دوله مسلمة ام مدنية

( الموضوع هيبان انه كبير بس بيتقرأ بسرعه ... اه والله )

أنا عايز دوله مسلمه

أنا عايز قنوات الكليبات والرقص اللى ملهوش اى علاقه ولا أى رابط بالفن تتشال
أنا عايز كل موقع اباحى يتعمله حظر نهائي من مصر
أنا عايز الحرامى يتقط ايده
أنا عايز الناس تفهم ان مفيش حاجه اسمها جزيه
أنا مش عايز نقطه خمره تبقا فى مصر
انا عايز الحجاب يبقا فرض على اى مسلمه فى الشارع او فى التليفزيون

ليه أنا عايز كدا ! ؟
اسمحلى أرد عليك بسؤال معاكس
ليه انت مش عايز كدا ؟

عايز قنوات كليبات ؟

[ندعوك للتسجيل في المنتدى أو التعريف بنفسك لمعاينة هذه الصورة]
انت شايف ان الكليبات دى ساهمت فى تطور البلد وانها واجهه تدل على ان البلد دى بلد متقدمه ؟
طيب انت ترضى ان البنات اللى بتقلع فى التلفزيون وترقص للناس تبقا من اغنى طبقات المجتمع ؟
طب استفدنا احنا ايه ؟

انت مش عايز المواقع الأباحيه تتقفل ؟

[ندعوك للتسجيل في المنتدى أو التعريف بنفسك لمعاينة هذه الصورة]
ناس كتير بتتفرج .. جميل
طيب مش تلت تربع الناس دى نفسها منتفرجش ؟ .. أكيد كل واحد نفسه يبقا أحسن
أكيد نفسك متتفرجش
طيب انت مقتنع ان لو المواقع دى اتمنعت دا هيساعدك انك متشوفش الحاجات دى تانى ؟
أعتقد ان دى اكتر حاجه هتساعدك تتغير
اما تلاقى الوسائل المتاحه بقت اصعب.. اكيد دا هيخليك تبطل غصب عنك فى الاول وبمزاجك بعد شويه

انت مش عايز الحرامى يتقطع ايده ؟؟

[ندعوك للتسجيل في المنتدى أو التعريف بنفسك لمعاينة هذه الصورة]
انت جربت يتسرق منك حاجه غاليه قبل كدا ؟
طيب فكر لو انت عندك عربيه بميت الف مثلا ولسه شاريها
جه وحرامى سرقها وباعها بخمس ست الاف جنيه
اللى اتسرق منه حاجه كبيره قبل كدا هوا اللى حاسس
طبعا هيبقا نفسك تقطعله ايده و تقتله وتشرب من دمه كمان

مينفعش المسيحين يدفوا جزيه ... تعرف كدا ؟

[ندعوك للتسجيل في المنتدى أو التعريف بنفسك لمعاينة هذه الصورة]
ايوه مينفعش
الجزيه دى كان زمان الناس بتدفعها
ليه ؟
عشان كانت الحروب زمان اسلاميه .. يعنى دفاعا عن دين الاسلام
ومكنش منطقى ان واحد مسيحي ينضم لجيش بيدافع عن الاسلام
ف الناس دى مكنتش بتحارب وكانت بتدفع جزيه فى مقابل ان فيه ناس بتحارب وبتموت عشان تحميهم
دلوقتى في جيش دوله
بيدخله المسلم و المسيحي

عايز خمره للسياح فى مصر ؟

[ندعوك للتسجيل في المنتدى أو التعريف بنفسك لمعاينة هذه الصورة]
يعنى انت بتتخانق على ان السياح اما ينزلو مصر من حقهم يشربوا خمره
يعنى السايح لو ملقاش خمره فى مصر مش هيجي
يا سيدي عنه ما جه .. اه والله بجد
اللى جاي جاي يتفرج على بلدنا وحضارتنا مش جاى يشرب خمره
واللى جاى لازم يحترم البلد دى والقواعد اللى فيها

مش عايز الحجاب يبقا فرض على المسلمه ؟

[ندعوك للتسجيل في المنتدى أو التعريف بنفسك لمعاينة هذه الصورة]
ليه ؟
عشان كل واحده حره ؟
فكر بشكل تانى
انت تتوقع البنت اللى مش محجبه مش محجبه ليه ؟
ياما واحده نفسها تتحجب بس متردده ... واما يبقا الحجاب فرض فى الشارع دا هيحللها مشكله القرار
يا اما واحده شايفه ان الحجاب هيوقف شغلها .. واما الحجاب يبقا فرض يبقا اى شغل غصب عن عين صاحب الشغل هيقبلها بالحجاب
يا اما واحده مبتتحجبش عشان مزاجها كدا ودى حريتها ..
طيب ما انا كمسلم حر .. ومن حريتى انى مشوفهاش ماشيه فى الشارع كدا
.. وكدا انت هتفرض عليا أشوفها ؟؟ ..
ومتقوليش بص الناحيه التانيه .. لأنى ببص الناحيه التانيه بلاقى غيرها

أقولكوا أنا متخيل دوله عامله ازاى

[ندعوك للتسجيل في المنتدى أو التعريف بنفسك لمعاينة هذه الصورة]

والله لو مش عاجباك حنان ترك وتمثيلها رخم .. يبقى دور على واحدة تتفرج عليها واخد على اد ما تقدر سيئات والله اعلم

او ما تتفرجش خالص على مسلسلات

أنا متخيل تليفزيون فىه فن راقى
متخيل اغانى كلماتها محترمه وليها هدف وشباب موهوب فعلا بيغنى .. مش كليب هايف ملوش معنى
وفيلم مش من انتاج السبكى .. وميكونش فيه غاده عبد الرازق ..
فيلم مينجحش عشان بس فيه كلمه للكبار فقط
هوا فيه أفلام حقيقيه ببطلات لابسه حجاب ؟
الحجاب مبيقتلش الموهبه (تابع حنان ترك )

شايف ان الفنانين والفنانات اللى موجوده مش هتوافق على دا
متخفش
هيجي غيرهم
احسن منهم
وموهوبين أكتر منهم
وهيوصلو فننا اكتر منهم

متخيل كورنيش مش قاعد فيه ولد حاطط ايده على كتف بنت قدام الناس عادى كدا

[ندعوك للتسجيل في المنتدى أو التعريف بنفسك لمعاينة هذه الصورة]

متخيل بنات ماشيه فى الشارع لابسه كويس وشيك ومحترم فى نفس الوقت

[ندعوك للتسجيل في المنتدى أو التعريف بنفسك لمعاينة هذه الصورة]

عارف ان فيه اللى هيقول محجبه ليه وراحة الاستاد ليه

بس اهى احسن من غيرعا اللى راحة الاستاد وووووو.......

[ندعوك للتسجيل في المنتدى أو التعريف بنفسك لمعاينة هذه الصورة]

متخيل شباب مش مشغول بالقنوات والمواقع و وبدأ يبص لمستقبله بجد ويبنى مصر

[ندعوك للتسجيل في المنتدى أو التعريف بنفسك لمعاينة هذه الصورة]

انا جبت صورة الداعية / معز مسعود .. لان قصته قصة حياته بالنقطة دى

متخيل دوله مسلمه
منقوووووووووووووووووووووول من الفيس

وقمت باضافة الصور والتنسيق

انا رايى

يارب تكون مصر دولة مدنية
ذات مرجع اسلامى

وكل الكلام اللى اتقال زى الفل
وما فيش مانع لو بقينا دوله مدنية وفيها الحاجات دى
بس بلاش قطع اليد وحياة ............
خليها احكام عاديه زى ما احنا متعودين

انا مش بقول ان بلاش حدود الله تقام
لكن مش وقته

يعنى .. مش تكون بلدنا نصها حراميه
واجى ابدا اقطع ايد السارق
يبقى كدا ما فيش ف مصر ايد عاملة
طب ما نغلظ العقوبات .. لغاية ما نسبة السرقة تقل
وبعدها نطبق الحد
شرحه على باقى الحدود طبعا

كل عام وانتم بخير

رائع يا شتيوى

جزاك الله خيرا

ومتقوليش بص الناحيه التانيه .. لأنى ببص الناحيه التانيه بلاقى غيرها

والله مصيبة

وفى ناس محجبه بس يعتبر من غير حجاب

ولبس زى العسل طبعا

فله
ههههه

يعنى انت بتتخانق على ان السياح اما ينزلو مصر من حقهم يشربوا خمره
يعنى السايح لو ملقاش خمره فى مصر مش هيجي
يا سيدي عنه ما جه .. اه والله بجد

عنه ما جه فعلا

(وان خفتم عيلة فسوف يغنيكم الله من فضله ان شاء )

والله الموضوع جميل جدا

واضافتك للصور دى اجمل

بس الاحلى من كل دا هوا رايك

تسلم يا شتيوى على الموضوع الرائع

انت فين من زمان وحشتنى والله

[ندعوك للتسجيل في المنتدى أو التعريف بنفسك لمعاينة هذه الصورة]

» هل هناك دوله بدون اطفال ؟؟؟؟؟؟؟

فعـاليات يوم الوفـــــاء بالجوابــــــر

دوله مسلمة ام مدنية