- انت عايش ليه
4-كيف تعبر عن الاسلام في جمله واحدة
الاية التي تبكي عند قراتها
الحديث الذي تتمني قراءته كثيرا
افضل الكتب التي تنصح بقراءتها ولماذا
صفات لا تحبها ف الجوابر
صفة تتمني ان توجد لديك
صفة لا تتمني الا توجد لديك
سؤال تنتظره ولم يساله احد
مار ايك في هذه المقوله

*كفي الاسلام ذلا ان نكون نحن المدافعين عنه

اصلي واودي الفرائض هذا كل المطلوب مني
كمسلم
واخيرا
مارايك في ابراهيم رفعت بصدق

كل الشكر ونتمني الفائدة

ما رايك فى كرس الاعتراف ؟

ماذا تفعل فى أحزانك ؟

تعمل ايه لشيتو لو فصل النت عنك ؟

اذكر شئ يغضبك جدا وشئ يفرحك جدا ؟

ليه متفكرش تشترى بيت فى البلد بدل ما انت طايح فى حارة الجمعيه لسه بيت أختى وبيت شيتو ؟

وكده كفايه لان اصعب اسئله مينفعش تتعرض االا بينى وبينك

قال لى صاحب اراك غريبا بين هذه الأيام دون خليل
قلت كلا بل الايام غريبه أنا فى عالمى نجم حبيبى

احمد نجم = محمد هلال

ا-ماهو هدفك ف الحياه

ومن احسن قولا ممن دعا الى الله وعمل صالحا وقال اننى من المسلمين

قل ان صلاتى ونسكى ومحياى ومماتى لله رب العالمين

( اقصى ما اتمنى ان يدخلنى ربى الجنة )

2-مثلك الاعلي علي كل المستويات

محمد صلى الله عليه وسلم

3- انت عايش ليه

لعلى اعمل صالحا

4-كيف تعبر عن الاسلام في جمله واحدة

ان الدين عند الله الاسلام

الاسلام هو طوق النجاة لنا

الاية التي تبكي عند قراتها

يوم تاتى كل نفس تجادل عن نفسها وتوفى كل نفس ما عملت وهم لا يظلمون

والذين كفروا لهم نار جهنم لا يقضى عليهم فيموتوا ولا يخفف عنهم من عذابها كذلك نجزى كل كفور

الحديث الذي تتمني قراءته كثيرا

اتق الله حيثما كنت واتبع السيئة الحسنة تمحها وخالق الناس بخلق حسن

افضل الكتب التي تنصح بقراءتها ولماذا

القران الكريم
لانه لم يترك شيء الا اتى به

كتاب ( وصف الدور الثلاثة )
الدنيا _ دار الغرور
النار _ دار الثبور
الجنة _ دار السرور
من تفسير بن كثير لابى ذر القلمونى

صفات لا تحبها ف الجوابر

البخل والغل والحسد والكلام على الفاضى

صفة تتمني ان توجد لديك

عدم الحلف

سؤال تنتظره ولم يساله احد

اى مرحلة احب احذفها من حياتى؟

مار ايك في هذه المقوله

*كفي الاسلام ذلا ان نكون نحن المدافعين عنه

واقعية
نحن من اهم الاسباب فى ضياع الاسلام

وعند السؤال عن الاسلام تجد لسانا فقط

ولكن لا يوجد دليل على افعالنا

اصلي واودي الفرائض هذا كل المطلوب مني
كمسلم

ليس الاسلام هكذا ومن يفهم الاسلام كذالك فقد اساء الفهم

ان الاسلام دين الشمولية

من لم يهتم بامر المسلمين فليس منهم

مارايك في ابراهيم رفعت بصدق

ما اعرفه عن شخصك لا يستطيع اللسان صوغه
انما لك فى القلب مساحات من التقدير والاحترام

( محترم - مؤدب - متدين _ مبتسم _ )

بارك الله لك فى بناتك ورزقك الجنة بفضلهم

[ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرحيم
معلش يا استأذ احمد
ان كنت اتأخرت عليك فى الاسئله
نبدأ
1-اذا اردت ان تبكى فعلى من تبكى؟ومن تختاره ليمسح دموعك؟
2-هل فى حب فى حياتك؟بصراحه؟
3-ايهما اهم شهاده الجامعه التى تحبها ام الزواج ممن تحب؟
4-من هوه اكثر شخص تفكر فيه؟
5-هل تكره شخص بشده فى حياتك؟من هو؟ ولماذا؟
6-ما هو اقتراحك الذى تتمنى ان يحدث فى المنتدى ولم يحدث حتى الان؟وما هو؟
7-اما تكون فى مشكله فى البيت او فيه حاجه شغلاك (بتفكر فيها يعنى) ايه اول مكان بتلجأ اليه؟واماذا؟
8-هل من الممكن ان تتزوج من كنت تكلمها وتخرج معها؟
9-هل ممكن تتزوج طالبه كنت تدرس لها؟
10- هل تصارح زوجتك قبل الزواج ان كنت لك علاقه غراميه قبلها؟
11- هل تتزوج واحده اعترفت لك قبل الزواج انها كانت على علاقه بأنسان غيرك قبل الزواج؟
12-ما هو رد فعلك عندما تصارحك بنت بحبها قبل ان تصارحها انت؟وما هو رأيك فيها بعد ذلك؟
13 -ما هو الحرف الذى تحبه ولماذا؟
شكرا يا استاذ احمد
ارجو ان انا مكنتش طولت عليك
ملاحظه(ارجو الاجابه على كل الاسئله بصراحه)

احمد باشا تسمحلي اكمل الاسئله واتمني ان لا اطيل عليك
شخص لاترفض له طلبا؟
ماهي التجربه التي تتمني تكرارها؟
ماهو اكثر شيء تخشاه؟
جريمه تتمني ارتكابها؟
من هو الشخص الذي ترتاح له عندما تراه؟
اكثر شخصيه تحبها بالجوابر ؟
عضو خايف من اسئلته تتمني انه مايسالكش؟
مين العضو اللي تحب تقرا مواضيعه في المنتدي؟
شخصيات تدين لها بالفضل بعد الله ؟
ما هو رايك في كاتب الاسئله؟؟؟؟؟؟؟؟؟؟؟؟؟

تمنياتي لك بالتوفيق

اشكرك محمد جبر على المشاركة واتمنى ان اكون عند حسن ظنك

واليك الاجابة

1-اذا اردت ان تبكى فعلى من تبكى؟ومن تختاره ليمسح دموعك؟

ابكى على الامة

يدى تمسح دموعى

2-هل فى حب فى حياتك؟بصراحه؟

بصراحة فيه ولكن احتفظ به لاجل معين

3-ايهما اهم شهاده الجامعه التى تحبها ام الزواج ممن تحب؟

شهادة الجامعة طبعا لانها هى التى انتظرها طوال مرحلة التعليم

اما الزواج فالانتظار فيه محدود ( اذا تم اساسا )

انا لا ارى مقارنة بين الاثنين بالتحديد

4-من هوه اكثر شخص تفكر فيه؟

احمد نجم

5-هل تكره شخص بشده فى حياتك؟من هو؟ ولماذا؟

فيه اشياء اكرهها كتير اوى لكن لا يصل الكره الى اشخاص فما بالك لو كان بشده فان ذلك يكون مستحيل

6-ما هو اقتراحك الذى تتمنى ان يحدث فى المنتدى ولم يحدث حتى الان؟وما هو؟

بصراحة يامحمد انا اقترحت منتدى الفقه والفتاوى والحمد لله الادارة وافقت عليه

لكن انا لسه مااقترحتش حاجة جديدة

ولو اقترحت اكيد هتتنفذ ان شاء الله

7-اما تكون فى مشكله فى البيت او فيه حاجه شغلاك (بتفكر فيها يعنى) ايه اول مكان بتلجأ اليه؟واماذا؟

ربنا يبعدنى عن المشاكل

اول مكان الجأ اليه هو المسجد
لانى ارى فى المسجد الراحة النفسية التى تساعد الانسان على الخروج من اى مشكلة

ثم الجأ الى احد الاصدقاء المقربين الى قلبى ليخفف عنى ما انا فبه

8-هل من الممكن ان تتزوج من كنت تكلمها وتخرج معها؟

ممكن اتزوج بمن كنت اتكلم معها فى حدود المسموح به دون زيادة كما فى هذه الايام

لا اتزوج من خرجت معها الخروج الذى تقصده

9-هل ممكن تتزوج طالبه كنت تدرس لها؟
ممكن جدا يامحمد وما المانع ؟

حدث ذلك كثيرا ما بين مدرس والتى يدرس لها لا مشكلة

10- هل تصارح زوجتك قبل الزواج ان كنت لك علاقه غراميه قبلها؟

من قبيل الامانة المصارحة واجبة

11- هل تتزوج واحده اعترفت لك قبل الزواج انها كانت على علاقه بأنسان غيرك قبل الزواج؟

لا

12-ما هو رد فعلك عندما تصارحك بنت بحبها قبل ان تصارحها انت؟وما هو رأيك فيها بعد ذلك؟

سوف ينتابنى التفكير العميق فى ذلك نظرا لان اشاب لم يتعود ان يكون مطلوب وانما دائما الشاب يكون طالبا

وراى فيها لو رايتها متوفر فيها الشروظ الشرعية للزواج سافكر جديا فى الموضوع

ولا ننسى ان السيدة خديجة زوجة النبى صلى الله عليه وسلم كانت هى الطالبة له لما راته من حسن اخلاقه

13 -ما هو الحرف الذى تحبه ولماذا؟

الهمزة

لانه اول حرف من اسمى

[ندعوك للتسجيل في المنتدى أو التعريف بنفسك لمعاينة هذه الصورة]

والله ياشريف انت تقلت عليا بس ما اقدرش ازعلك لانك غالى عليا

نبدأ

شخص لاترفض له طلبا؟

ابويا ربنا يخليه

ماهي التجربه التي تتمني تكرارها؟

مرحلة الثانوى

ماهو اكثر شيء تخشاه؟

عدم عودة القران فى الجوابر كما كان

جريمه تتمني ارتكابها؟

فيه حد برده يتمنى يرتكب جريمة ياعم شريف

القتل

من هو الشخص الذي ترتاح له عندما تراه؟

( الاستاذ _ عصام )

اكثر شخصيه تحبها بالجوابر ؟

محمد نجم

عضو خايف من اسئلته تتمني انه مايسالكش؟

الشيخة

مين العضو اللي تحب تقرا مواضيعه في المنتدي؟

السيد موسى

شخصيات تدين لها بالفضل بعد الله ؟

ابويا - الاستاذ \ قدرى راشد _ الشيخ ثروت _ اى مدرس مر عليا فى اى مرحلة تعليمية

ما هو رايك في كاتب الاسئله؟؟؟؟؟؟؟؟؟؟؟؟؟

انت ياعم شريف مش محتاج كلام والله

رغم انى ماعاشرتكش كتير لكن الجواب بيبان من العنوان

ربنا يوفقك ياشرشر

[ندعوك للتسجيل في المنتدى أو التعريف بنفسك لمعاينة هذه الصورة]

ما رايك فى كرس الاعتراف ؟

والله جميل بس محتاج قلب جامد

الواحد افتكر بسببه حاجات كان ناسيها

ماذا تفعل فى أحزانك ؟

الجأ الى الله يلهمنى الصبر

تعمل ايه لشيتو لو فصل النت عنك ؟

شتيوى كويس ومايقدرش يفصل النت

هو عارف ايه اللى يحصله

اذكر شئ يغضبك جدا وشئ يفرحك جدا ؟

شىء يغضبنى جدا لما ازعل واحد عزيز عليا اوى

شىء يفرحنى جدا لما اعمل حاجة ترضى ربنا

ليه متفكرش تشترى بيت فى البلد بدل ما انت طايح فى حارة الجمعيه لسه بيت أختى وبيت شيتو ؟

حد يسيب مارينا ويروح يقعد فى الهم

قال لى صاحب اراك غريبا بين هذه الأيام دون خليل
قلت كلا بل الايام غريبه أنا فى عالمى هلال حبيبى

[ندعوك للتسجيل في المنتدى أو التعريف بنفسك لمعاينة هذه الصورة]

مارينا

لا تعليق

قال لى صاحب اراك غريبا بين هذه الأيام دون خليل
قلت كلا بل الايام غريبه أنا فى عالمى نجم حبيبى

لو أنا من شيتو يفصل النت عنك ومتخفش ياشيتو أنى معاك

لا تخف

[ندعوك للتسجيل في المنتدى أو التعريف بنفسك لمعاينة هذه الصورة]

لا احمد جدع
وبعدين سكان مارينا ما بيخافوش

***** رد اخر *****ذ
طب بجد هافصل انا ما بتهددش
وانت عارف كدا ياابو هلال
مين دا اللى اخاف منوو
انا شيتووووووو
*****رد اخر *****ذ
ياعم محمد.. احمد لغاية دا الوقت ما دفعش الشهر
بس انا مستحمل عشان اخوه محمد
بس انا عطيه فرصه لغاية بكرة
***** ابو هلال انتا بتهدى النفوس ؟؟؟ ولا ايه بالظبط ****ذ

» ضيف الأسبوع السادس لكرسى الأعتراف"أحمد جمال"Ahmed
» ضيف كرسى الأعتراف رقم(11) الأستاذ/ إبراهيم رفعت
» ضيف الاسبوع التاسع لكرسى الإعتراف أ:"رضا عرفات"
» إيــــاك أن تنشغل ب : "العسل" عن "الأســــد"....
» أنصار "الإسلام" وأنصار "الأعلام"

فعـاليات يوم الوفـــــاء بالجوابــــــر

ضيف الأسبوع الثانى لكرسى الأعتراف" أحمد نجم"-albraa