افيدوني جزاكم الله خيراااااا

السلام عليكم
عندي استفسار بسيط هو مش بسيط اوي يعني بس انا النت بيفصل عندي كتير اوي بس في اوقات معينة من اليوم دة اللي انا ملاحظاة بيفصل كل دقيقة تقريبا وبيرجع ويفصل تاني كل شوية انا سالت وحكولي يمكن من الويندوز والوصلة سليمة ومفيش فيها مشاكل ولسة منزلة ويندوز جديد ومش عارفة المشكلة فين عايزة اعرف هو فعلا فية برنامج بيسحب النت يعني ممكن حد من المشتركين في الوصلة بيسحب النت من باقي المشتركين افيدوني وشكرا

المشتاقة للجنة
لو متأكدة من الوصلة سليمة
والعيب مش من الويندوز
ممكن يكون حد بيستخدم برنامج النت كات
بيفصل عن اللى موجودين ف الشبكة
وممكن تستخدمى برنامج انتى كات

المهم
ف حاجات لازم تكون معروفه
هل النت شغال عند المشتركين اللى اخدين من نفس السويتش اللى جهازك اخد منه
لو النت بيفصل عنهم زى ما بيفصل عندك يكون العيب من السويتش اللى اخده منه
وغالبا ف الصيف السلوك تتاثر والسويتشات تتاثر من الحر

لو النت شغال عندهم تمام
يبقى العيب من الوصلة او الجهاز
لو عايزين نتاكد العيب من الجهاز ممكن تجربى جهاز اى حد عندك مكان جهازك وتشوفى النت شغال ولا بيفصل
لو شغال تمام بيكون العيب من جهازك
لو بيقطع يكون العيب من من الوصلة
وبكدا نغير الوصلة

شكرا جزيلا أستاذ احمد اكيد انا شكيت في الموضوع دة لان النت بيفصل في ساعات معينة بس اكيد هشوف اللي انت حكيت علية وربنا يسهل ان شاء الله
جزاك الله خيرا

وممكن كمان السلك يكون فية رطوبة بمعنى انى بيفصل في اوقات معينة من اليوم
وممكن ايضا السويتش بس لازم تتاكدى من المشتركين اللي واخدين من نفس السويتش لو شغالين تمام يبقي العيب في الوصلة
وبخصوص الويندوز دا قليل جدا لما بيحصل ويفصل النت
اتمنى انى اكون افدتك
اسف لتاخرى عن الرد ودا كان بسبب غياب طويل عن المنتدى

» جزاكم الله عنا خير الجزاء
» علم التجويد**ولادارة المنتدي والمشرف الديني **جزاكم الله خيرا
» طلب بسيط منكم لو تكرمتم افيدوني
» لو رسول الله صلى الله وعليه وسلم سالنا ماذا تحب فى الدنيا؟
» ثلاثة يحبهم الله ، وثلاثة يشنؤهم الله....حديث مهم للرسول(ص)

فعـاليات يوم الوفـــــاء بالجوابــــــر

افيدوني جزاكم الله خيراااااا