حوار بين زملكاوي و أهلاوي و إسماعلاوي و فريق عظيم اخر ؟؟؟

ومثل كل عام يتقابل الاصدقاء في بيت احدهم بود وحب فكل منهم ابتعد عن الاخر بسبب ظروف ومشاكل الحياه المعتاده بعدما كانوا في ايام الجامعه اشهر شلة اصدقاء ... فاحدهم من القاهرة والاخر من الجيزة وثالثهم من الاسماعيليه والرابع من ... مش فاكر بصراحه ولكنه مصري مثلهم تماما ويعشق مصر كوطن وليس كسلطه او رئيس او حكومه ...؟؟؟؟ وبعد الحديث الشيق عن الذكريات ومقالب زمان والحب القديم بتاع زمان ... والصلاة سويا والمذاكره معا وحتي بعض الذكريات المحرمه النادمين عليا ... يتذكرونها ويضحكون ويتسامرون بحب وود وحنين لهذه الايام ...وووووووووووووووووووووووووووووووووووو

الاهلاوي / مين شاف فيكم ماتش الاهلي الاخير ... قطعناهم يا معلم بس الحكم منه لله ؟؟؟

الزملكاوي / انتم كل ما تخسروا ماتش تقولوا الحكم خخخخخخخ ياعم ابقي خدوا الحكم التفصيل بتاعكم وانتوا رايحين تلعبوا اي ماتش وريحونا ؟؟؟

الاهلاوي / انت نسيت نفسك يابني ولا افكرك ... فاكر السته ... فاكر كام سنه مشمتوش الدوري ... فاكر كام سنه مغلبتوش الاهلي ... فاكر ولا الزهايمر مبيشتغلش الا لما تيجي سيره الاهلي ؟؟؟

الزملكاوي / يا دي حصه التاريخ الغلسة اللي انتوا حافظنها ... انت هتنكر اننا دلوقتي احسن منكم

ولولا الحظ ابن الايه كان زماننا مقطعينكم اخر ماتش ؟؟؟

الاسماعيلاوي / ياعم الاهلاويه اكتر فريق محظوظ في العالم احنا فريقنا برقبتهم وكل فريقهم اساسا من عندنا ... مش عارف بصراحه هما مش مكسوفين انهم بيلعبوا باللعيبة بتاعتنا ولا ايه ؟؟؟

الاهلاوي / دا علي اساس اننا سرقنهم منكم ولا مستلفينهم يومين ... حبيبي دلوقتي عصر احتراف وفريقهم نصه من الاهلوية وبعدين يا غالي اللعيبة دي ما كانت عندكم ... عملتم بيها ايه ... ولا اي حاجه ... دوري ولا اتنين يتامي بس لما ييجي لاعيب الاهلي بيشتغل يا معلم مش بيحمض زي ما بيحصل عندكم ؟؟؟

الرابع اللي مش فاكر هو بيشجع ايه / يا جماعه صلوا علي النبي ( عليه افضل الصلاة والسلام ) هو انتوا كدا علطول مش هتتغيروا مهما كبرتوا ابدا ... كل فريق له مميزاته وعيوبه والمهم اننا كلنا بنشجع الكوره الحلوة في الاخر ... انتوا مبتتكسفوش لما بتشوفوا كورة اروبا ؟؟؟

الزملكاوي / هو الاخ خد الجنسية البرازيليه واحنا نايمين ؟؟؟

الاهلاوي / شوف يا عم الجهل الراجل يقول كورة اوربية ودا يقولك البرازيل ... البرازيل مش اوروبا يا عم عباس الابيض انت ... البرازيل بييييييييب بييييييييييب اسيااااااااااا ؟؟؟

الاسماعيلاوي / خخخخخخخخخ اسيا ولا طيبة ... احنا برازيل مصر والعرب وعلي الله حد ينكر ... ومحدش يقدر يتكلم اننا احلي كورة في مصر ؟؟؟

الاهلاوي / احلي كروه في مصر !!! خخخخخخ دا علي اساس ان كورتكم صانيه بسبوسه ولا صوابع زينب ... ياعم الله يهديك الكورة يعني بطولات .. انجازات ... ؟؟؟ مش حلوة ومايعه والكلام الناقص اللي علطول اسمعه منكم دا ... ؟؟؟

الزملكاوي / طيب تراهن ان حسام حسن الموسم الجاي هتتقطعوا والدوري بتاعنا ... طب وهنروح بعيد ليه الكاس جاي اهو وشيكا هيدلعكوا يا معلم ... مستواكم والله ضعيف جدا ؟؟؟

الاهلاوي / طب ادفع الرهانات علي العشر سنين اللي فاتوا الاول وبعدين اتكلم ؟؟؟

الاسماعيلاوي / هما ست سنين انت كمان هتشتغلنا وتقول عشره ؟؟؟

الزملكاوي / يا عم الاهلاويه طول عمرهم كدا عارفين انهم بيكسبوا بالحكام واتحاد الكورة الاحمر والاعلام كله تبعهم وكله بيصهين لما لاعيب منهم بيعمل حركه كدا ولا كدا انما لو حد من عندنا الدنيا بتقف ولا تقعدش ... دا حتي لقب القرن خدوه كوسه مننا ؟؟؟

الاسماعيلاوي / بصراحه عندك حق المفروض اللقب ليكم انتم ... ومتنساش ان الاسماعيلي اول فريق مصري ياخد بطوله افريقيا ؟؟؟

الاهلاوي / خخخخخخخخخخ القرن ... بتعرف تعد ولا مبتعرفش عارف احنا كام دوري وكام كاس وكام بطوله افريقية ... دا لو انا عايش في قاره بطلها الزمالك كنت انتحرت ؟؟؟ 11 دوري باين صح ولا ايه

يعني الاهلي لو بطل كورة عشرين سنه مش هتحصلوه ؟؟؟ خخخخخخخخخخخخخخ

الزملكاوي / يابني والله انت بتضحك علي نفسك احنا كنا قبل سنه 2000 احنا واخدين بطولات افريقيه اكتر منكم وبالحسابات احنا ابطال القرن ؟؟؟

الاهلاوي / بالحسابات وبالجغرافيا احنا ابطال القرن ولا عايزني اجيبلك صورة المرحوم صالح سليم وهو بيستلم جايزة نادي القرن ... فكونااااااااا بقه من الاسطوانه المشروخه دي ؟؟؟

الاسماعيلاوي / انا اتخنقت من الكلام ... انتوا كدا الاهلاوية طول عمركم كدا .... خدوهم بالصوت لا يغلبوكم ؟؟؟

الزملكاوي / يا عم والله وبصراحه الاسماعيلي احلي كورة في مصر وبعدين احنا ... وانتوا بقه بعد كدا من غير بقه بطولات ولا دوشه ومحدش يقدر ينكر الكلام دا ولو انت بتفهم كورة صح هتعرف كدا ؟؟؟

الاهلاوي / يااااااااا راااااااااجل انتوا رجعتوا لبعض ... حمدلله عالسلامه ياعم الامور انت وهو ... بص يابني هو كدا علطول البطل والزعيم محط حقد وغل فرق الفرز تاني ؟؟؟

وووووووووووووووو

الرابع اللي مش فاكر هو بيشجع ايه /

جووووووووووووووووووووووووووووووووووووووووووووووووول

جوووووووووووووووووووووووووووووووووووووووووووووووول

وبصوت الكاديكي في التليفزيون / انه فريق الساجدين ... جوووووووووول ... لمسة سحرية من حسني عبد ربه من وسط الملعب ... شيكابالا بكعبه وبلمسة فنان تروح لبو تريكه الماجيكو برفعه سحرية قصيرة في الكلمة ممنوعة يارده ... ويشوط متعب في القائم ومتابعه رائعه من جدو وفي الشبكه ... الله عليكي يا مصر يا ام الدنيا ... الله عليك يا فريق الساجدين ؟؟؟

الاهلاوي / يا نهار ابيض دا ماتش المنتخب بدأ واحنا مش حاسين والواد الخسيس صاحبنا خلع من وسطنا وراح يتفرج لوحده ...

الزملكاوي / نسينا نفسنا واتكلمنا في كلام فاضي وماتش المنتخب بدا من زمان واحنا ولا هنا ...

الاسماعيلاوي / قوم ياعم نتفرج علي الماتش انا جبت اعلام مصر معايا ...

الاهلاوي / وانا جبت زمامير وبمب وفراقيع يا معلم ...

الزملكاوي / ونا منستش وجيبت الكابات وفانلات المنتخب عشان نلبسها كلنا ...

((( تعالوا بسرعه نشوف اعادة الجون )))

الاهلاوي / الله يا حسني يا سيدهم ... يا عيني عليك يا شيكا يا جاااااااااااااااااامدييييييييييييييييد ؟؟؟

الزملكاوي / الواد متعب حظه زفت بس لعب الكورة ولا رونالدو ... باشا والله ؟؟؟

الاسماعيلاوي / متعب ياعم واد حريف بس شوف شيكا الجامد ادهاله ازاي والواد جدو حطها ازاي ؟؟؟

الرابع اللي مش فاكر هو بيشجع ايه / مش قلتكلكم مفيش غيره ... فريق الساجدين ؟؟؟

شكراااااااااااااااااا

من يومين تلاته ... قابلت واحد صاحبي هو مش صاحبي اوي يعني بس اتكلمنا في الكورة والاهلي والزمالك هي طبعا مش كورة اوي يعني ..

... وقال بصوته المبحوح هو مش مبحوح اوي يعني بس قالي : يا عزيزي الاهلي هو البرينج ... والزمالك هو الكينج واي فريق بقه هو الشينج ؟؟؟ ولاني دخلت الجيش المصري وخدمت بلدي وحكومه بلدي ... هي اه بلدي اوي يعني ... منها لله تلت سنين كظابط احتياط .. مش ظابط اوي يعني بس منها انا عارف قصه البرينجي كينجي شينجي ... فالاهلي هو الاول والزمالك هو التاني وأي حد هو التالت ودا رايه هو مش رايي انا ... وبصراحه تشبيهه عجيب جدا ... لان التلاته بيتنفخوا في الجيش في سبيل خدمة الوطن ؟؟؟ بس بصراحه انا زيكم مفهمتش من كلامه اي حاجه ... بس افتكرت الوطن ؟؟؟

الوطن ...بجد كلمه بتهز القلب لما تسمعها ... وبتقطع الروح لما تحسها ... وبتبكي العين لما تفتكر هي عملت فيك ايه ... وبتزرف دم لما تحس انك غريب في وطنك الأُم ؟؟؟

الأٌم ... هذا المخلوق الرائع الحنون الذي يحبك ويعشقك بدون اي مطالب او اسباب

وهي تلك النفس التي تشعرك انك في الدنيا ذو قيمة ... فانت بالنسبة لها لا تقدر بثمن

رغم انني و الكثير منا ربما يكون ثمن احدنا أقل من الجنيه؟؟؟

الجنيه ... معاك جنيه تساوي جنيه ... مش معاك الجنيه ممكن يتولع فيك عشان نفس الجنيه

وعايز تصدق كلامي جرب وانت مره مفلس تركب تاكسي وشوف هيحصل فيك إيه ؟؟؟

إيه ؟؟؟... وعلي راي اختنا المبجلة ( ايييييييه قول تاني كده ) وراي برده اخونا الحانوتي المبجل ( ايييييييه دنيااااااااا ) ... اكتر كلمه مستخدمه حاليا ولا تمت للغه العربية في شكل صيغه سؤال ... مستخدمه بين عامة الشعب وصفوه الشعب وكل فئات الشعب ...فعامة الشعب يتساءلون ... ايه اديتنا مصر ؟؟؟ ... والصفوة يردون ... قول هاتدي ايه لمصر ؟؟؟

لمصر ... روحنا فداءا لمصر ... نتعلم ونجتهد ونجد ونعمل لرفع شان مصر ... نلعب ونحرز الاهداف

من اجل تمثيل مشرف لمصر ... الكبار يسرفون ويسرقون ويرشون ويرتشون ويقترضون وبالامانه هم يعملون دائما من اجل انحطاط مصر ...

واتعجب عندما يضحك هؤلاء الكبار عندما يسمعون شيرين بصوتها المؤثر (( مشربتش من نيلها )) ... لكن بعد الفحص والبحث عرفت انهم عمرهم ما يشربوا ولا شربوا من نيلها الذي لوثوه باعمالهم ومصانعهم ومخلفاتهم ؟؟؟ لا يشرب من النيل الا كما يقول هؤلاء الاوباش ... امثالي من الرعاع ؟؟؟

الرعاع ... في نظري هم الرعاع ولا يختلفوا كثيرا عن الصهاينة والامريكان ومن يتعامل معهم ومن يجلس معهم ومن قبل السلام معهم ... الرعاع هم ايضا من يسبون وطني وينسبون اعمال مجرمين وطني لوطني وشعب وطني ... الرعاع هم من ينسون افضال ابناء وطني عليهم ... والرعاع هم ايضا من يصارعون ويذبحون ويسبون من اجل كرة قدم شريفات وشرفاء وطني ... فالويل لكل الرعاع من الشرفاء في الدنيا ومن الله عز وجل في الدنيا و الأخره ؟؟؟

الأخره ... نسيها الزعماء ويتناساها الاشقياء ويتنازل عنها كل محب للمال والسلطه والجاه وكل متحالف مع الشيطان ... ويتمناها كل يائس وتائب ومؤمن وعابد ... اللهم اكتبنا ممن يتمناها ... واحشرنا مع الانبياء والصديقين والشهداء ؟؟؟

الشهداء ... اللهم حرر اقصانا ... اللهم بلغنا الشهادة جهادا في سبيلك ومن اجل رفع راية الاسلام ومن اجل طفل او امراه او رجل قليل الحيلة في العالم الاسلامي يصرخ ويقول الحقوني يا مسلمين ... اغيثوني يا من ترددون نشهد ان لا اله الا الله ... وان سيدنا ونبيينا محمد رسول الله ...

والله نفسي حالنا يتعدل في البلد والشغل والبيت وحتي الكورة وفي كل حته
بس الاكيد اكيد ..
انه عمره ما هيتعدل الا لما نتقي الله في مالنا واولادنا ولسانا وافعالنا
لان حتي لو كنا متهانين في بلدنا فربنا هو اللي مسلط علينا
الحكومه وكل اللي قارفين عيشيتنا ..
الحمد لله
وسبحان الله
والله اكبر
وأشهد أن لا اله الا الله محمدا رسول الله
ولا حول ولا قوة الا بالله ..

منقول والله
بس شغال على فكره

والله نفسي حالنا يتعدل في البلد والشغل والبيت وحتي الكورة وفي كل حته
بس الاكيد اكيد ..
انه عمره ما هيتعدل الا لما نتقي الله في مالنا واولادنا ولسانا وافعالنا
لان حتي لو كنا متهانين في بلدنا فربنا هو اللي مسلط علينا
الحكومه وكل اللي قارفين عيشيتنا ..
الحمد لله
وسبحان الله
والله اكبر
وأشهد أن لا اله الا الله محمدا رسول الله
ولا حول ولا قوة الا بالله ..

[ندعوك للتسجيل في المنتدى أو التعريف بنفسك لمعاينة هذه الصورة]

» حديث عظيم سيزيدمن حبك للصلاة
» حوار رائع
» حوار مع الشيطان
» حوار ***في امتحان ****
» حوار مع سيجارة

فعـاليات يوم الوفـــــاء بالجوابــــــر

حوار بين زملكاوي و أهلاوي و إسماعلاوي و فريق عظيم اخر ؟؟؟