دعوة عامة للتطنييييييييش

كلنا بنحب نطنش مش في
كل حاجة طبعا في حاجات وحاجات ودي صفة فينا طب إيه المشكلة ؟
إيه رأيكم لو لعبنا في قاعدة التطنيش دي وحولناها لقاعدة
ايجابية؟
يعنى إيه الكلام ده أنا عارفة إن محدش فاهم حاجة بس
ثواااااااانى استنو بس متطنشونيش وأنا هشرح لكم .

أوقات كتيرة بنطنش
حاجات حلوة ونكسل نعملها زى إننا مثلا :

بنطنش النصيحة لما حد يخاف علينا ويقولها لنا ونرفضها بغرض
انه مش فاهم وأنا عارف مصلحتي.

بنطنش إننا نسمع رأى اى
حد مخالف لينا لان في اعتقادنا إننا الصح ديما ومفيش زيينا .

بنطنش إننا نحافظ على شوارعنا وبنكتفى إننا نقول البلد دي
عمرها ماهتنضف وأنت أصلا مش بتساعد وبتطنش وترمى في الشارع .

بنطنش
زيارة أقاربنا بحجة انه مفيش وقت (على أساس انك مهم ) أو انك ملكش كلام
معاهم قوى(وش كسوف يعنى) أو إن البيت بعيد (ولو واحد صاحبك خدك
مشوار لأخر البلد عادى)أو .............

بنطنش إننا لو قاعدنا في مكان واحد بيشرب سجاير فيه إننا
نفضل قاعدين ساكتين ونكتفي بعبارة التدخين ضار بالصحة قوم وسيب له المكان
حسسه انه بيعمل حاجة غريبة قوله دخن بعيد عنى
بنطنش وبنطنش وبنطنش
............... .......

طب ليه ماتنطنش عوامل الإحباط إلى حواليك (أشمعنا دي) وتقعد

تشتكى
وتقول وتعيد وتزيد

ليه
ماتنطنش ظلمك في اى حاجة عموما في الحياة وتحولها لدافع لنجاحك

ليه
ماتنطنش اى حد يقلل من قيمتك وتهتم اكتر انك تنمى شخصيتك وتستفيد من
إمكانياتك وتكتشف قدراتك وأكيد هتلاقى الى يقدرك لأنه بيفهم

ليه ماتنطنش الغلا الى حاصل في البلد وكل ما تعلى من كفاءاتك
كل ما هتشتغل في مكان أعلى ومرتبك يعلى وبعدين مانت ممكن تعمل مشروع صغير
جمب وظيفتك بدل ماتندب حظك (انويها بس)ليه ماتنطنش البطالة الى
حواليك وبدل ماتقول هو في شغل قول ازاى اخترع شغل (مقصدش لقدر الله انك
تستورده م المريخ ولا حاجة) اقصد إننا نشغل دماغنا ونبتكر مشروعات صغيرة
ويوم بيوم الصغير بيكبر و الى خلاك كبرت يخلى شغلك يكبر بس أنت أتقنه
وأخلصه لربنا

ليه ماتنطنش الحاجات الى بتتفرض عليك ومش بأيدك
تغيرها وتفكر في الحاجات الواجبة عليك

يعنى باختصار
تعالو نتمرد على التطنيش وبدل مانطنش اى حاجة حلوة نطنش اى حاجة هضايقنا
وتمنعنا من الحركة ونبرمج دماغنا انه لو قابلتنا اى مشكلة نشوف بسرعة سببها
إيه ونبدأ في التفكير لحلولها ولو ملهاش سبب أفكر على طول هحلها ازاى بدل
ما نقعد سنين وسنين نتكلم عنها ونقول إحنا بنعانى من وبنعانى من والأسباب
كذا وكذا ونقعد نعمل أبحاث في المشاكل وأسبابها خلاااااااااص زهقنا كفاية
بقى يلا نفكر في الحل لاى مشكلة صغيرة اوكبيرة ونطبقه

[ندعوك للتسجيل في المنتدى أو التعريف بنفسك لمعاينة هذه الصورة]

المهم النية الاكيدة للتطنيش

والعمل الجاد والاخلاص فيه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

****************

أولاً : حمدا لله على سلامتك ياإبراهيم

ويارب تكون بصحة جيدة

ثانيا : أحييك على موضوعك الأكثر من رائع

وياريت لو كل واحد يفكر فى الكلام ده بجدية

فى ظل عوامل الإحباط الموجودة هذه الأيام

سواء من صديق أو من حكومة او من ...........

فقط كن إيجابياً ولا تكن سلبياً

****************************
مرة ثانية كل الشكر على موضوعك يارامبو
وننتظر منك الجديد والأروع إن شاء الله
[ندعوك للتسجيل في المنتدى أو التعريف بنفسك لمعاينة هذه الصورة]

الله يسلمك يا استاذ حماده
وان شاء الله اكون عند حسن ظن الجميع

:(

موضوع اكثرمن رائع

ونبطل نظرية
طنش تعيش

سيتبدل الحال
للافضل اكيد

جزاك اللة خيرا

أولا حمد لله على سلامتك يا رامبو
وفعلا أنا بكون سعيد جدا عندما أقرأ موضوعاتك
لأنى أشعر فيها بالصدق والإخلاص

فالتطنيش أو التغافل فى الأساس صفة سلبية الا فى مثل هذه الأمور فيعد صفة ايجابية
فما أجمل التطنيش وما أجمل التغافل
ولكن
بهذه الكيفية فقط وفى مثل هذه الأمور فقط

أما إذا تعلق الموضوع بالأمر بالمعروف والنهى عن المنكر فلا يمكن التطنيش فى هذه الحالة
ولا يجوز التغافل
لأن الساكت عن الحق شيطان أخرص

وقال رسول الله صلى الله عليه وسلم
" والذى نفسى بيده، لتأمرن بالمعروف ولتنهون عن المنكر، أو ليسلطن الله عليكم شراركم فيدعو خياركم فلا يستجاب لهم"
أو كما قال رسول الله صلى الله عليه وسلم

دعوة الى الأمر بالمعروف والنهى عن المنكر

ومرة أخرى
شكرا لك رامبو
وجزاك الله خيرا
فالموضوع غاية فى الروعة

التطنيش لغه العصر لغة شبابنا لغه موجودة ومش هتتمحي بسهولة في بعض الناس اللي مكبرين دماغهم وساكتين عن الحق

وعن الصح ومع الغلط اللي مثلهم طنش تعش تنتعش بجد موضوع مهم

شكرا يارامبو وحمد الله علي السلامة
[ندعوك للتسجيل في المنتدى أو التعريف بنفسك لمعاينة هذه الصورة]

انا الى سعيد جدا يا دكتور
وشكرا على مرورك
وشكرا للاستاذ رضا عرفات

» دعوة عامة لحضور يوم الوفاء بالجوابر أول أيام العيد
» دعوة عامة لحضور يوم الوفاء الثانى بالجوابر ثالث أيام عيد الأضحى المبارك أعاده الله عليكم بالخير واليمن والبركات
» معلومات عامة وقد تكون غريبة بعض الشئ.....
» دعوة مهمة جدا جدا
» دعوة جادة للمشاركة ,,,,,,,,,,,,,,,,,,,,,,

فعـاليات يوم الوفـــــاء بالجوابــــــر

دعوة عامة للتطنييييييييش