الجنة

موضوع: الجنة الأحد 22 أغسطس 2010, 10:57 pm

السلام عليكم ورحمة الله وبركاته
اخواني وأخواتي دايما لما بكتب مواضيع بفكر في فكرة الموضوع وبعدين أختار العنوان المناسب، لكن المرة دي الوضع مختلف، كل اللي بالي هو عنوان الموضوع، بس هو مش عنوان هو احساس حسيته وتملك قلبي وممكن أكتفي بيه من غير ما أقول أي كلام.

نفسي أترمي في حضن الجنة....وأعيش بقى وأتهنى....
حاسين باللي أنا حاسة بيه؟؟طاب تعالوا نعيش مع بعض الاحساس ده.
الدنيا صعبة أوي مش كدة؟؟أيوا دي كلها تعب وشقاء ومشاكل وابتلاءات وحزن وفراق، ياااااااااه كل ده في الدنيا، طبعا ده ربنا قال في كتابه العزيز(ولقد خلقنا الانسان في كبد)
احنا في دنيا مافيهاش سعادة كاملة أبدااااااا، بالرغم من كدة مفيش تصرف بنتصرفه في حياتنا الا بحثا عن السعادة، ممكن نلاقيها وممكن مانلاقيهاش، بس حتى لو لقيناها بتكون مش كاملة وأبى الله أن تكون في سعادة كاملة في الدنيا.
تعبنا من الدنيا؟؟نفسنا نرتاح؟؟نفسكم في إيه؟؟
أنا نفسي أبقى سعيدة، نفسي أترمي في حضن الجنة، نفسي أعيش وأتهنى
سيدنا عمر بن الخطاب قال إن الراحة مع أول قدم يضعها في الجنة أما قبل ذلك فلا راحة.

(الجنــــــــــــــــــــــــــــــــة)ياترى الكلمة دي بتمثلنا ايه؟؟
أول كلام لازم يخطر ببالنا لما نسمع كلمة الجنة هو كلام المولى عز وجل في الحديث القدسي عن أبي هريرة رضي الله عنه قال قال رسول الله قال الله تعالى(أعددت لعبادي الصالحين ما لاعين رأت ولا أذن سمعت ولا خطر على قلب بشر)
الحديث ده نحس منه أد إيه ربنا بيحبنا، حبيبنا الله أعد لينا الجنة بنفسه والله على البشاير اللي في الحديث، ما لاعين رأت، مهما شفنا من جمال في الدنيا، مهما وقفنا عاجزين عن وصف الجمال ده، مهما شفنا وهنشوف الجمال اللي في الجنة ماشافتهوش عين، ياااااااااه بعد كل الجمال اللي بنقول لما بنشوفه من قلوبنا سبحان الله البديع هيكون في أكتر من كدة؟؟ ده مش بس كدة، ده كمان ما لا أذن سمعت، يعني مهما سمعنا في الدنيا وقلنا الله على جمال الكلام والله على جمال الصوت، اللي في الجنة أحلى وأحلى، هنفكر أكتر ونسرح ونتخيل في الجنة وجمال الجنة، ربنا يقلنا مهما فكرتوا واتخيلتوا اللي هتشوفوه في الجنة ماخطرش ولا هيخطر على قلب بشر.

طاب تيجوا نعيش أكتر مع الجنة وأعرفكم ليه نفسي أترمي في حضن الجنة
الجنة كما ورد في وصفها لا مثيل لها هي نور يتلألأ وريحانة تهتز وقصر مشيد ونهر مطرود وفاكهة ناضجة وزوجة حسناء جميلة وحلل كثيرة.
وشوفوا كمان كلام حبيبنا المصطفى عن بناء الجنة(لبنة من ذهب ولبنة من فضة وملاطها المسك وحصباؤها اللؤلؤ والياقوت وتربتها من الزعفران من دخلها ينعم ولا يبأس ويخلد ولا يموت ولا يبلى ثيابه ولايفنى شبابه وصدق الله حيث يقول"وإذا رأيت ثم رأيت نعيما وملكا كبيرا")
ويقول ابن تيمية(الجنة ليس فيها شمس ولا قمر ولا ليل ولا نهار لكن تعرف البكرة والعشية بنور يظهر من قبل العرش)
وريح الجنة عبقة زكية تملأ جنباتها وهذه الرائحة يجدها المؤمنون من مسيرة أربعين عاما.
الله على الكلام اللي بيزود شوقنا شوق على شوق للجنة.
طاب أقولكم على لذة بالجنة ومافيها، والله دي كفاية ومش عايزين غيرها
رؤيــــــــــــــــــــــــــــــــة وجه الله الكريــــــــــــــــــــــــــــــــم
ياااااااااااااااااااارب نولهالنا جميعا يااااااااااااااااااارب
اللهم لاتحرمنا من لذة النظر إلى وجهك الكريم
إيه أمنية ممكن نتمناها تاني؟؟بالله عليكم مش اللذة دي بالدنيا والجنة ومافيها؟؟
عرفتوا ليه نفسي أترمي في حضن الجنة؟؟عرفتوا إزاي عايزة أعيش وأتهنى؟؟
عايزة أتهنى برؤية حبيبي وحبيب حبيبي محمد صلى الله عليه وسلم
عايزة أتمتع بكل حاجة في الجنة عشان حبيبي هو اللي أعدها لينا بنفسه.
عايزة أعيش سعيدة برضا ربنا عني، نفسي أسمع كلام حبيبي:
إذا دخل أهل الجنة الجنة قال الله لهم يا أهل الجنة فيقولون لبيك ربنا وسعديك والخير كله بين يديك فيقول هل رضيتم؟؟ فيقولون ومالنا لانرضى وقد أعطيتنا مالم تعطه أحدا من خلقك، فيقول ألا أعطيكم أفضل من ذلك؟؟ فيقولون يارب وأي شئ أفضل من ذلك؟؟ فيقول أحل عليكم رضوان فلا أسخط عليكم بعده أبدا.
صدقت يارب العالمين حين قلت(ورضوان من الله اكبر)
يــــــــــــــــــــــــــــــــارب رضـــــــــــــــــــــــــــــــــــــاك
مين منكم دلوقتي نفسه يترمي في حضن الجنة؟؟ طاب عملنا إيه عشانها؟؟
بندعي ربنا ليل ونهار نكون من أهلها؟؟
طاب تيجوا نصلي ال 12 ركعة السنن المؤكدة عشان كل يوم يتبينلنا بيت في الجنة، تيجوا نسبح ونذكر ربنا ونزود ملكنا في الجنة من شجر ونخيل، تيجوا نتحمل مكاره الدنيا بصبر ورضا عشان نعرف نوصل للجنة، محتاجين أووووووووي لرضاه علينا عشان نوصل لجنته، محتاجين نقبض على دينه عشان نكون من الفائزين، لو خسرنا رضاه في الدنيا هنندم في وقت ماينفعش فيه الندم، يلا نقول من قلوبنا محتاجينلك يارب، محتاجين رضاك، مشتااااااااااقين لرؤياك، يارب خلينا ماشيين على صراطك المستقيم في الدنيا واحسن ختامنا وأمتنا وأنت راض عنا وأدخلنا الجنة بغير حساب ولا سابقة عذاب.

زي ماقلتلكم أنا ماكانش في دماغي غير عنوان الموضوع أو الاحساس اللي حسيته بقلبي وحبيت أوصله لقلوبكم، وأتمنى أكون قدرت أوصل ولو جزء من احساسي.

يـــــــــــــــــــــــــــــــــــــــارب الجنـــــــــــــــــــــــــــــــــــــة

موضوع: رد: الجنة الإثنين 23 أغسطس 2010, 1:08 am

يارب الجنه اللهم اجعلنا من اهلها
فيها مالا عين رات ولااذن سمعت ولاخطر على قلب بشر
جزاكم الله كل الخير استاذ ابراهيم على هذا الاحساس الجميل

موضوع: رد: الجنة الإثنين 23 أغسطس 2010, 3:41 am

يـــــــــــــــــــــــــــــــــــــــارب الجنـــــــــــــــــــــــــــــــــــــة
عايز الجنه؟؟؟؟؟؟!!!!!!!!!!

شوف هتدفع ايه؟!!!!!!!
وشوف هتدفع كام؟؟؟؟؟؟؟؟؟!!!!!!!!!

ألا إن سلعة الله غالية
الجنة Anyaflower436

ألا إن سلعة الله هى الجنة

{إِنَّ اللّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الجَنَّةَ يُقَاتِلُونَ فِي سَبِيلِ اللّهِ فَيَقْتُلُونَ وَيُقْتَلُونَ وَعْداً عَلَيْهِ حَقّاً فِي التَّوْرَاةِ وَالإِنجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللّهِ فَاسْتَبْشِرُواْ بِبَيْعِكُمُ الَّذِي بَايَعْتُم بِهِ وَذَلِكَ هُوَ الْفَوْزُ الْعَظِيمُ }التوبة111

صدق الله العظيم

اللهم إنا نسألك الجنة وما قرب إليها من قول أو عمل
ونعوذ بك من النار وما قرب إليها من قول أو عمل

شكرا لك أبا عائشة على نقل هذا الإحساس الشفاف

تقبل الله منا ومنكم
الجنة Anyaflower436

موضوع: رد: الجنة الإثنين 23 أغسطس 2010, 4:51 am

يـــــــــــــــــــــــــــــــــــــــارب الجنـــــــــــــــــــــــــــــــــــــة

لنـــــــــــــــا جميعــــا

ان شاء الله

شكرا لك ابا عائشة
الجنة Anyaflower436

موضوع: رد: الجنة الإثنين 23 أغسطس 2010, 5:10 am

يا رب ما ليش غيرك
يا رب الجنة
يا رب عتق من النار

يا رب ليلة القدر
يا رب رضاك عنا

لك خالص دعائي أبا عائشة

موضوع: رد: الجنة الإثنين 23 أغسطس 2010, 7:47 am

;كل الشكر والتقدير لكم
د احمد لطفي وكل عام وانت بالف خير وسعادة وعقبال ال5 عيون
وللغالي ا احمد نجم العبقري
وللدكتور الغالي جلا ل المتالق
وروحي الغالي مجوووووووووووود

كل الشكر لما لما اسعدتمونا بالمرور والمشاركة
:D

موضوع: رد: الجنة الإثنين 23 أغسطس 2010, 2:36 pm

يــــــــــــــــــــــــــــــــارب رضـــــــــــــــــــــــــــــــــــــاك

و
يـــــــــــــــــــــــــــــــارب الجنـــــــــــــــــــــــــــــــــــــة

جزاك الله خيرا

» هل رأيت الجنة ؟؟
» بكم تشتري الجنة **
» هل رأيت الجنة ؟؟
» رحلة إلى نعيم الجنة
» رسالة من الجنة .... منقولة

فعـاليات يوم الوفـــــاء بالجوابــــــر

الجنة